ތައްޔާރުކުރަން ހޭދަވާ ވަގުތު:

 20 މިނެޓު (+30 މިނެޓު މެރިނޭޓް ކުރަން)
 ކައްކަން ހޭދަވާ ވަގުތު: 12–15 މިނެޓު
 4 މީހުންނަށް

ބޭނުންވާ ތަކެތި:

ކުކުޅު ތައްޔާރުކުރުމަށް:

 2 ބޮޑު ކުކުޅު މޭމަތި މަސް (ކޮށާފައި)
 3 ސައިސަމުސާ ޒައިތޫނި ތެޔޮ
 2 ސައިސަމުސާ ލުނބޯ ހުތް
 3 ލޮނުމެދު (ގާނާފައި)
 1 ސައިސަމުސާ ޕެޕްރިކާ
 1 ސައިސަމުސާ އޮރެގާނޯ
 ½ ސައިސަމުސާ ދިރި
 ރަހަލާވަރަށް ލޮނާއި އަސޭމިރުސް
 1 ސައިސަމުސާ ތާޒާ ފާސްލީ (ކޮށާފައި)

ހަމަސް ތައްޔާރުކުރުމަށް:

1 ދަޅު (400 ގްރާމް) ސަނާ މުގު (ފެން ހިންދާފައި)
 2 ސައިސަމުސާ ތަހީނީ
 2 ސައިސަމުސާ ޒައިތޫނި ތެޔޮ
 1 ސައިސަމުސާ ލުނބޯ ހުތް
 1 ލޮނުމެދު
 2–3 ސައިސަމުސާ ފެން (ބޭނުންވާ މިންވަރަށް)
 ރަހަލާވަރަށް ލޮނު

ޕްލެޓަރ އަތުރަން ބޭނުންވާ ތަކެތި:

 1 ޖޯޑު ޗެރީ ޓޮމާޓޯ
 1 ކިއުކަމްބާ (ބުރުކޮށް ކޮށާފައި)
 ½ ޖޯޑު ކަލަމާޓާ އޮލިވްސް
 ¼ ޖޯޑު ފެޓާ ޗީޒް (ގާނާފައި)
 ގާނިޝް ކުރުމަށް އިތުރު ޒައިތޫނި ތެލާއި ފާސްލީ

 ތައްޔާރުކުރާނެ ގޮތް:

1- ކުކުޅު މެރިނޭޓް ކުރުން: ބޮޑު ބޯތައްޓެއްގައި ޒައިތޫނި ތެޔޮ، ލުނބޯ ހުތް، ލޮނުމެދު، ހަވާދުގެ ބާވަތްތައް، ލޮނު އަދި އަސޭމިރުސް އެއްކޮށްލާށެވެ. މީގެ ތެރެއަށް ކުކުޅުކޮޅު އަޅައި ރަނގަޅަށް މޮޑެލުމަށްފަހު، މަތިޖަހާފައި މަދުވެގެން 30 މިނެޓު ވަންދެން ބަހައްޓާށެވެ.

2- ހަމަސް ތައްޔާރުކުރުން: މިކްސަރަކަށް ސަނާ މުގު، ތަހީނީ، ޒައިތޫނި ތެޔޮ، ލުނބޯ ހުތް، ލޮނުމެދު، ލޮނު އަދި ފެން އެޅުމަށްފަހު ހިމުންވަންދެން މުގުރާލާށެވެ. ބޭނުންވާ މިންވަރަށް ކްރީމް ގަނޑު އޮމާންކުރުމަށް ފެން ނުވަތަ ތެޔޮ އެޖަސްޓް ކުރެވިދާނެއެވެ.

3- ފިހާ ދަނގަޑަށް (އުލަށް) އަމުނާލުން ނޫނީ ބެންބޫ އިލޮށި: މެރިނޭޓް ކުރެވިފައިވާ ކުކުޅުތައް ދަނގަޑަށް /ބެންބޫ އިލޮށި( ސްކިއުއާޒް) އެއްވަރަކަށް އަމުނާލާށެވެ.

4- ކުކުޅު ކެއްކުން: ގްރިލްއެއްގައި ނުވަތަ ތަވައެއްގައި މެދު މިންވަރަކަށް ގިނި ބަހައްޓައިގެން، ކުކުޅުތަކުގެ ބޭރުފުށަށް މުށިކުލަ އަރައި ރަނގަޅަށް ރޯފިލަންދެން 10-15 މިނެޓު ކައްކާށެވެ.

5- ތަށި ތައްޔާރުކުރުން: ސާވްކުރާ ތަށީގައި ހަމަސްގަނޑު ފަތުރާލުމަށްފަހު، އޭގެ މައްޗަށް ކުޑަ ޒައިތޫނި ތެޔޮފޮދަކާއި ފެޓާ ޗީޒް އަދި ފާސްލީ ކޮޅެއް ބުރުވާލާށެވެ.

އަތުރާލުން: ހަމަސްގަނޑުގެ ވަށައިގެން ކިއުކަމްބާ، ޗެރީ ޓޮމާޓޯ، އޮލިވްސް އަދި ކައްކާފައިވާ ކުކުޅު ފަތިތައް އަތުރާލާށެވެ.
ސާވްކުރުން: މިއީ ހޫނުކޮށް ހުންނައިރު ޕިޓާ ބްރެޑް ނުވަތަ ރޮއްޓާއެކު ކާލަން ވަރަށް މީރުވާނެއެވެ.

ތަފާތު ރަހައެއް ބޭނުންނަމަ ކުކުޅުގެ ބަދަލުގައި ކަންބަޅި މަސް ނުވަތަ ޓޯފޫ ބޭނުންކުރެވިދާނެއެވެ.
ހަމަސްގަނޑު އިތުރަށް އޮމާންކޮށް ބޭނުންވާނަމަ، މުގުރުމުގެ ކުރިން މުގުގެ ތޮށި ނައްޓާލާށެވެ.