ބައިސްކޯފު އޮރިޖިނަލްސް އިން ގެނެސްދެމުން އަންނަ ޢޯކޭޒްގެ “ކަރުހަކުރު”ގެ ފޮނި ރަހަގަނޑު އެންމެ ވަރުގަދައަށް ހެޔޮވަރުކޮށްދޭ ‘ކުޑޭ’ ރޭގެ އެޕިސޯޑްގައި ދައްކާލައިފިކަން އެނގޭދޯއެވެ.
ކާމިޔާބު ވެބް ސީރީޒް “ކަރުހަކުރު”ގެ ތިންވަނަ ސީޒަންގެ ފޯރިގަދަވަމުން އަންނަ އިރު، އެޕިސޯޑް 06ގައި މުޙައްމަދު އަފުރާހު (ކުޑޭ) ދައްކައިލުން ވެގެންދިޔައީ އެ އެޕިސޯޑަކީ މި ސީޒަންގެ އެންމެ މަޖާ އަދި ފޯރިގަދަ އެޕިސޯޑަށް ވެގެން ދިޔަ ކަމަކަށެވެ.
ކުޑޭ އައުމުން ނޮޅައި ކުދިކުދިކޮށްލަން ތައްޔާރަށް ހުރި ލީޒް ކަންތައްކުރިގޮތާ ކުޑޭ ގެންގުޅޭ އޮނުގަނޑުގެ ބޭނުންވެސް މި އެޕިސޯޑުން އެނގެއެވެ.
ނާއީގެ ގައިދުރުކުރުމާ އޭނާގެ އޯސީޑީގެ ކަންތައްތައް ދަނީ ގޯހުން ގޯހަށެވެ. އަނެއްކޮޅުން ލިއުގެ އެކަނިވެރިކަން ފިލުވައިދިނުމަށް ނާއީގެ ކޮއްކޮ ނާފް، ލިއު އަށް ހޯދައިދޭ ބެސްޓް ފްރެންޑަކީ ކޮބައިކަން ބަލައިލަން ހަދަންވީ ގޮތް ވެސް އެނގެއެއްނުދޯ އެވެ.
މުންކޮގެ ކޮންސެޕްޓަކަށް މަހްދީ ލިޔަމުން އަންނަ މި ސީރީޒް ޑައިރެކްޓްކުރަނީވެސް މުންކޮ އެވެ. ސީރީޒް އުފައްދަނީ، ޕްރޮޑަކްޝަންގައި ތަފާތުދައްކަމުން އަންނަ އޯކޭޒް އިންކް އިންނެވެ.
