ބޮލީވުޑްގެ މަޝްހޫރު ފިލްމް މޭކަރ މޯހިތު ސޫރީގެ ޑައިރެކްޝަންގެ ދަށުން ގެނެސްދޭ ފިލްމު “އޭކް ވިލަން ރިޓާންސް” 2022ގައި ރިލީޒްކުރަން ހަމަޖެހިއްޖެއެވެ. 2022 ޖުލައި 08 ގައި މިފިލްމު ސިނަމާތަކަށް ގެންނަން ހަމަޖެހިފައިވާކަމަށް ބުނެ އިއްޔެ ވަނީ ފިލްމުގެ ޕޯސްޓަރެއް ބެލުންތެރިންނަށް ދައްކާލައިފައެވެ.
“އޭކް ވިލަން ރިޓާންސް” އަކީ 2014 ވަނަ އަހަރު ސިދާތު މަލްހޯތުރާ އާއި ރިތޭޝް ދޭޝްމުކްގެ އިތުރުން ޝްރަދާ ކަޕޫރު ފެނިގެންދިޔަ ފިލްމު “އޭކް ވިލަން”ގެ ސީކުއެލްއެކެވެ.
Guess who’s back!! 😈 8th July 2022.#EkVillainReturns on EID 2022@aseem_arora #BhushanKumar @ektarkapoor #ShobhaKapoor @RuchikaaKapoor @TheJohnAbraham @arjunk26 @DishPatani @TaraSutaria @amul_mohan @TSeries @balajimotionpic #BalajiMotionPictures pic.twitter.com/MztjNsPA8x
— Mohit Suri (@mohit11481) September 29, 2021
މިފިލްމުގައި ލީޑް ރޯލުތަކުން ފެނިގެންދާނީ ޖޯން އަބްރަހަމް އާއި އަރްޖުން ކަޕޫރު އަދި ދިޝާ ޕާތުނީގެ އިތުރުން ތާރާ ސުތާރިއާއެވެ. މިއީ ޓީ-ސީރީޒް އާއި ބަލާޖީ ޓެލެފިލްމްސްގެ ޕްރޮޑަކްޝަންގެ ދަށުން ގެނެސްދޭ ފިލްމެކެވެ.
