ނިމިދިޔަ އޯގަސްޓް މަހުގެ 19ގައި ރިލީޒްކުރި އަކްޝޭ ކުމާރުގެ ފިލްމު “ބެލްބޮޓަމް”، އެމެޒޯން ޕްރައިމް ވީޑިއޯ މެދުވެރިކޮށް ރިލީޒްކުރަން ހަމަޖެހިއްޖެއެވެ.
އަކްޝޭ އިއްޔެ ކުރި ޓްވީޓެއްގައި ވަނީ “ބެލްބޮޓަމް” މި ހިންގާ ސެޕްޓެމްބަރު މަހުގެ 16ވަނަ ދުވަހުން ފެށިގެން އެމެޒޯން ޕްރައިމް ވީޑިއޯ ޕްލެޓްފޯމް މެދުވެރިކޮށް ބެލޭނެ ކަމެވެ.
Date aap yaad rakhna, mission hum yaad dila denge. #BellBottomOnPrime, releases September 16.@PrimeVideoIN @vashubhagnani @vaaniofficial @humasqureshi @LaraDutta @ranjit_tiwari @jackkybhagnani @honeybhagnani @poojafilms pic.twitter.com/iMbmEjOJDq
— Akshay Kumar (@akshaykumar) September 12, 2021
ރަންޖީތު ތިވާރީ ޑައިރެކްޓްކޮށްފައިވާ މި ފިލްމު އިންޑިއާގެ ތިއޭޓަރ ތަކުގައި ރިލީޒް ކުރުމަށް ވަރަށް ބޮޑެތި ދަތިތަކާ ކުރިމަތިވިއެވެ. ސަބަބަކީ ކޮވިޑް-19ގެ ސަބަބުން ބައެއް ތިއޭޓަރ ތަކުގައި ނޭޅުވުމެވެ.
ޕޫޖާ އެންޓަރޓެއިންމެންޓް އަދި އެންމޭ އެންޓަރޓެއިންމެންޓްގެ ޕްރޮޑަކްޝަންގެ ދަށުން ގެނެސްދޭ މި ފިލްމުގައި އަކްޝޭގެ އިތުރުން ވާނީ ކަޕޫރާއި ލާރާ ދައްތާ އާއި، ހުމާ ޤުރޭޝީ ފެނިގެން ދާނެއެވެ.
އަކްޝޭގެ ކުރިއަށް ހުރި ފިލްމުތަކުގެ ތެރޭގައި ’އަތުރަންގީ ރޭ‘ އާއި ’ޕްރިތުވިރާޖް‘ އަދި ’ބައްޗަން ޕާންޑޭ‘ ގެ އިތުރުން ’ބަންދަން‘ ހިމެނެއެވެ.
