މުހައްމަދު ނަޒީހު (ރާޅު ބޯއީ) ގެ ސޯލޯ ލަވަ “އަނެބައްޕަ” އަޑު އަހައިފިން ހެއްޔެވެ؟ އަސަރާއި ލޯބިން ފުރިފައިވާ “އަނެބައްޕަ” މިހާރު މިވަނީ ރިލީޒް ކޮށްފައެވެ.

 

ނަޒީހް ގެ މި ޚާއްޞަ ސޯލޯ ލަވައާއި މެދު ބުނަނީ އޭނާގެ ލޯބިވާ ކާފަ ނިޔާވީ މީގެ ދިހަ ވަރަކަށް އަހަރު ކުރިން ކަމަށެވެ. ޒަނީހް އާއިލާގެ އެންމެންވެސް ލޯބިން ކާފަޔަށް ކިޔާ އުޅުނީ އަނެބައްޕަ ކަމަށާއި އެހެންވެ އެ ނަމުން ލަވައަށް ނަން ދިނީ ކަމަށް އޭނާ ބުނެއެވެ.

ކާފަގެ ހަނދާނުގައި ނެރެފައިވާ ލަވައިންވެސް ނަޒީހު އޭނާގެ ކާފަ ދެކެ ވާ ލޯބި ނިކަން ރަނގަޅަށް ހާމަވެއެވެ. ކާފަގެ ސަކަ މިޒާޖާއި ހިތް ހެޔޮކަން ލަވައިން ކިޔައިދެއެވެ. އަސަރުގަދަ ލަވައެކެވެ.