ރާއްޖޭގައި މިހާތަނަށް ދިން އެންމެ އަގުހުރި “ގިވްއަވޭ” އިނާމު ފިޓް ފާޒިލްގެ ފަރާތުން ނަސީބުވެރިޔާ ޝަރުމީލާއަށް ދީފިއެވެ. އަގުހުރި އެތައް އިނާމަކާއެކު ފާޒިލްގެ ގިވްއަވޭ އިއުލާނުކުރުމާއެކު މުޅި އިންސްޓަގްރާމް ގުގުމައިގަތެވެ. އެތައް ބައެއްގެ ހިތް ރޮއްވާލުމަށްފަހު މީގެ ތިން ދުވަސް ކުރިން ނަސީބުވެރިޔަކު ވަނީ ހޮވާފައެވެ.
އެހެންނަމަވެސް އެއީ ފޭކް އައިޑީއެއް ކަމަށާއި ފާޒިލް ދިވެހިންނަށް އޮޅުވާލައިފި ކަމަށާއި އެކަމުގައި ފާޒިލްގެ އަތެއް ވާނެކަމަށް ވެސް ގިނަ ބަޔަކު ތުހުމަތު ކުރަންފެށިއެވެ. އަދި ހަމަ އެޔާ އެކު ‘ފައިންޑް ޝަރުމީލާ’ގެ ނަމުގައި ސޯޝަލް މީޑިޔާގައި ކެމްޕޭނެއްވެސް ވަނީ ފަށާފައެވެ.
އެހެންނަމަވެސް މިރޭ ފާޒިލް މިވަނީ ޝަރުމީލާއާ އިނާމު ހަވާލުކުރާތަން ވީޑިޔޯ ކުރުމަށްފަހު ޝޯޝަލް މީޑިޔާއަށް ދޫކޮށްލާ އެ އެންމެންގެ އަނގަ ބަންދު ކޮށްލާފައެވެ. އަގުބޮޑެތި ހަދިޔާތަކާ ޝަރުމީލާ ހަވާލުވާ މިވީޑިޔޯގައި ޝަރުމީލާގެ އެދުމުގެ މަތިން ވަނީ އޭނާގެ މޫނު ނިވާކޮށްފައެވެ.
https://www.facebook.com/fazil.ismail.73/videos/pcb.2712962372273205/2712962065606569/?type=3&__tn__=HH-R&eid=ARDGlYuozBK3URTLmAEnfJYNZqD-Fph_0Cm5i1rG_ATTEAcxFvaTMJHIZNON13hsn1tWVN6yYsy2OCEZ
