* ގޭގައި ހެނދުނުގެ ނާސްތާއަށް ފިޔާ ފަރާޓާ ތައްޔާރުކޮށްލުމަކީ އެހާ އުނދަގޫކަމެއް ނޫނެވެ.

މިއީ ކުދިކޮށް ކޮށާފައިވާ ފިޔާ އަދި ހަވާދު ބޭނުންކޮށްގެން ހެނދުނުގެ ނާސްތާއަށް ތައްޔާރުކޮށްލެވޭނެ ސިއްހަތަށް ރަނގަޅު އަދި ބަނޑުފުރޭނެ ކާނާއެކެވެ. މިއީ ގޭގައި ވަރަށް ފަސޭހައިން ތައްޔާރުކޮށްލައިގެން އަސާރާއެކު ކާލެވޭނެ މީރު ރަހަފަތެކެވެ. ތިރީގައި މިވަނީ މީގެ ރަހަފަތެވެ.

ބޭނުންވާ ތަކެތި:

* 2 ޖޯޑު އާޓާ ފުށް
* ރަހަލާ ވަރަށް ލޮނު
* ފެން (މޮޑެން ބޭނުންވާ ވަރަށް)
* 1 ސައިސަމުސާ ތެޔޮ
* 2 ބޮޑު ފިޔާ (ކުދިކޮށް ކޮށާފައި)
* 2 ގިތެޔޮ މިރުސް (ކޮށާފައި)
* 1 ސައިސަމުސާ ގާނާފައި ހުރި އިނގުރު
* 2 މޭޒުމަތީ ސަމުސާ ކޮތަނބިރި ފަތް (ކޮށާފައި)
* ސައިސަމުސާ އަޖުވައިން (Ajwain)
* ސައިސަމުސާ މިރުސް ޕައުޑަރު
* ސައިސަމުސާ ގަރަމް މަސާލާ
* ރަހަލާ ވަރަށް ލޮނު (މަސްގަނޑަށް)
* 1 ސައިސަމުސާ ތެޔޮ ނުވަތަ ގިތެޔޮ (މަސްގަނޑަށް)
* ފިހުމަށް ބޭނުންވާ ވަރަށް ތެޔޮ ނުވަތަ ގިތެޔޮ

* ތައްޔާރުކުރާނެ ގޮތް:

* 1 ވަނަ ފިޔަވަޅު:

އެންމެ ފުރަތަމަ ބޯތަށްޓަކަށް ފުށާއި ލޮނު އެޅުމަށްފަހު އެއްކޮށްލާށެވެ. ދެން މަޑުމަޑުން ފެން އަޅަމުން މޮޑެ މަޑު ފުށްގަނޑެއް ތައްޔާރުކުރާށެވެ. ފުށްގަނޑު މޮޑެ ނިމުމުން 10 މިނެޓް ވަންދެން ބަހައްޓާށެވެ.

* 2 ވަނަ ފިޔަވަޅު:

ފަރާޓާގެ ތެރެއަށް އަޅާނެ މަސްގަނޑު (ސްޓަފިންގ) ތައްޔާރުކުރުމަށްޓަކައި ކޮށާފައިވާ ފިޔާ، ގިތެޔޮ މިރުސް، އިނގުރު، ކޮތަނބިރި ފަތް، އަޖުވައިން، މިރުސް ޕައުޑަރު، ގަރަމް މަސާލާ، ލޮނު އަދި ތެޔޮފޮދު އެއްކޮށްލާށެވެ.

* 3 ވަނަ ފިޔަވަޅު:

ދެން މޮޑުނު ފުށްގަނޑުން އެއްވަރުގެ ގުޅަ ހަދާށެވެ. ކޮންމެ ގުޅައެއްގެ މެދަށް ކުރިން ތައްޔާރުކުރި ފިޔާ މަސްގަނޑު އެޅުމަށްފަހު މަސްގަނޑު ބޭރަށް ނުނިކުންނާނެހެން ގުޅައިގެ އަނގަ ބައްދާލާށެވެ.

* 4 ވަނަ ފިޔަވަޅު:

ރޮށި ދަމާ އެއްޗެއް ބޭނުންކޮށްގެން އޭގެ މައްޗަށް ހިކި ފުށްކޮޅެއް ބުރުވާލުމަށްފަހު ފަރާޓާތައް ދަމާލާށެވެ.

* 5 ވަނަ ފިޔަވަޅު:
ތަވައެއް އުދައި ހޫނުވުމުން ފަރާޓާ ފިހަން ލާށެވެ. ފަރާޓާގެ މަތީގައި ބޮކި ޖަހަން ފެށުމުން އަނެއް ފުށަށް ޖަހާށެވެ. ދެން ތެޔޮ ނުވަތަ ގިތެޔޮ ހާކައިގެން ރަން މުށި ކުލަ އަރައި މުރަނަ ވަންދެން ފިހެލާށެވެ.

* 6 ވަނަ ފިޔަވަޅު:
ހޫނުކޮށް ހުއްޓައި ޔޯގަޓް ނުވަތަ އަސާރާއެކު އިންސާފުކުރާށެވެ!