އެމެރިކާގެ ރައީސް ޑޮނަލްޑް ޓްރަމްޕްގެ ނަމުގައި ބާޒާރަށް ނެރުމަށް ހަމަޖެހިފައިވާ އާ މޮބައިލް ފޯނު ނެރޭނެ ތާރީޚާއި އޭގެ ބައެއް ތަފްސީލުތައް މިހާރު ވަނީ އާންމުކޮށްފައެވެ.
ޚަބަރުތައް ބުނާ ގޮތުގައި “ޓްރަމްޕް މޮބައިލް”ގެ ނަމުގައި ނެރޭ މި ފޯނަކީ ޚާއްޞަ ސޮފްޓްވެއަރތަކަކާއެކު، ސެކިއުރިޓީ ވަރުގަދަކޮށް ފަރުމާކުރެވިފައިވާ ފޯނެކެވެ. މި ފޯނު ރަސްމީކޮށް ބާޒާރަށް ނެރުމަށް ހަމަޖެހިފައިވަނީ ކުރިއަށް އޮތް އަހަރުގެ ކުރީކޮޅުގައެވެ.
މި ފޯނު އުފެއްދުމުގެ މައިގަނޑު ބޭނުމަކީ ބޮޑެތި ޓެކްނޮލޮޖީ ކުންފުނިތަކުގެ ނުފޫޒުން އެއްކިބާވެ، މިނިވަންކަމާއެކު މުއާމަލާތް ކުރެވޭނެ ވަސީލަތެއް ފޯރުކޮށްދިނުމެވެ. ޚާއްޞަކޮށް، ބޮޑެތި ޓެކްނޮލޮޖީ ކުންފުނިތަކުން ގެންގުޅޭ ސެންސަރޝިޕް އުސޫލުތަކާ ދެކޮޅަށް، ޚިޔާލު ފާޅުކުރުމުގެ މިނިވަންކަން ކަށަވަރުކޮށްދިނުމަކީ މި ފޯނު އުފެއްދުމުގެ އެއް މަގުސަދެވެ.
މި ފޯނުގައި ޓްރަމްޕްގެ އަމިއްލަ ސޯޝަލް މީޑިއާ ޕްލެޓްފޯމް ކަމަށްވާ “ޓްރުތު ސޯޝަލް” ވަނީ ކުރިއާލާ އަޅާފައެވެ. އަދި މި ފޯނަކީ ބޭނުންކުރާ ފަރާތްތަކުގެ މައުލޫމާތާއި ޕްރައިވެސީ ރައްކާތެރިކޮށްދޭނެ ފަދަ ވަރުގަދަ ސިސްޓަމްތަކެއް ހިމެނޭނެ ފޯނެއް ކަމަށް ޚަބަރުތައް ބުނެއެވެ.
ޓްރަމްޕްގެ ޓީމުން މި ފޯނު ނެރުމަށް ތައްޔާރުވަމުންދާއިރު، މިއީ އެމެރިކާގެ ސިޔާސީ މަޝްރަހަށާއި ޓެކްނޮލޮޖީގެ ބާޒާރަށް ބޮޑު ބަދަލެއް އަންނާނެ ކަމެއް ކަމަށް މަސްރަހު ދިރާސާކުރާ ފަރާތްތަކުން ލަފާކުރެއެވެ. މި ފޯނުގެ އަގާއި، ވިއްކަން ފަށާނެ ސީދާ ތާރީޚު ކުރިއަށް އޮތް މަސްތަކުގައި ރަސްމީކޮށް އިޢުލާން ކުރާނެ ކަމަށް ބެލެވެއެވެ.
