މިފަހަރު މި ބަލައިލަނީ ދުނިޔޭގެ މަޝްހޫރު “ބޮސް ބޮޓްލްޑް” ގެ އަސްލު ސިފަތަކަށް ތާޒާކަމާއި ހޫނު މޫސުމުގެ ދިރުން ގެނެސްދީފައިވާ ޚާއްސަ ސެންޓެއް ކަމަށްވާ “ބޮސް ބޮޓްލްޑް ބޯލްޑް ސިޓްރަސް” އަށެވެ.
މިއީ ހިއުގޯ ބޮސްއިން 2025 ވަނަ އަހަރު ނެރުނު ލިމިޓެޑް-އެޑިޝަން އޯ ޑި ޕަރފިއުމްއެކެވެ. މޮޅު ދެ ޕަރފިއުމަރުން ކަމަށްވާ ސޯފީ ލަބޭ އަދި އޮނޮރީން ބްލޮންކް ތައްޔާރުކޮށްފައިވާ މި ސެންޓަކީ ލަކުޑީގެ އަދި ތާޒާ ފަތްޕިލާވެލީގެ މީރުވަސްތައް އެކުލެވޭ ފިރިހެންވަންތަ ސެންޓެކެވެ.
މި ސެންޓު ޚާއްސަވަނީ ކީއްވެ؟
“ބޮސް ބޮޓްލްޑް ބޯލްޑް ސިޓްރަސް” އަކީ ތާޒާ އަދި އަލިގަދަ މިޒާޖެއްގެ ސެންޓެކެވެ. ނަމަވެސް، މިއީ އާދައިގެ ސިޓްރަސް ވަހެއް އެކަންޏެއް ނޫނެވެ. ޖަހައިލުމާއެކު ފެށިގެންދަނީ ހުތް މޭވާގެ ތާޒާ އަސަރުތަކުންނެވެ. އެއަށްފަހު ފެހިކަންގަދަ އަރޯމެޓިކް ހިތްގައިމުކަމެއް ގެނެސްދީ، ނިމިގެންދަނީ ބިމުގެ އަސަރު އެކުލެވޭ ވަރުގަދަ ލަކުޑީގެ ވަހަކުންނެވެ.
މި ސެންޓުން ލިއްބައިދޭ އިޙުސާސްތައް:
● ހޫނު މޫސުމުގެ އަވީގެ ތެރޭގައި ލުނބޯ އަދި ބަރގަމޮޓްގެ ތާޒާ އަސަރު
● ބޯބަން ޖެރޭނިއަމްގެ ފެހި، ސާފު އަރޯމެޓިކް މީރުވަސް
● އެލެމީ ރެސިންގެ މަޑުމައިތިރި ހޫނުކަން
● ވެޓިވަރ އަދި ޕަޗޫލީގެ ފިރިހެންވަންތަ، ބިމާ ގުޅިފައިވާ ލަކުޑީގެ ވަސް
މިއީ ތާޒާކަމާއި ޝާހީ ފުރިހަމަކަން އެކުލެވޭ، ޚާއްސަކޮށް ހޫނު މޫސުމަށް ނުހަނު ގުޅޭ ސެންޓެކެވެ
ނޯޓްސް
● މަތީ ނޯޓްސް: ލުނބޯ އަދި ބަރގަމޮޓް
● މެދު ނޯޓްސް: އެލެމީ ރެސިން އަދި ބޯބަން ޖެރޭނިއަމް
● ތިރީ ނޯޓްސް: ވެޓިވަރ އަދި ޕަޗޫލީ
ސެންޓު ޖަހައިލުމާއެކު އެންމެ ފުރަތަމަ ދުވާނީ ލުނބޮޔާއި ބަރގަމޮޓްގެ ސަބަބުން ލިބޭ ހަކަތައިން ފުރިގެންވާ ތާޒާ ވަހެވެ. އިރުކޮޅެއް ފަހުން އެލެމީ ރެސިންގެ ސަބަބުން މަޑު ސްޕައިސީ ހޫނުކަމެއް ގެނެސްދޭއިރު، ޖެރޭނިއަމް އިން ސާފު ފެހިކަމެއް އިތުރުކޮށްދެއެވެ. ސެންޓު ހަންގަނޑަށް ހިނދި ނިމޭއިރު، ވެޓިވަރ އަދި ޕަޗޫލީގެ ސަބަބުން ކްލެސިކް ބޮސް ބޮޓްލްޑްގެ ސިގްނޭޗަރ ލަކުޑި ވަސް ވަރަށް ފުރިހަމައަށް ދަމަހައްޓައިދެއެވެ.
