⏱️ ހޭދަވާނެ ވަގުތު: 30 މިނެޓު
🍽️ މިންވަރު: 4 މީހުންނަށް

🛒 ބޭނުންވާ ތަކެތި:

ކުކުޅު ތައްޔާރުކުރުމަށް:

● 500 ގްރާމް ކުކުޅު (ކަށިނެތް މޭމަތީ މަސް ނުވަތަ ފައިމަސް)، ކުދިކޮށް ކޮށާފައި
● 2 ސައިސަމުސާ ކޯންފްލާ (ފުށް)
● 1 ސައިސަމުސާ ސޯޔާ ސޯސް
● ½ ސައިސަމުސާ އަސޭމިރުސް
● ½ ސައިސަމުސާ ޕަޕްރިކާ
● ¼ ސައިސަމުސާ ލޮނު
● 1 ސައިސަމުސާ ކައްކާ ތެޔޮ

ޗިލީ ގާލިކް ސޯސް ތައްޔާރުކުރުމަށް:

● 3 ސައިސަމުސާ ސޯޔާ ސޯސް
● 2 ސައިސަމުސާ އޮއިސްޓާ ސޯސް
● 1 ސައިސަމުސާ ސްވީޓް ޗިލީ ސޯސް
● 1 ސައިސަމުސާ މާމުއި ނުވަތަ ބްރައުން ހަކުރު
● 1 ސައިސަމުސާ ޓޮމާޓޯ ކެޗަޕް
● 1 ސައިސަމުސާ ރައިސް ވިނެގާ ނުވަތަ ލުނބޯ ހުތް
● ½ ޖޯޑު ޗިކަން ސްޓޮކް ނުވަތަ ފެން
● 1 ސައިސަމުސާ ކޯންފްލާ (2 ސައިސަމުސާ ފެނުގެ ތެރެއަށް ގިރުވާފައި)

ސްޓަރ ފްރައި ކުރުމަށް:

● 1 ސައިސަމުސާ ކައްކާ ތެޔޮ
● 4 ލޮނުމެދު، ގާނާފައި ނުވަތަ ކުދިކޮށް ކޮށާފައި
● 1 ސައިސަމުސާ އިނގުރު، ގާނާފައި
● 2–3 ތާޒާ ޖަލަޕީނޯ، ބުރުކޮށް ކޮށާފައި
● ½ ކުޑަ ފިޔާ، ދިގަށް ކޮށާފައި (ބޭނުންނަމަ)
● ½ ސައިސަމުސާ މުގުރި ހިކި މިރުސް ފުަށް (ބޭނުންނަމަ)
● 1 ސައިސަމުސާ ސެސަމީ ސީޑްސް އަދި ސްޕްރިންފް އަނިޔަން ފަތް، ކޮށާފައި

👩‍🍳 ތައްޔާރުކުރާނެ ގޮތް:

1 – ކުކުޅު ތައްޔާރުކުރުން: ކުކުޅުކޮޅު ކުދިކޮށް ކޮށުމަށްފަހު، ބޯތަށްޓެއްގެ ތެރޭގައި ސޯޔާ ސޯސް، އަސޭމިރުސް، ޕަޕްރިކާ، ލޮނު އަދި ކޯންފްލާ އެޅުމަށްފަހު ހުރިހާ އެތިކޮޅެއްގައި ރަނގަޅަށް ހޭކޭނެހެން އެއްކޮށްލާށެވެ.

2 – ކުކުޅު ކެއްކުން: ބޮޑު ތަވައެއްގައި ނުވަތަ ވޮކެއްގައި 1 ސައިސަމުސާ ތެޔޮ ހޫނުކުރުމަށްފަހު، ކުކުޅުކޮޅު ތަވައިގެ މަތީގައި ފަތުރާލާށެވެ. ގާތްގަނޑަކަށް 5–7 މިނެޓުވަންދެން، ރަން މުށިކުލަ އަރައި ރަނގަޅަށް ރޯފިލަންދެން ދޭތެރެދޭތެރެއިން ފުށުން ޖަހަމުން ކައްކާށެވެ. އެއަށްފަހު ތަވައިން ނަގައި ވަކިން ބަހައްޓާށެވެ.

