ވެދިޔަ ކަންތައްތަކުގެ ޚަބަރު އިވުމާއެކު ރާޔާގެ ލޮލުން ކަރުނަ ފައިބަން ފެށިއެވެ. ޝަމްހޫރިޝް އާއި ސިލާ މަލާމާތުގެ ހިނިތުންވުމެއްގައި ތިއްބާ، މަޢުރީން ދިޔައީ ރާޔާ އާއި އަކްމަލްއަށް ހިތްވަރުދީ މަސަލަސް ކުރެވޭތޯ ބަލަމުންނެވެ.
“ރާޔާ، ރޮއެގެން ވާނީ ކޮން ފައިދާއެއް؟ އޭނާ ހޭޖެއްސޭތޯ ބަލާ،” މަޢުރީން ބުންޏެވެ. ރާޔާ ހިތްވަރުލާފައި އަކްމަލް/ޝަމްހޫރިޝްއާ ގާތަށް ފިޔަވަޅެއް އެޅިއެވެ.
“އަކްމަލް، އާދޭސްމި ކުރަނީ ހޭއަރާބަލަ. މި ޝަމްހޫރިޝްއަކީ އިބިލީހެއް، އޭނާ މޮޅުވިޔަ ނުދީ. އަކްމަލް ހަނދާންކޮށްބަލަ، މިއީ ކަލޭގެ ރާޔާއޭ. އަހަރެމެން ބައްދަލުވާ ކޮންމެ ފަހަރަކު އަހަރެން ކަލޭގެ ގައިގައި ބައްދާލަމެއްނު، މިހެން،” މިހެން ބުނެ ވަރަށް ހިތްވަރުލާފައި އޭނާގެ ގައިގައި ބައްދާލިއެވެ. ނަމަވެސް އަކްމަލްގެ ހަށިގަނޑުގައި ހުރި ޝަމްހޫރިޝް ރުޅިއައިސް ރާޔާ ކޮއްޕާލިއެވެ. ރާޔާ އޭނާގެ އަތުން އިޝާރާތް ކުރަމުން ބުންޏެވެ،
“އަހަރެން ކަލޭގެ ގައިގައި ބައްދާލަނީ މިހެން، އެކަމަކު މި ނުބައި ޖިންނި އަހަރެންގެ އަކްމަލްއާ އަހަރެން ދުރުކުރަނީ. އާދޭސްކުރަން، ކަލޭގެ ހަށިގަނޑުން އޭނާ ބޭރުކުރެވޭނީ ހަމައެކަނި ކަލެއަށް. އަކްމަލް އަހަރެންގެ އަޑު އަހާބަލަ، އެ ދެމީހުންނަކީވެސް ނުބައި ބައެއް. ހޭއަރާބަލަ.” ރާޔާ މިހެން ކިތަންމެ ވަރަކަށް ބުންޏަސް އަކްމަލްއަކަށް އެއްވެސް އަސަރެއް ނުކުރިއެވެ. ސިލާ ފޫހިވެގެން ރާޔާގެ ހަށިގަނޑަށް ވަނުމަށްޓަކައި އޭނާއާ ގާތަށް ފިޔަވަޅެއް އެޅިއެވެ.
“ސިންސާ!” ކަބީރު މިހެން ބުނެ ސިލާއަށް ހަމަލާދިނެވެ. ސިލާ ބިމަށް ވެއްޓުނެވެ. އަދި ތެދުވެ ކަބީރާ ދިމާލަށް ނުރުހުމުގެ ނަޒަރަކުން ބަލާލިއެވެ.
ސިލާގެ ލޯ އަދާއަށް އަމާޒުވިއެވެ. އަދާއަކީ ކަބީރުގެ ބަލިފައި ކަމަށް ލަފާކޮށް އޭނާއަށް ހަމަލާދޭން ނިންމިއެވެ.
“ޝަޢޫޒާ!” ސިލާ ބާރަށް މިހެން ބުނެ ސިހުރު ހެދުމާއެކު، ގިނަ އަދަދެއްގެ ހަރުފަތައް އަދާއާ ދިމާލަށް އަންނަން ފެށިއެވެ. އަދާ އޭނާގެ ދެއަތް ހުރަސްކޮށްލުމަށްފަހު ސިހުރު ހެދުމުން، އޭނާގެ އަތްތިލައިން ތޫނު އެއްޗެހިތަކެއް ނުކުމެ ހަރުފަތައް މަރާލިއެވެ. އަދި އެ އެއްޗެހި ގޮސް ސިލާގެ ފައިގައި ޖެހި، ފައި ފަޅައިގެން ގޮސް އަލިފާން ނުކުމެ އޭނާއަށް ބޮޑެތި އަނިޔާތަކެއް ވިއެވެ.
“ސިލާ،” އަކްމަލްގެ ސިފައިގައި ހުރި ޝަމްހޫރިޝް ސިލާގެ ގައިގައި އަތްލާން އުޅުމުން ރާޔާ އޭނާ ހުއްޓުވިއެވެ.
“ނުދާތި، އެއީ ނުބައި މީހެއް، އަކްމަލް،” ރާޔާ ހަރުކަށިކަމާއެކު ބުންޏެވެ.
އަކްމަލްގެ ސިފައިގައި ހުރި ޝަމްހޫރިޝް، ރާޔާ ކޮއްޕާލުމުން އޭނާ ވިއްސައިގެން ގޮސް ފާރުގައި ޖެހި، ބޮލަށް އަނިޔާވެ ބިމަށް ތިރިވިއެވެ. އޭނާއަށް ވީތަދުން ރޯން ފެށިއެވެ. އަދާ އޭނާއަށް އެހީވާން އުޅުމުން ޝަމްހޫރިޝް އަދާއަށްވެސް ހަމަލާދިނެވެ. އަދާވެސް ވިއްސައިގެން ގޮސް ފާރުގައި ޖެހި ހޭނެތުނެވެ. ކަބީރު ހުރީ ކަންބޮޑުވެފައި ކަމުން އޭނާއަށް އަދާ ސަލާމަތެއް ނުކުރެވުނެވެ. ކަބީރު ގާތަށް ވަރަށް ރުޅިއައެވެ.
“ސިންސާ!” ކަބީރު ސިހުރު ހެދުމުން ޝަމްހޫރިޝް ހިނިތުންވެލިއެވެ.
“ކަލޭ ބޭނުންވަރަކަށް އަނިޔާކުރޭ، މިއީ އަހަރެންގެ ހަށިގަނޑެއް ނޫން، މިއީ އަހަރެންގެ ދުޝްމަނުގެ ހަށިގަނޑު،” މިހެން ބުނެ އޭނާ ސިލާއަށް އެހީވާން ދިޔައެވެ.
ކަބީރު ގޮސް ބޮލުގައި އަތްއަޅައިގެން އިން ރާޔާއަށް އެހީވިއެވެ. ލޭ ނައި ނަމަވެސް ރާޔާއަށް ވަރަށް އަނިޔާވެފައި ހުއްޓެވެ. ކަބީރު ރާޔާ ކޮޅަށް ތެދުކޮށްދިނުމަށްފަހު، އަދާއަށް ކަމެއްކޮށް ހަދައި އޭނާ ހޭއެރުވިއެވެ.
“އަދާ، ރަނގަޅުތަ؟” ކަބީރު އޭނާގެ ގައިގައި ބައްދާލަމުން އެހިއެވެ.
“އާނ، އަހަރެން ރަނގަޅު. އަކްމަލްގެ ހަށިގަނޑުން ޝަމްހޫރިޝް ބޭރުކުރެވޭތޯ ބަލަމާ،” އަދާ ބުންޏެވެ.
“އެކަމަކު ކިހިނެއް؟ އަކްމަލްގެ މައްޗަށް އޭނާ މުޅިން ބާރު ފޯރުވައިފި،” ސިލާއަށް އެހީވާން އިން އަކްމަލްއަށް ބަލަހައްޓައިގެން ހުރެ ރާޔާ ބުންޏެވެ.
“ކޮބާ މަޢުރީން؟ އޭނާއަށް ގޮވާ، އެހެން ގޮތެއް ހޯދަން ބުނޭ. އޭނާ ބުނި ގޮތަކުން މިކަމެއް ނުވު،” ކަބީރު ބުންޏެވެ. ރާޔާ މަޢުރީންގެ ކޮޓަރިއަށް ގޮސް ދޮރުގައި ޓަކިޖެހިއެވެ.
“އެތެރެއަށް އާދޭ،” މަޢުރީން ބުންޏެވެ. ރާޔާ އެތެރެއަށް ވަންއިރު މަޢުރީންއާއެކު އެހެން އަންހެން ކުއްޖަކު ހުއްޓެވެ.
“މިއީ ޢަދީލާ، މިއީ އަހަރެންގެ ކޮއްކޮ އަދި ހިޕްނޮޓައިޒް ކުރުމުގެ މާހިރެއް. އަހަރެން އޭނާއަށް ގުޅައި ހުރިހާ ވާހަކައެއް ކިޔައިދީފިން. ދެން އޭނާ ޝަމްހޫރިޝް ހިޕްނޮޓައިޒް ކޮށްގެން އޭނާގެ ގެ ހުރި ތަނެއް އޮޅުންފިލުވާނެ،” މަޢުރީން ބުންޏެވެ.
އެ ތިން މީހުން އެނބުރި ޖިންނިތައް ތިބި ތަނަށް ދިޔައެވެ. ޢަދީލާ އަކްމަލްއާ ގާތަށް ދިޔައެވެ.
“ޝަމްހޫރިޝް،” ޢަދީލާ ގޮވާލިއެވެ. އަދި އޭނާގެ އަތުގައި އޮތް ފަންސޫރެއް ކަހަލަ އެއްޗެއް އޭނާގެ އަތުކުރީގައި ހުރި އުޅާތަކުގައި ޖައްސާލުމުން ދުންތަކެއް ނުކުމެ އަކްމަލް އާއި ސިލާ ހިޕްނޮޓައިޒް ވިއެވެ.
“ކަލޭމެންގެ ގެ ހުރީ ކޮންތާކު؟” ޢަދީލާ އެހިއެވެ.
“އިންސާނުންގެ މި ބިމުގައި އަހަރެމެންގެ ގެއެއް ނުހުރޭ. އެއީ އިންސާނުންނަށް ދުވަހަކުވެސް ނުދެވޭނެ ތަނެއް،” ސިލާ ބުންޏެވެ.
“ކަލޭމެންގެ ހަށިގަނޑުތައް ހުރީ ކޮންތާކު؟” ޢަދީލާ ސުވާލުކުރިއެވެ.
“ފަޅު ގެއެއްގައި،” ސިލާ ޖަވާބުދިނެވެ.
“ކޮން ފަޅު ގެއެއް؟” ޢަދީލާ އެހިއެވެ.
“އިންޑިއާގެ ޝިމްލާގައި ހުންނަ ޗާލެވިލް މެންޝަންގައި،” އަކްމަލްގެ ދުލުން ޝަމްހޫރިޝް ޖަވާބުދިނެވެ.
“ދެން އަކްމަލްގެ ހަށިގަނޑުން ބޭރުވޭ،” ޢަދީލާ ބުންޏެވެ. ޝަމްހޫރިޝް ބޭރުވުމާއެކު އަކްމަލް ހޭނެތިގެން ވެއްޓުނެވެ. އިރުކޮޅަކުން އެމީހުން ހޭއެރިއެވެ. ރާޔާ ދުވެފައި ގޮސް އަކްމަލްގެ ކައިރިއަށް ހުއްޓުނެވެ.
