ބޮލީވުޑްގެ ސުޕަރސްޓަރ އާމިރުޚާންގެ މިހާރު ތައްޔާރު ކުރަމުންދާ ފިލްމު ”ލާލް ސިންގް ޗައްޑާ“ ގައި މުހިންމު ފެނިލުމަކުން ޝާހްރުކް ޚާން ފެނިގެންދާނެކަން މިހާރު މިވަނީ އެނގިފައެވެ. އެ ފިލްމުގައި ޝާހް ކުޅޭ ބައި ޑައިރެކްޓްކުރަނީ ވެސް ޚުދު، އާމިރުޚާން އެވެ.

މިއީ އާމިރާއި ޝާހްރުކް އެކުގައި ފިލްމެއްގައި މަސައްކަތްކުރާ ފުރަތަމަ ފަހަރެވެ. އެހެން ކަމުން މި ފިލްމު ވެގެން ދާނީ ދެ އެކްޓަރުންނަށް ވެސް އަދި އެމީހުންގެ ފޭނުންނަށް ވެސް ވަރަށް ޚާއްސަ ފިލްމަކަށެވެ.

އަންނަ ޑިސެމްބަރު ފަހުކޮޅު ރިލީޒް ކުރަން ހަމަޖެހިފައިވާ މި ފިލްމުގެ ލީޑް ކުޅެނީ އާމިރްޚާން އާއި ކަރީނާ ކަޕޫރެވެ. ކަރީނާ ކުޅެން ޖެހޭ ބައި މީގެ ދެ މަހެއްހާ ދުވަސް ކުރިން ވަނީ ފުރިހަމަ ކޮށްފަ އެވެ.

ހޮލީވުޑްގެ ޑައިރެކްޓަރު ޓޮމް ހޭންކް ގެނެސްދިން ”ފޮރެސްޓް ގަމްޕް“ގެ ހިންދީ ރީމޭކް ”ލާލް ސިންގް ޗައްޑާ“ އަކީ އާމިރު އާއި ކަރީނާ އެކުގައި ކުޅޭ ތިން ވަނަ ފިލްމެވެ.

https://www.youtube.com/watch?v=MszHrWfXFQ8

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: