އިޝާ އަކީ ރީތި ލުއި ނަމެކެވެ. ހިތްގައިމު ކަމެއް ހުންނަ ނަމެކެވެ. މިއީ ވެސް ޒާނާ މިހާރު ލިޔަން ފަށާފައިވާ ސިލްސިލާ ވާހަކަ ‘ލޯބި ވެވުނީ އެވެ.’ ގެ އަންހެން ޞަޚްސިއްތެކެވެ.
ޕާޓީ ކުރުމަކީ އިޝާ ގެ އުފަލެކެވެ. ހިތްހަމަޖެހުމެވެ. އޭނާ އަކީ ފިރިހެން ކުދިންގެ ހިތްތަކުގެ ރާނީ އެވެ. މުއްސަނދި ކަމުގެ އިންތިހާ އެވެ. އެހެން މީހުންގެ އިޙްސާސް ތައް އެއީ އިޝާ އަށް އެއްވެސް އަގެއް ހުރި އެއްޗެއް ނޫނެވެ.
މި ވާހަކަ އަކީ ޒާނާ ލިޔާ ވަރަށް ތަފާތު ވާހަކަ އެކެވެ. ލޯބީގެ ބިރުވެރި ވާހަކަ އެކެވެ. އާއްމުކޮށް ދިވެހިންގެ ތެރޭގައި ފެންނަ މިފަދަ ވާހަކަތަކާއި މި ވާހަކަ ވަރަށް ބޮޑަށް ތަފާތު ކުރުމަށް ޒާނާ އަންނަނީ މަސައްކަތް ކުރަމުންނެވެ.
މި ވާހަކައިގެ ކުރު ޚުލާޞާ އަކަށް ބަލާލާއިރު މިއީ ލޯބީގެ ތިނެސްކަން ވާހަކަ އެކެވެ. ނަމަވެސް ތަފާތު ގޮތަކަށް ލިޔަން މަސައްކަތްކުރާ ބިރުވެރި ވާހަކަ އަކަށް ވުމުން މިއީ އާދައިގެ ތިނެސްކަން ލޯބީގެ ވާހަކަ ތަކާއި ތަފާތު ވާހަކަ އަކަށް ވުމަކީ ޒާނާ ގެ ހުނަރުވެރިކަމަށް ބަލާއިރު ވެދާނެ ކަމެކެވެ.
‘ޙަޤީޤީ ލޯބީގެ މާނައަކީ ކާމިޔާބު ވުމެއް ނޫނެވެ. ބައެއް ފަހަރު ނާކަމިޔާބު ވުން ވެސް އެކަށީގެން ވެއެވެ. ޔުނާން އަށް އެ ޙަޤީޤަތް ވިސްނައިދިނީ ކަމީލާ އެވެ. ކޮން ފަދަ މަތިވެރި ލޯތްބެއް ހެއްޔެވެ! ނަމަވެސް…. ފަރުދާގެ ފުރަގަހުގައި ހިނގަމުން ދިޔަ އެއްވެސް ކަމެއް އެ ދެމީހުންނަކަށް ނޭނގެއެވެ. އެނގުނު ނަމަ އެވެ.’ މިއީ މި ވާހަކައިގެ ކުރުކުރު ޚުލާޞާ އެކެވެ.
ވާހަކައިގެ ފުރަތަމަ އެޕިސޯޑުން ކިޔުންތެރިންނަށް ވަރަށް ޚާއްޞަ ސަޕްރައިޒެއް ލިބިގެންދާނެ ވާހަކަ މި ހިއްސާކޮށްލަނީ އިޝާ އަކީ ކާކުކަން އިތުރަށް ދެނެގަތުމަށް ޒާނާ ގެ ވާހަކައަށް އިންތިޒާރު ކުރުމަށް ދައުވަތު ދެމުންނެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 30 އޭޕްރިލް 2025ޚަބަރުމިއަދު އެލިމިނޭޝަން ބުރުގައި “ޓޫ އޮފް އަސް” ގެ ފުރަތަމަ ހުށައެޅުން
- 29 އޭޕްރިލް 2025ޚަބަރު“އަބަދަށް” ފިލްމުން އަބަދަށް ހަނދާންހުންނަ ވަރުގެ ކަންތައްތަކެއް!
- 28 އޭޕްރިލް 2025ޚަބަރުމާދަމާރޭ “ސޮރީ” ގެ ޓިކެޓް ވިއްކަން ފަށަނީ
- 28 އޭޕްރިލް 2025ޚަބަރުބެޓްލް އޮފް ބޭންޑްސްގެ އެލިމިނޭޝަން ބުރު ފަށައިފި