“އަކްމަލް،” އޭނާގެ ލޮލުން އުފާވެރިކަމުގެ ކަރުނަ ފައިބަމުން ދިޔައެވެ. ޢަދީލާ އަކްމަލްގެ އަތުގައި ތަވީދެއް އެޅުވިއެވެ. އަދި ޝަމްހޫރިޝް އާއި ސިލާ ވަކިވަކި ފުޅިތަކަކަށް ލައި ބަންދުކުރިއެވެ.
“ދެން އަކްމަލްއާއިގެން އުޅޭ، އަހަރެން ގޮސް އެމީހުންގެ ހަށިގަނޑުތައް އަންދާލާނަން،” ޢަދީލާ ބުންޏެވެ.
“އެކަމަކު އަލިފާނުން އެމީހުން އަނދާނެތަ؟ އެއީ އަލިފާނުން އުފެދިފައިވާ ބައެއް، މަރުވުމަށްފަހުވެސް އެމީހުން ދިރިތިބޭ،” ރާޔާ ބުންޏެވެ.
“ފުރާނަ ހިފަހައްޓަން އެނގޭ މީހަކު އަހަންނަށް އެނގޭ. ފުރަތަމަ އޭނާގެ ގާތަށް ގޮސްފައި ދެން އެ ގެއަށް ދާނީ،” ޢަދީލާ ބުންޏެވެ. ކަބީރު އަކްމަލް އެނދުގައި ބޭއްވިއެވެ. ރާޔާ އަކްމަލްގެ ކައިރީގައި އިށީނދެ އޭނާގެ ނިތްކުރިއަށް ބޮސް ދިނެވެ.
“އެމީހުން އަލުން އަތުވެއްޖެއްޔާ ކިހިނެއް ހަދާނީ؟” ރާޔާ ކަންބޮޑުވެފައި އެހިއެވެ.
“ނާންނާނެ، އަހަރެމެންނަކީ ތަޖުރިބާކާރުން، ކަންބޮޑުނުވޭ،” މަޢުރީން ބުންޏެވެ. ރާޔާ ހިނިތުންވެލިއެވެ.
“މިހެން ވާން އޮތީ، އެމީހުން ދާންޖެހޭނެ. އެކަމަކު ދެން ދުވަހަކުވެސް އަކްމަލް އޭރު ކުރި ކަހަލަ ކަމެއް ނުކުރުމަށް އަކްމަލްއަށް ނަސޭހަތްތެރިވޭ،” އަދާ ބުންޏެވެ.
“ކަލެއަކީ ހަމައެކަނި ވަރަށް މާތް ހިތެއް އޮތް މީހެއް ނޫން، ކަލެއަކީ ހަމަ މާތްވެސް މީހެއް،” ރާޔާ ބުންޏެވެ.
“އަހަރެން އަބަދުވެސް އޭނާ ގާތު ތިހެން ބުނަން، އެކަމަކު އޭނާ އަބަދުވެސް އަހަންނާ ޒުވާބުކޮށް މޮޅުވޭ،” ކަބީރު ބުންޏެވެ. އެންމެން ހޭން ފެށިއެވެ.
“މިއީ އަހަރެންގެ ކަބީރުގެ ހިތް، ތިއީ ނިކަން ލޯބި ޖިންނިއެއް،” އަދާ ސަމާސާކޮށްލިއެވެ.
“ހަމައެކަނި ޖިންނިއެއް ނޫން، ޖިންނިންގެ ރަސްގެފާނު، އެކަން ހަނދާން ނައްތާނުލާ،” ކަބީރު ބުންޏެވެ. އެމީހުން ހެމުން އެތަނުން ދިޔައެވެ.
ފަހުން އަކްމަލް ހޭއެރުމަށްފަހު ވަށައިގެން ބަލާލިއެވެ. ރާޔާ ފެނުމުން ހިނިތުންވެލާފައި ދެމީހުން ބައްދާލިއެވެ.
