މުނިއަވަސް ރަހަފަތުގައި މިފަހަރު މި ގެނެސްދެނީ ވަރަށް ފަސޭހަކަމާއެކު ތައްޔާރުކޮށްލެވޭނެ މީރު ބުއިމެކެވެ. ދިވެހިންނާއި ގުޅޭ، ޚާއްޞަކޮށް ރަމަޟާން މަހާއި ގުޅޭ މީރު ބުއިމެކެވެ.

ބޭނުންވާނެ ތަކެތި

    • 1 ބައި ޖޯޑުގެ ކަރާ އޮށްއޮށަށް ކޮށައި ގަނޑުކޮށްފައި
    • ލުނބޯ ކިބައެއްގެ ހުތް (ބަދަލުގައި އޮރެންޖު ކިބައެއްގެ ދިޔަ)
    • 1 ސައިސަމުސާ ހަކުރު
    • ކުދީނާފަތް (މިންޓް ލީވްސް) – ބޭނުން ނަމަ

ތައްޔާރު ކުރާނެ ގޮތް:

1- ގަނޑުކޮށްފައިވާ ކަރާ، މިކްސަރަށް އަޅާށެވެ. މިކްސަރު ތެރެއަށް ލުނބޯހުތް ޖަހައި ހަކުރު އަޅާށެވެ.

2- 1 މިނެޓް ވާންދެން ބްލެންޑްކޮށްލާށެވެ.

3- ބިއްލޫރި ތަށްޓަށް އަޅާށެވެ.

4- ކުދީނާ ފަތްކޮޅު ކުޑަކޮށް ޗަސްކޮށްލައި ތަށްޓަށް އަޅައިގެން ބޯށެވެ.

 

މިއީ ރޯދަވީއްލާ ގަޑިޔަށް ނުވަތަ ހާރުދަމަށް ވެސް ވަރަށް އެކަށީގެންވާ ބުއިމެކެވެ. ތައްޔާރުކޮށްލަން ނަގާނީ ހަމަ އެންމެ މިނެޓެކެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: