މުނިއަވަސް ގެ ކިޔުންތެރިން ގެ ހިތް އަތުލާފައިވާ އުއްމީދީ ވާހަކަލިޔުންތެރިޔާ ޒާނާ މުޅިން އަލަށް ފަށާ ވާހަކަ ”ލޯބި ވެވުނީ އެވެ.“ ނޮވެމްބަރު 01 ވާ ބުދަ ދުވަހު ޝާއިޢު ކުރަން ފަށާނެ އެވެ.
ލޯބީގެ ތިނެސްކަން ހާދިސާ ތަކެއް ގެނެސްދޭ މި ވާހަކަ އަކީ ބިރުވެރި ރޫހާނީ ކަންތައް ތަކެއްވެސް ހިނގާނެ ވާހަކަ އެކެވެ.
މި ވާހަކައިގައި އަންހެން ކުދިންގެ ހިތް ދަމައިގަންނަ ފަދަ ރީތި ކަމެއް ލިބިފައިވާ ޔުނާން ގެ އިތުރުން، އިޝާ އަދި ކަމީލާ ހަރަކާތްތެެރި ވާނެ އެވެ.
މި ވާހަކަ އަކީ ޒާނާ ލިޔާ ވަރަށް ތަފާތު ވާހަކަ އެކެވެ. ލޯބީގެ ބިރުވެރި ވާހަކަ އެކެވެ. އާއްމުކޮށް ދިވެހިންގެ ތެރޭގައި ފެންނަ މިފަދަ ވާހަކަތަކާއި މި ވާހަކަ ވަރަށް ބޮޑަށް ތަފާތު ވާނެކަން ފުރަތަމަ އެޕިސޯޑުންވެސް އެނގިގެން ދާނެ އެވެ.
‘ޙަޤީޤީ ލޯބީގެ މާނައަކީ ކާމިޔާބު ވުމެއް ނޫނެވެ. ބައެއް ފަހަރު ނާކަމިޔާބު ވުން ވެސް އެކަށީގެން ވެއެވެ. ޔުނާން އަށް އެ ޙަޤީޤަތް ވިސްނައިދިނީ ކަމީލާ އެވެ. ކޮން ފަދަ މަތިވެރި ލޯތްބެއް ހެއްޔެވެ! ނަމަވެސް…. ފަރުދާގެ ފުރަގަހުގައި ހިނގަމުން ދިޔަ އެއްވެސް ކަމެއް އެ ދެމީހުންނަކަށް ނޭނގެއެވެ. އެނގުނު ނަމަ އެވެ.’ މިއީ މި ވާހަކައިގެ ކުރުކުރު ޚުލާޞާ އެކެވެ.
މި ވާހަކަ ގެނެސްދިނުމަށް މުނިއަވަސް އިން މިހާރުވެސް ވަނީ ތަފާތު މަސައްކަތް ތަކެއް ކޮށްފަ އެވެ. އެގޮތުން ވާހަކައިގެ ކަވަރ ފޮޓޯ އަށް ވަނީ ފިލްމީ ތަރިއަކާއި އެކު ޒާނާ ގެ ފޮޓޯ ޝޫޓެއް ކުރިއަށް ގެންގޮސްފަ އެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 25 ޑިސެމްބަރ 2025ޚަބަރުއެމްއެފްއޭގެ ބޯޑު އެކުލަވައިލުމަށް އިލެކްޝަން ކޮމިޓީ އެކުލަވާލައިފި
- 22 ޑިސެމްބަރ 2025ޚަބަރު“އަލިފާން” އަދި “އަލްވަދާޢު” އަނެއްކާވެސް ސިނަމާއަށް!
- 21 ޑިސެމްބަރ 2025ޚަބަރު”މެރި ޒިންދަގީ ހޭ ތޫ“ އަށް ބޮޑު ރާޅެއް އަންނަން އުޅޭ ކަމުގެ އިޝާރާތެއް!
- 21 ޑިސެމްބަރ 2025ބިރުވެރިޝަމްހޫރިޝް – އެނބުރި އައުން