“ރަނގަޅުތަ؟” ރާޔާ އެހިއެވެ. އަކްމަލް ބޯޖަހާލިއެވެ.
“އެކަމަކު މަށަށް ކީއްތަ މިވީ؟ އަހަރެން މިތަނަށް އައީ ކޮން އިރަކު؟ ކާކު އަހަރެން ގެނައީ؟ އަހަރެން ހުރީ ރަހުމަތްތެރިންނާއެކު ޖަންގަލީގައި. އަހަރެންގެ މުޅި ގައިގަވެސް އެބަ ރިއްސާ. މަށަށް ކިހިނެއްތަ މިވަނީ؟” އަކްމަލް ސުވާލުކުރިއެވެ. ރާޔާ ކަންބޮޑުވެފައި ހުރެ ހުރިހާ ކަމެއް ހަނދާންކުރިއެވެ.
“އަކްމަލް، އަކޫ ތިހުރީ ވަރުބަލިވެފައި. އެމީހުން ދާދި ދެންމެއަކު އެދިޔައީ، އަރާމުކޮށްލާ،” ރާޔާ ބުންޏެވެ.
“އެމީހުންނޭ؟ އެއީ ކޮން ބައެއް؟” އަކްމަލް އެހިއެވެ.
“އެއްވެސް ބައެއް ނޫން، އަރާމުކުރޭ، އަހަރެން ގޮސް މީރު އެއްޗެއް ތައްޔާރުކޮށްލާނަން،” ރާޔާ ތެދުވަން އުޅުމުން އަކްމަލް އޭނާގެ އަތުގައި ހިފާ އެނދަށް ދަމާލިއެވެ.
“މިހާ ދަންވަރު؟ ރާޔާ، އަހަންނަށް ބޭނުމީ ކާ އެއްޗެއް ނޫން، ބޭނުމީ ޖަވާބު،” އަކްމަލް ބުންޏެވެ.
ރާޔާގެ ލޮލުން ކަރުނަ އައެވެ. އަކްމަލް ރާޔާގެ އަތްތިލައިގައި ހިފައިލިއެވެ.
“ތެދަށް ބުނޭ ރާޔާ،” އަކްމަލް ބުންޏެވެ.
“މީގެ ދުވަސްކޮޅެއް ކުރިން އަކޫ އަހަރެންގެ ގެއަށް އައިން. އޭގެ ފަހުން އަހަރެމެންގެ ލޯބި ހާމަކުރިން. އެކަމަކު އޭގެ ކުރިން އާދަޔާ ހިލާފު ކަންތައްތަކެއް ހިނގި. އަހަންނަށް އަބަދުވެސް ފެންނަނީ މީހަކު އަހަންނާ ގާތްވާން އުޅޭ ހުވަފެނެއް. އެކަން ހުއްޓުނީ އަހަރެމެން ލޯބި ހާމަކުރި ފަހުން. ލޯގަނޑުގައި ‘ކަލޭގެ އަޑު ވަރަށް ރީތި’ އޭ ލިޔެފައި ހުއްޓާވެސް ފެނުނު. އެވާހަކަ އަކޫ ގާތު ބުނުމުން އަކޫ ބުނީ ނުލިޔަމޭ،” ރާޔާ ކަރުނަ އަޅަމުން ކިޔައިދޭން ފެށިއެވެ.
އަކްމަލް ހައިރާންވެފައި އަޑުއަހަން އިނެވެ.
