ގަލަންގަލް (އަލްޕިނިއާ ގަލަންގަލް) ނުވަތަ ދިވެހިބަހުން ބުނާނަމަ ފޮތިހުވަނދަކީ ގިނަދުވަސްތަކެއް ވާންދެން ހައްދައިގެން ގެންގުޅެވޭ އިންޑޮނޭޝިޔާގެ ޖާވާގައި އާއްމު ގަހެކެވެ. މިއީ ތައިލޭންޑްގެ ކެއުންތައް ތައްޔާރުކުރުމުގައި އާއްމުކޮށް ބޭނުންކުރާ އެއްޗެކެވެ. ނަމަވެސް ގިނަ ދިވެހިން ދަންނަގޮތުން ފޮތިހުވަނދަކީ ދިވެހިބޭހުގެ ބާވަތެކެވެ. މިއީ ގަހެއްގެ އަޑިއަށް ފައިބާ މީރުވަސްދުވާ ގޮނޑިއެކެވެ. މި ގޮނޑި ވައްތަރުވާނީ އިނގުރުގަނޑަކާއެވެ. ދިވެހިން ދަންނަ ފޮތިހުވަނދަކީ ގަލަންގަލް ގެ ގޮނޑި ވަށް ފޮށްޗަށް ކޮށައި ހިއްކާފައި ހުންނަ އެއްޗެކެވެ.

ގަލަންގަލް ނުވަތަ ފޮތިހުވަނދަކީ އިނގުރާއި ކިތަންމެ ވައްތަރު އެއްޗެއް ނަމަވެސް، މުޅިން ދެ ބޭނުމެއް ކުރާ، ތަފާތު ދެވަހަކާއި ރަހައެއް ހުންނަ އެއްޗެކެވެ. އިނގުރަށްވުރެން މާބޮޑަށްވެސް ފޮތިހުވަނދު ކޮށަން އުނދަގޫވާނެ އެވެ. އަދި އިނގުރުގެ ރަހައަށްވުރެން ގަދަ ރަހައެއް ފޮތިހުވަނދުގައި ހުންނާނެއެވެ. މި ގަސް ހުންނާނީ ކޮލިޒާން ގަހާއި އެއްގޮތަށެވެ. ގަސްހެދޭނީ 3 ފޫޓާއި 6 ފޫޓާއި ދެމެދުގެ އުސްމިނަކަށެވެ. ފަތެއްގެ ދިގުމިނުގައި 10 އިންޗިއާއި 13 އިންޗި ހުންނާނެ އެވެ. ފޮތިހުވަނދަކީ ގޯތިތެރޭގައާއި ގޭތެރޭގައި ގަސްމުށީގައިވެސް ހެއްދިދާނެ ގަހެކެވެ.

ގަލަންގަލް (ފޮތިހުވަނދު)

ގަލަންގަލް (ފޮތިހުވަނދު) ހައްދާނެގޮތް:

4- ވެލިގަނޑު ތެތްކޮށް ބަހައްޓާށެވެ. ނަމަވެސް އެހާ ބޮޑަށް ތެތްކޮށް ބަހައްޓައިގެން ކަމަކުނުދާނެ އެވެ. ވެލިގަނޑު މާބޮޑަށް ތެތްވެއްޖެ ނަމަ، ކުރިންވެސް ބުނިފަދައިން ގަލަންގަލް (ފޮތިހުވަނދު) ގެ ގޮނޑި ފީވާނެއެވެ.

5- ކޮންމެވެސް ވަރަކަށް ގަސްކާނާކޮޅެއް އަޅަންވާނެ އެވެ.

6- ގަލަންގަލް (ފޮތިހުވަނދު) އިންދަން ރަނގަޅީ އިރުވައިމޫސުން ފެށޭ ހިސާބުގައެވެ. 

ލިޔުންތެރިޔާގެ ފުރަމަލަ

އަޙްމަދު ރަޝީދު

ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

މި ލިޔުންތެރިޔާގެ ބައެއް އެހެން ލިޔުންތައް

• 4 މެއި 2025ޚަބަރު“ޓޫ އޮފް އަސް” އިން ބައިނަލްއަޤްވާމީ މައިދާނުގައި ރާއްޖޭގެ ނަން ފަވާލައިފި
• 3 މެއި 2025ޚަބަރު“ކަލޭމެން ސާބިތުކޮށްދީފި، ތީ ހުށައެޅުމަށް އެންމެ ފައްކާ ބޭންޑްކަން” – ސަލީމް މާރޗެންޓް
• 3 މެއި 2025ޚިޠާބްމޯލްޑިވްސް މީޑިއާ ކައުންސިލުގެ ރައީސް ދެއްވާ ޚިތާބް
• 3 މެއި 2025ޚަބަރުބެޓްލް އޮފް ބޭންޑްސް އިންޓަނޭޝަނަލްގެ ފައިނަލް ބާއްވާ ތާރީޚަށް ބަދަލެއް