● ވަސް ފެތުރޭ މިންވަރު: މެދުމިން
● ވަސް ހުންނަ ވަގުތު: ހަންގަނޑާއި މާހައުލަށް ބަލައި 4 އާއި 7 ގަޑިއިރާ ދެމެދު
މި ސެންޓަކީ މުޅި ތަން އެއްވަސްކޮށް ބޮލަށް ބުރަވާވަރުގެ ގަދަ ސެންޓެއް ނޫނެވެ. އޭގެ ބަދަލުގައި މިއީ ހިތްގައިމު ތާޒާކަމަކާއި ޒަމާނީ މާތްކަމެއް ގެނެސްދޭ ސެންޓެކެވެ. މިއީ ދުވާލުގެ ވަގުތުތަކަށާއި، ރާއްޖެ ފަދަ ހޫނު ޤައުމުތަކުގައި ބޭނުންކުރަން އެންމެ އެކަށޭނަ އެއް ސެންޓެވެ.
މިއީ ކޮންކަހަލަ ފަރާތްތަކަކަށް އެކަށޭނަ ސެންޓެއް؟
● ތާޒާ ސިޓްރަސް އަދި އަރޯމެޓިކް ވަސްތަކަށް ލޯބިކުރާ ފަރާތްތަކަށް
● ސާފު، ޝާހީ ފިރިހެންވަންތަ ވަސްތައް ކަމުދާ މީހުންނަށް
● ހޫނު މޫސުމުގައި ކޮންމެ ދުވަހަކު ޖަހާނެ މޮޅު ސެންޓެއް ހޯދާ ފަރާތްތަކަށް
● ބޮސް ބޮޓްލްޑް ލައިނަށް ލޯބިކުރާ، އަދި އޭގެ ތެރެއިން ލުއި، އަލިގަދަ ވަހެއް ބޭނުންވާ ފަރާތްތަކަށް
● މާ ގަދަ ފޮނިރަހަ އެކުލެވޭ ވަސްތަކަށްވުރެ ބޮޑަށް ހުރިހާ ތަނަކަށް ގުޅޭ ސެންޓު އިޚްތިޔާރުކުރާ މީހުންނަށް
އެހެން ސެންޓުތަކާ އެއްކޮށް ބޭނުންކުރުމަށް
● މަޑު ވެނީލާ ވަހަކާ އެއްކޮށްލުމުން ފޮނި އަދި ހޫނު އަސަރެއް އިތުރުވާނެއެވެ.
● ސާފު މަސްކެއް އިތުރުކޮށްލުމުން ސެންޓުގެ އޮމާންކަން އިތުރުވެގެންދާނެއެވެ.
● ވެޓިވަރ އަދި ޕަޗޫލީގެ ވަސް ގަދަކުރަން ބޭނުންނަމަ، އަޑިން ވުޑީ ސެންޓެއް ބޭނުންކުރެވިދާނެއެވެ.
“ބޮސް ބޮޓްލްޑް ބޯލްޑް ސިޓްރަސް” އަކީ އާދައިގެ ސެންޓެއް ނޫނެވެ. މިއީ ކްލެސިކް ވަހަކަށް އާ އަލިކަމަކާއި ދިރުމެއް ގެނެސްދީފައިވާ އުފެއްދުމެކެވެ. މާ ބޮޑަށް ބަރުނުވެ، ލުނބޮޔާއި، ބަރގަމޮޓާއި، ޖެރޭނިއަމް އަދި ލަކުޑީގެ ވަހުން އުފައްދާފައިވާ މި ފުރިހަމަ ސެންޓަކީ ހޫނު މޫސުމަށް ނުހަނު ފުރިހަމަ، ޒަމާނީ އަދި އިތުބާރުން ފުރިގެންވާ ސެންޓެކެވެ. މި ސެންޓަކީ މާގަދަވެގެން މީހުން އުނދަގޫކުރުވާ ސެންޓެއް ނޫނެވެ. މިއީ ހަމަހިމޭންކަމާއެކު ތާޒާކަމާއި، އިތުބާރާއި، ހޫނު މޫސުމުގެ ފުރިހަމަކަން ހާމަކޮށްދޭ ސެންޓެކެވެ.