“އޭގެ ދުވަސްކޮޅެއް ފަހުން ސިލާ ކިޔާ އަންހެން ކުއްޖަކު އައީ، ކަލޭ ބުނީ އެއީ ކޮލެޖު ރަހުމަތްތެރިއެކޭ. އަހަންނަށް ކަލޭގެ ހިތުގައިވާ އެއްޗެހި އެނގޭ. ކެތްތެރިކަން ކޮޅުންލުމުން އަހަރެން މަޢުރީންއަށް ގުޅީ. އޭނާ ބުނީ ކަލޭގެ ހަށިގަނޑަށް ޝަމްހޫރިޝް ކިޔާ ޖިންނިއަކު ވަދެފައޭ ހުރީ. އަދި ސިލާއަކީ އޭނާގެ ބައިވެރިއެކޭ،” ރާޔާ ކިޔައިދިނެވެ.
މާޒީގެ ހަނދާނެއް:
ރާޔާ ދޮރު ހުޅުވި އިރު އަކްމަލް ހުއްޓެވެ. “ކަލޭ؟ މިހާރު މިތަނުންދާން އުޅޭ، އަހަރެން ކަލެއާ ވާހަކަދައްކާކަށް ބޭނުމެއް ނޫން،” ރާޔާ ބުންޏެވެ. ނަމަވެސް އަކްމަލް އޭނާގެ އަތުގައި ހިފެހެއްޓިއެވެ. “ރާޔާ، އަހަރެންގެ ވާހަކަ އަޑުއަހާބަލަ، ކިހިނެއްވީ؟” އަކްމަލް އެހިއެވެ.
މާޒީގެ ހަނދާން (ފްލޭޝްބެކް) ކުރިއަށް:
“ކިހިނެއްވީހޭ؟ އަހަރެންގެ ޅިޔަނު ކަލޭ ގާތު ކުރިން ތައާރަފުވާން ބުނީމާ ކަލޭ ހީކުރީ ކީކޭ؟ ސިލާ ފެނުމުން ހުރިހާ ކަމެއް ހަނދާން ނެތުނީތަ؟” ރާޔާ ރުޅިވެރިކަމާއެކު އެހިއެވެ. އަކްމަލް ހައިރާންވެފައި ބުންޏެވެ، “އަހަރެން އެހެން ހީކުރަންވީ ކީއްވެ؟ އަހަރެންގެ އަނބިމީހާއަކަށް ވާނީ ކަލޭ، އެ ސިލާއެއް ނޫން.” ރާޔާ ބުންޏެވެ، “އެހެންވިއްޔާ މިހާރުން މިހާރަށް އެ ސިލާ މިގެއިން ބޭރުކުރޭ، ނޫނީ އަހަރެން މަތިން ހަނދާން ނައްތާލާ.” އަކްމަލް އެއްޗެއް ބުނުމުގެ ކުރިން ރާޔާ ދޮރު ލެއްޕިއެވެ.
މާޒީގެ ހަނދާން ނިމުނީ.
“އަހަންނަކަށް ނޭނގޭ ކަލޭ… އޭގެ މާނައަކީ ޝަމްހޫރިޝް އާއި ސިލާ އެކަނިވީ ވަގުތު ހިނގީ ކޮން ކަމެއް ކަމެއް. އަހަރެން އޭނާ ބޭރުކުރުވީމު، އެކަމަކު…” ރާޔާގެ ވާހަކަ މެދުކަނޑާލަމުން އަކްމަލް ބުންޏެވެ، “އަހަންނަށް މިހާރު ހަނދާންވާން ފަށައިފި.”
އަނެއްކާވެސް މާޒީގެ ހަނދާނެއް:
އަކްމަލްގެ ސިފައިގައި ހުރި ޝަމްހޫރިޝް، ސިލާ ކޮޓަރިއަށް ވައްދައި ދޮރު ލެއްޕިއެވެ. “ކިހިނެއްވީ ޝަމްހޫރިޝް؟ ކީއްވެ އަހަރެން މިހެން ކޮޓަރިއަށް ވެއްދީ؟ މީހަކަށް ފެނުނު ނަމަ ކިހިނެއް ވާނީ؟” ސިލާ ރުޅިއައިސްފައި އެހިއެވެ. “ހިމޭނުން ހުރޭ! ފުރަތަމަ އަހަރެންގެ ވާހަކަ އަޑުއަހާ. ރާޔާއަށް އަހަރެންގެ ހިތުގައިވާ އެއްޗެހި އެނގޭ. އޭނާ އަހަރެމެންނަށް ޝައްކުކޮށްފި. އަދި ބުނީ ސިލާ ބޭރުކުރާށޭ،” ޝަމްހޫރިޝް ބުންޏެވެ.
