⏱️ ތައްޔާރުކުރުމަށް ހޭދަވާނެ ވަގުތު: 15 މިނެޓު
⏱️ ކެއްކުމަށް ހޭދަވާނެ ވަގުތު: 7 މިނެޓު
⏱️ ފިހުމަށް ހޭދަވާނެ ވަގުތު: 45 މިނެޓު
⏱️ ޖުމްލަ ހޭދަވާނެ ވަގުތު: 1 ގަޑިއިރާއި 7 މިނެޓު
🍽️ ތައްޔާރުކުރެވޭނީ: 10 މީހުންނަށް

🛒 ބޭނުންވާ ތަކެތި

ކޭކު ތައްޔާރުކުރުމަށް:

● 1 ޖޯޑު ފުށް (އޯލް ޕާޕަސް ފްލާވަރ)
● 1 ½ ސައިސަމުސާ ބޭކިންގް ޕައުޑަރު
● ½ ސައިސަމުސާ ލޮނު
● 225 ގްރާމް އަންސޯލްޓަޑް ބަޓަރު (ކޮޓަރީގެ ފިނިހޫނުމިނުގައި ހުރި)
● 2/3 ޖޯޑު މާމުއި
● 4 ބޮޑު ބިސް (ކޮޓަރީގެ ފިނިހޫނުމިނުގައި ހުރި)
● 3 މޭޒުމަތީ ސަމުސާ ކިރު (ފުލް ފެޓް ކިރު، ކުޑަކޮށް ހޫނުކޮށްފައި)
● ކުޑަ އޮރެންޖު ތޮށިކޮޅެއް (ގާނާފައި)
● 1/3 ޖޯޑު އަލްމަންޑް (ތުނިކޮށް ކޮށާފައި)

މާމުއި ސިރަޕް ތައްޔާރުކުރުމަށް:

● 2/3 ޖޯޑު މާމުއި
● ¼ ޖޯޑު ފެން
● ¾ ސައިސަމުސާ ލުނބޯ ހުތް

ކޭކު މައްޗަށް އެޅުމަށް ބޭނުންކުރެވިދާނެ ތަކެތި:

ވެނީލާ އައިސްކްރީމް، ފްރެޝް ކްރީމް ނުވަތަ ކުޑަކޮށް ރޯސްޓްކޮށްފައިވާ އަލްމަންޑް ބަދަން

👩‍🍳 ތައްޔާރުކުރާނެ ގޮތް:

1 – އަވަން 180 ޑިގްރީ ސެލްސިއަސް (ނުވަތަ 350 ޑިގްރީ ފަރަންހައިޓް) އަށް ހޫނުކުރަން ޖައްސާށެވެ.

2 – ސެންޓިމީޓަރުގެ ވަށް ކޭކު ޓްރޭއެއްގައި ބަޓަރު އުނގުޅުމަށްފަހު، ބޭކިންގް ޕޭޕަރު އަޅާފައި ތައްޔާރުކުރާށެވެ.

3 – ކުޑަ ބޯތަށްޓެއްގައި ފުށާއި، ބޭކިންގް ޕައުޑަރު އަދި ލޮނުކޮޅު އެއްކޮށްލާށެވެ.

4 – ވަކި ބޯތަށްޓެއްގައި ބަޓަރާއި މާމުއި އެއްކޮށް، ގާތްގަނޑަކަށް 3 މިނެޓު ވަންދެން ރަނގަޅަށް ގިރުވާށެވެ. އޮމާންވެފައި ފޮނު އަރަންދެން (ބީޓަރު ބޭނުންކޮށްގެން) ގިރުވަންވާނެއެވެ.

5 – އެއް ބިސް އެޅުމަށްފަހު ސަމުސަލަކުން 30 ސިކުންތު ވަންދެން ގިރާލާށެވެ. ދެން ފުށުގެ ހަތަރުބައިކުޅަ އެއްބައި އަޅައި އެއްކޮށްލާށެވެ. މިގޮތަށް ހުރިހާ ބިހަކާއި ފުށްކޮޅު އެއްކޮށް ނިމެންދެން ކުރިއަށް ގެންދާށެވެ.

6 – ކިރުކޮޅާއި އޮރެންޖު ތޮށިކޮޅު އެޅުމަށްފަހު، މިކްސްޗަރު އޮމާންވަންދެން އެއްކޮށްލާށެވެ. މިކްސްޗަރު ހުންނަންވާނީ ކުޑަކޮށް އޮލަކޮށެވެ.

7 – ތައްޔާރުކުރި ޓްރޭއަށް މިކްސްޗަރު އެޅުމަށްފަހު، މައްޗަށް އަލްމަންޑްކޮޅު ބުރުއްސާލާށެވެ. އަދި 45 މިނެޓު ވަންދެން، ނުވަތަ ކޭކު ރަނގަޅަށް ފިހެވެންދެން އަވަނުގައި ބަހައްޓާށެވެ.

8 – އަވަނުން ކޭކު ނެގުމަށްފަހު 30 މިނެޓު ވަންދެން ޓްރޭގައި ބަހައްޓައިގެން ހިހޫކުރާށެވެ.

9 – ކޭކު ހިހޫވަމުންދާއިރު ސިރަޕް ތައްޔާރުކުރާށެވެ. މާމުއި އަދި ފެން އެއްކޮށް މަޑު ގިނީގައި 5 މިނެޓު ވަންދެން ކައްކާށެވެ. ދެން ލުނބޯ ހުތް އެޅުމަށްފަހު އިތުރު 2 މިނެޓު ކައްކާފައި އުނދުން މަތިން ބާލާށެވެ.

10 – ކޭކުގެ މަތީގައި ކުދި ލޯވަޅުތަކެއް އެޅުމަށްފަހު، ތައްޔާރުކުރި ހޫނު މާމުއި ސިރަޕްގެ ހަތަރުބައިކުޅަ އެއްބައި ކޭކުގެ މައްޗަށް އޮއްސާލާށެވެ. ސިރަޕް ކޭކުގެ ތެރެއަށް ވަނުމުން އަނެއްކާވެސް އިތުރަށް އަޅަމުން ގޮސް ހުރިހާ ސިރަޕެއް ހުސްކޮށްލާށެވެ. މީގެ ފަހުން 15 މިނެޓު ވަންދެން ކޭކު ބާއްވާށެވެ.

11 – މި ކޭކު ހޫނުކޮށް ހުއްޓާ ކެއުމަށް ވަރަށް މީރުވާނެއެވެ.

އިތުރު އިރުޝާދެއް

• ސެލްފް ރެއިޒިންގް ފްލާރ ބޭނުންކުރެވިދާނެއެވެ. ނަމަވެސް އޭރުން ކޭކުގެ މަތީބައި މާބޮޑަށް ފުފޭނެއެވެ.
• ބަޓަރު މާބޮޑަށް ދިޔާވިޔަ ނުދޭށެވެ.
• ބިސް ހުންނަންވާނީ ކޮޓަރީގެ ފިނިހޫނުމިނުގައެވެ. ފިނިކޮށް ހުރިނަމަ ހޫނު ފެނުގައި 5 މިނެޓު ވަންދެން ބާއްވައިގެން ހޫނުކުރެވިދާނެއެވެ.
• ކޭކު ބާކީވެއްޖެނަމަ ފްރިޖުގައި 4 ދުވަސް ވަންދެން ބެހެއްޓޭނެއެވެ. ކެއުމުގެ ކުރިން ކުޑަކޮށް ހޫނުކޮށްލުމުން އިތުރަށް މީރުވާނެއެވެ.