3 – ސޯސް ތައްޔާރުކުރުން: ކުޑަ ބޯތަށްޓެއްގައި ސޯޔާ ސޯސް، އޮއިސްޓާ ސޯސް، ސްވީޓް ޗިލީ ސޯސް، މާމުއި، ކެޗަޕް، ވިނެގާ އަދި ޗިކަން ސްޓޮކް އެއްކޮށްލާށެވެ. ރަނގަޅަށް އެއްވުމުން ވަކިން ބަހައްޓާށެވެ.

4 – ހަވާދުގަނޑު މީރުކުރުން: ކުރިން ބޭނުންކުރި ތަވައިގެ ތެރެއަށް ބޭނުންވާނަމަ އިތުރު ތެޔޮފޮދެއް އަޅާށެވެ. އެއަށްފަހު ކޮށާފައި ހުރި ލޮނުމެދު އަދި އިނގުރު އަޅައި، މީރުވަސް ދުވަންދެން 30 ސިކުންތު ވަންދެން މީރުކޮށްލާށެވެ. ދެން ފިޔާކޮޅު އަޅައި، ކުޑަކޮށް މަޑުވަންދެން ކައްކާށެވެ.

5 – ޖަލަޕީނޯ އެޅުން: ކޮށާފައި ހުރި ޖަލަޕީނޯ އަދި މިރުސް ފުށްތައް ތަވައަށް އަޅާށެވެ. 1–2 މިނެޓު ވަންދެން ކައްކާލާށެވެ. މިރުސްކޮޅު ކުޑަކޮށް މަޑުވި ނަމަވެސް އޭގެ ތާޒާކަން ހުންނަންވާނެއެވެ.

6 – ސޯސް ތައްޔާރުކުރުން: ކުރިން އެއްކުރި ސޯސްގަނޑު ތަވައިގެ ތެރެއަށް އޮއްސާލާށެވެ. ސޯސްގަނޑު ކުޑަކޮށް ކެކެން ފެށުމުން، ގިރުވާފައި ހުރި ކޯންފްލާ ފެންފޮދު އަޅައި، ސޯސްގަނޑު އޮމާންވެފައި އޮލަވަންދެން ހަލަމުން ގެންދާށެވެ.

7 – ހުރިހާ އެއްޗެއް އެއްކުރުން: ކުރިން ކެއްކި ކުކުޅުކޮޅު އަލުން ތަވައަށް އަޅާށެވެ. ކުކުޅުކޮޅުގައި ސޯސްގަނޑު ރަނގަޅަށް ހޭކޭނެހެން އެއްކޮށްލާށެވެ. ރަހަތައް ކުކުޅުގެ ތެރެއަށް ވަނުމަށްޓަކައި އިތުރު 2–3 މިނެޓު ވަންދެން މަޑުގިނީގައި ބަހައްޓާށެވެ.

8 – ގާނިޝްކޮށް ސާވްކުރުން: އުނދުުން ނިވާލުމަށްފަހު، މައްޗަށް ސްޕރިންގް އަނިޔަން ފަތާއި ސެސަމީ ސީޑްސް ބުރުވައިލާށެވެ. އިތުރު ޖަލަޕީނޯ މިރުސްކޮޅެއް މައްޗަށް އަޅާލުމުން ބަލާލަން ރީތިވާނެއެވެ. ހޫނުކޮށް ހުއްޓާ ސާވްކުރާށެވެ.

ކެއުމަށް ހުށަހެޅިދާނެ ގޮތްތައް:

• ކައްކާފައި ހުރި ހުދު ބަތާއެކު.
• ތަރުކާރީ ފްރައިޑް ރައިސްއާއެކު.
• ގާލިކް ނޫޑްލްސް ނުވަތަ މިކްސްޑް ނޫޑްލްސްއާއެކު.
• ސްޓީމްކޮށްފައި ހުރި ބްރޮކޮލީ ނުވަތަ ތަރުކާރީއާއެކު.

އިރުޝާދު: މިއަށްވުރެ މީރުކޮށް ހުންނަން ބޭނުންނަމަ ކުކުޅުގެ ފައިމަސް ބޭނުންކުރާށެވެ. އަދި މިއަށްވުރެ ކަރަގަދަކޮށް ބޭނުންނަމަ ޖަލަޕީނޯގެ އޮށްތައް ނުނަގައި ބޭނުންކުރާށެވެ. ފޮނިރަހަ ގަދަކޮށް ބޭނުންނަމަ އިތުރު މާމުއިކޮޅެއް އަޅައި، މިރުހުގެ އޮށްތައް ނަގައިގެން ބޭނުންކުރާށެވެ.