“އޭނާގެ އެހާ ހިތްވަރު އެބަހުރިތަ؟ އަހަރެން އޭނާ ދުލެއް ނުކުރާނަން،” ސިލާ ރުޅިއައިސްފައި ބޭރަށް ދާން އުޅުނެވެ. ނަމަވެސް ޝަމްހޫރިޝް އޭނާ ހުއްޓުވިއެވެ.
“ސިލާ، މަޑުކުރޭ! އަހަރެން މިއައީ އެހީއަކަށް އެދެން، ކަންތައްތައް ގޯސްކުރާކަށް ނޫން.” ޝަމްހޫރިޝް ބުންޏެވެ.
“އެހެންވިއްޔާ އަހަރެން ހަދަންވީ ކިހިނެއް؟ އަހަންނަކަށް ދެން ކަލެއާ ދުރުގައެއް ނޫޅެވޭނެ. އަހަރެން އެ ރާޔާ ނައްތާލާނަން،” ސިލާ ބުންޏެވެ.
ޝަމްހޫރިޝް ބުންޏެވެ، “ސިލާ، ރުޅީގައި ހޭބުއްދި ފިލުވައިނުލާ، ހަމަޖެހިބަލަ.” ދެމީހުން އެނދުގައި އިށީނދެލިއެވެ. “ސިލާ، އަހަންނަކަށް ނޭނގޭ އަހަރެންގެ ބާރުތައް އޭނާއަށް ލިބުނީ ކިހިނެއް ކަމެއް. ކުރިން އަހަންނަށް އެނގޭ މީހުންގެ ހިތުގައި އޮންނަ ކަންކަން، އެކަމަކު މިހާރު އެ ބާރު އޮތީ ރާޔާ އަތުގައި. މިވީ ކިހިނެއް؟” ޝަމްހޫރިޝް އެހިއެވެ.
ސިލާ ބުންޏެވެ، “ހުރިހާ އެއްޗެއް ކިޔައިދޭނަން، އެކަމަކު އާދޭސްކުރަން، ކުޑަވަގުތުކޮޅަކަށް އޭނާގެ ހަށިގަނޑު ދޫކޮށްފައި ކަލޭގެ އަސްލު ސިފައަށް އާދެބަލަ. އޭރުން އަހަންނަށް އިހުސާސްވާނީ އަހަރެންގެ އަމިއްލަ މީހަކާ ވާހަކަދައްކާހެން.” އެއާއެކު ޝަމްހޫރިޝް ވަގުތީ ގޮތުން އަކްމަލްގެ ހަށިގަނޑު ދޫކޮށްލިއެވެ.
މާޒީގެ ހަނދާން ނިމުނީ.
“އޭގެ ފަހުން ވީކަމެއް ހަނދާނެއް ނެތް،” އަކްމަލް ބުންޏެވެ.
“އާނ، އޭނާ ދިޔުމަށްފަހު މަޢުރީން އައީ،” ރާޔާ ބުންޏެވެ.
“ދެން އަހަރެން އަމިއްލައަށް ޝަމްހޫރިޝްއަށް ގޮންޖަހައި، އޭނާ ކަލޭގެ ހަށިގަނޑުން ބޭރުވާން އެދުނިން. އެކަމަކު އޭނާ އާއި ސިލާވެގެން އަހަރެން ކުޑަދޮރުން ބޭރަށް އެއްލާލި. ނަމަވެސް ޖިންނިއަކާއި އޭނާގެ ބައިވެރިއެއްގެ އެހީގައި އަހަރެން ސަލާމަތްވީ. އަކްމަލް، މިހާރު ކަލޭ ތިހުރީ ސަލާމަތުން،” ރާޔާ ހިނިތުންވެލާފައި އަކްމަލްގެ ގައިގައި ބައްދާލިއެވެ.
