ކަލާޒް ޓީވީއިން ގެނެސްދޭ ކާމިޔާބު ރިއަލިޓީ ޝޯވ ”ބިގް ބޮސް“ ގެ ޑިޖިޓަލް ވާޝަން ”ބިގް ބޮސް އޯޓީޓީ“ ރޭގައި ނިންމާލައިފިއެވެ. 42 އެޕިސޯޑާއިއެކު ރޭގައި ޝޯވ ނިންމާލާފައިވާއިރު ޝޯވ ކާމިޔާބުކޮށްފައިވަނީ ރިއަލިޓީ ޝޯވތަކުން ބޮޑު މަޤުބޫލުކަމެއް ހޯދި ދިވްޔާ އަގަރްވާލްއެވެ.
މަޝްހޫރު ޕްރޮޑިއުސަރު އަދި ޑައިރެކްޓަރު ކަރަން ޖޯހަރް ހޯސްޓުކުރި މި ޝޯވގެ ފައިނަލްގައި 5 ބައިވެރިން ވާދަކުރިއިރު، ފައިނަލްގައި ވާދަކުރި ޕްރަތީކް ސެހަޖްޕަލް ވަނީ ”ބިގް ބޮސް 15“ ގައި ވާދަކުރަން ބިގް ބޮސްގެ ގެއިން ނުކުމެފައެވެ.
ދިވްޔާއަށް ތަށި ލިބުނުއިރު ދެވަނަ ލިބުނީ މަޝްހޫރު ކޮރިއޯގްރާފަރު ނިޝާންތު ބަޓްއަށެވެ. އެކްޓްރެސް ޝަމީތާ ޝެޓީއަށް ތިންވަނަ އަދި އެކްޓަރު ރާކޭސް ބަޕާޓްއަށް ހަތަރުވަނަ ލިބުނުއިރު، އަންނަ އޮކްޓޯބަރު މަހުގެ 2 ގައި ”ބިގް ބޮސް 15“ ކަލާޒް ޓީވީއިން ފަށާ ގޮތަށް ވަނީ ނިންމާފައެވެ.
ޑިޖިޓަލް ޕްލެޓްފޯމް ވޫޓް އިން ގެނެސްދިން ”ބިގް ބޮސް އޯޓީޓީ“ ގެ ފުރަތަމަ ސީޒަންގެ ކާމިޔާބީއާއި ގުޅިގެން އަންނަ އަހަރުވެސް އާ ސީޒަނެއް ގެނެސްދޭނެކަމަށް ޚަބަރުތައް ބުނެއެވެ.
ލިޔުންތެރިޔާގެ ފުރަމަލަ
- މުނިއަވަސްގެ ޑެޕިއުޓީ އެޑިޓަރ ސާޖިދު އަކީ ވާހަކަ ލިޔުމުގެ އިތުރުން ޚަބަރު ލިޔުމުގައިވެސް ހުނަރުވެރި ލިޔުންތެރިއެކެވެ.
މި ލިޔުންތެރިޔާގެ ބައެއް އެހެން ލިޔުންތައް
- 27 ޑިސެމްބަރ 2025ޚަބަރުއިން ކްލިކްސްގެ ”ލޫޓުވީ ކަލާ“ އާ އަހަރަށް
- 27 ޑިސެމްބަރ 2025ޚަބަރުތެހެރީމްގެ ”ހަމްނަވާ“ ފަށަނީ
- 26 ޑިސެމްބަރ 2025ޚަބަރުލިލީގެ ”ގިސްލާ ރޮއި“ ވަރަށް އަސަރުގަދަ
- 26 ޑިސެމްބަރ 2025ޚަބަރުޕާކިސްތާން ޑްރާމާ ”ސަޒާވާރް“ މިރޭ ފަށަނީ
