– އަވަނުން ފިހެފައިވާ ބާބަކިއު ކުކުޅު

މިއީ އާންމުކޮށް ބޭނުންކުރާ އެންމެ ތިން ބާވަތެއް ބޭނުންކޮށްގެން، ވަރަށް އަވަހަށް ތައްޔާރުކޮށްލެވޭނެ މީރު ކެއުމެކެވެ. މަސައްކަތް ބުރަކޮށް އުޅޭ ދުވަސްތަކުގައި އަވަހަށް މީރު ކެއުމެއް ތައްޔާރުކޮށްލަން މިއީ ވަރަށް އެކަށީގެންވާ ރަހަފަތެކެވެ.

ތައްޔާރުކޮށްލުމަށް ހޭދަވާނެ ވަގުތު: 5 މިނެޓު
ފިހަން ހޭދަވާނެ ވަގުތު: 10 މިނެޓު
މަޑުކޮށްލަން ބަހައްޓާ ވަގުތު: 5 މިނެޓު
ޖުމްލަ ވަގުތު: 20 މިނެޓު
މިއީ 4 މީހުންނަށް ފުދޭވަރަކަށް ތައްޔާރުކުރެވިފައިވާ ރަހަފަތެކެވެ.

ބޭނުންވާ ތަކެތި:

🍳 ކަށި ނެތް، ހަން ނުލާ 4 ކުކުޅު މޭމަތީ މަސް (ޗިކަން ބްރެސްޓް) (އެއް ސައިޒެއްގެ، ޖުމްލަ ގާތްގަނޑަކަށް 1.5 ޕައުންޑް)

🍳 ރަހަލާވަރަށް ލޮނާއި އަސޭމިރުސް

🍳 1/2 ޖޯޑު ބާބަކިއު ސޯސް

🍳 4 އައުންސްގެ ސްމޯކްޑް ގޯޑާ ޗީޒް (ގާނާފައިވާ)

🍳 2 ފިޔާފަތް (ކުދިކޮށް ކޮށާފައި، ބޭނުންނަމަ)

ތައްޔާރުކުރާނެ ގޮތް:

1- އެންމެ ފުރަތަމަ އަވަން 425 ޑިގްރީ ފެރަންހައިޓަށް ހޫނުކުރަން ޖައްސާށެވެ. އަދި ބޭކިންގް ޓްރޭއެއްގައި ޕާޗްމަންޓް ކަރުދާސް އަޅާށެވެ.

2- ކުކުޅު ތައްޔާރުކުރުން:
ކުކުޅު މަސްތަކުގެ ބޯމިން އެއްވަރުކުރުމަށްޓަކައި ގާތްގަނޑަކަށް 1/3 އިންޗީގެ ބޯމިނަށް ކޮށާށެވެ. ތައްޔާރުކުރި ޓްރޭގައި އެއް ފަށަލައަކަށް ކުކުޅުތައް އަތުރާލުމަށްފަހު، މައްޗަށް ލޮނާއި އަސޭމިރުސް ބުރުއްސާލާށެވެ. ކޮންމެ މަސްކޮޅެއްގެ މަތީގައި ބާބަކިއު ސޯސް އުނގުޅާލުމަށްފަހު، ގާނާފައި ހުރި ޗީޒް މައްޗަށް އަޅާށެވެ.

3- ފިހުމާއި ސާވްކުރުން:
ކުކުޅުގެ އެތެރޭގެ ހޫނުމިން 160 ޑިގްރީ ފެރަންހައިޓަށް އަރަންދެން (8 އިން 10 މިނެޓާ ދެމެދު) އަވަނުގައި ފިހާށެވެ. އަވަނުން ނެގުމަށްފަހު ފޮއިލްއަކުން ނިވާކޮށްފައި 5 މިނެޓު ވަރު ބަހައްޓާށެވެ. ކާން ނަގާއިރު ހޫނުމިން 165 ޑިގްރީގައި ހުރިތޯ ޔަގީންކުރަންވާނެއެވެ.

4- މައްޗަށް ފިޔާފަތްކޮޅު ބުރުއްސާލުމަށްފަހު ސާވްކުރާށެވެ.

ރައްކާކުރުން:
ބާކީވާ ބައި ވައި ނުވަންނަ ފަދަ ތަށީގައި ބަންދުކޮށް، 4 ދުވަސް ވަންދެން އައިސްްއަަލަމާރީގައި ބެހެއްޓިދާނެއެވެ. އަލުން ހޫނުކުރަން ބޭނުންނަމަ 350 ޑިގްރީގެ އަވަނެއްގައި ނުވަތަ މައިކްރޯވޭވްގައި ހޫނުކޮށްލާށެވެ.