“ރާޔާ، އަހަރެން ކަލެއަށް ވަރަށް ދެރަދީފިން. މައާފްކުރޭ، އެއީ ހުސް ދޮގުތަކެއް. އަހަރެންގެ ސަބަބުން ކަލެއަށް ވަރަށް ތަކުލީފު ލިބިއްޖެ.” އަކްމަލް ދެރަވެފައި ބުންޏެވެ.
“އަކްމަލް، އާދޭސްކުރަން، ކަލޭގެ އެއްވެސް ކުށެއް ނެތް. އެއީ ކަލެއެއް ނޫން. އަމިއްލަ ނަފްސު ކުށްވެރިނުކުރޭ. މުހިންމީ އެމީހުން ދިޔަކަން.” އަކްމަލް ބުންޏެވެ، “އަހަރެން ކަލޭދެކެ ލޯބިވޭ.” ރާޔާ ބުންޏެވެ.
ޖެހިގެން އައި ދުވަހު ހެނދުނު އަކްމަލްއަށް ހޭލެވުނީ ނުތަނަވަސްކަމާއެކުގައެވެ. އޭނާ އެނދުން ތެދުވެ، އެއްޗެހިބަދަލުކޮށްލައިގެން ގެއިން ނުކުތެވެ. ނާޔާއަށް އޭނާ ދަނިކޮށް ފެނުނެވެ. ރާޔާ ހޭލައިގެން އަކްމަލް ނުފެނުމުން ހޯދަން ފެށިއެވެ.
“ރާޔާ، އަކްމަލް ގެއިން ނުކުމެގެން އެދިޔައީ، ކަމެއް ގޯސްވީތަ؟” ނާޔާ އައިސް ބުންޏެވެ.
ރާޔާ އަވަހަށް ބޭރަށް ދުއްވައިގަތެވެ. އޭނާއަށް އަކްމަލް ފެނުނީ މަގުމަތީގައި އެއްވެސް ހޭވެރިކަމެއް ނެތި ހިނގަނިކޮށެވެ. ރާޔާ ގޮސް އަކްމަލްގެ އަތުގައި ހިފެހެއްޓިއެވެ.
“އަކްމަލް! ކިހިނެއްވީ؟ އަކޫ ކުށްވެރިއެއްގެ އިހުސާސް ކުރާނެ ކަމެއް ނެތް،” ރާޔާ ބުންޏެވެ. އަކްމަލް ބުންޏެވެ،
“އަހަރެން މިއީ ގާތިލެއް، އަހަރެން ދިރިހުންނަންވީ ކީއްކުރަން؟ އަކްމަލް ބުންޏެވެ.
“ތިކަހަލަ ވާހަކަ ނުދައްކަބަލަ. އަހަރެން އަބަދުވެސް އަކޫއާ އެކު ހުންނާނަމޭ.” ރާޔާ އަކްމަލްގެ އަނގަމަތީގައި އަތްއަޅައި ބުންޏެވެ.
އެމީހުން އެނބުރި ގެއަށް އައެވެ. ޢަދީލާގެ މެސެޖެއް ލިބުނެވެ. އެ ނުބައި ފުރާނަތައް މިހާރު ވަނީ އެމީހުން ތިބެންޖެހޭ ތަނަށް ފޮނުވާލެވިފައެވެ. ހަފްތާއެއް ފަހުން އަކްމަލް އާއި ރާޔާ ކައިވެނިކުރިއެވެ. އަދި އެމީހުންނަށް އިވްރީގެ ނަމުން ނަންދެވުނު އަންހެން ކުއްޖަކު ލިބުނެވެ.
ނިމުނީ
