ރާއްޖެއިން އިތުރު 30 މީހުން ކޮވިޑް-19 އަށް ފައްސިވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ކުރި ޓުވީޓެއްގައި ބުނެފައިވަނީ މިއަދުގެ އިރުއޮއްސި 6:00 އާ ހަމައަށް ރާއްޖެއިން 30 މީހުން ފައްސިވެފައިވާ ކަމަށާއި އޭގެ ތެރޭގައި ހިމެނެނީ 16 ދިވެހީންނާއި ބަނގުލަދޭޝްގެ 13 މީހުންނާއި ނޭޕާލް މީހެއް ކަމަށެވެ.
✳️ COVID-19 Case Updates
As of 06:00 PM
Confirmed an additional 30 cases of COVID-19 infections in Maldives
– 16 Maldivian
– 13 Bangladeshis
– 01 NepaliTotal number of cases: 2,065 pic.twitter.com/tOylWYsLUT
— Health Protection Agency (@HPA_MV) June 15, 2020
މިއާއެކު ރާއްޖެއިން ކޮވިޑް-19 އަށް ފައްސިވި މީހުންގެ އަދަދު މިވަނީ 2065 އަށް އަރާފައެވެ. އޭގެ ތެރޭގައި ބަނގުލަދޭޝްގެ 1087 މީހުންނާއި، 726 ދިވެހީންނާއި، އިންޑިޔާގެ 192 މީހުންނާއި، ނޭޕާލްގެ 29 މީހުންނާއި، ސްރީލަންކާގެ 11 މީހުންނާއި، އިޓަލީގެ 11 މީހުންނާއި، ޕާކިސްތާނުގެ 3 މީހުން އަދި އެހެނިހެން ޤައުމުތަކަށް ނިސްބަތްވާ 6 މީހުން ހިމެނެއެވެ.
ރާއްޖެއިން ކޮވިޑް-19 އަށް ފައްސިވި މީހުންގެ ތެރެއިން މިހާތަނަށް 1540 މީހުން ރަނގަޅުވެފައިވާއިރު، 8 މީހަކު ވަނީ ނިޔާވެފައެވެ. އަދި ކަރަންޓީނުގައި 356 މީހުން ތިބިއިރު، 362 މީހަކު އައިސޮލޭޝަންގައި އެބަތިބި ކަމަށް ހެލްތު ޕްރޮޓެކްޝަން އެޖެންސީގެ ޑޭޝްބޯޑްގެ އެންމެ ފަހުގެ ހިސާބުތަކުން ދައްކައެވެ.
