މަޝްހޫރު ލަވަކިޔުންތެރިޔާ މެޑޯނާ އޭނާގެ ދަރިފުޅާ އެއްއުމުރެއްގެ ޒުވާނަކާއެކު ފެނިއްޖެއެވެ.
ދުނިޔޭގެ މަގުބޫލުކަން ހޯދާފައިވާ ލަވަކިޔުންތެރިޔާ މެޑޯނާ، އޭނާގެ އާ ލޯބިވެރިޔާ އަކީމް މޮރިސްއާއެކު އާންމުންގެ ތެރެއަށް ނުކުމެ ފޮޓޯތަކެއް ހިއްސާކޮށްފިއެވެ.
މިހާރު އުމުރުން 68 އަހަރުގެ މެޑޯނާގެ ލޯބިވެރިޔާ އަކީމް މޮރިސްގެ އުމުރަކީ އެންމެ 30 އަހަރެވެ. މިއީ މެޑޯނާއަށްވުރެ 38 އަހަރު ހަގު ޒުވާނެކެވެ. މި ގުޅުމުގެ ސަބަބުން ގިނަ ބައެއްގެ ސަމާލުކަން ވަނީ މި ދެމީހުންނަށް ހުއްޓިފައެވެ.
މި ގުޅުމުގައި ފާހަގަކޮށްލެވޭ އެންމެ ހައިރާންކުރުވަނިވި ކަމަކީ، މެޑޯނާގެ އެންމެ ދޮށީ އަންހެން ދަރިފުޅާއި އަކީމް މޮރިސްއަކީ އެއް އުމުރެއްގެ ދެމީހުންނަށް ވުމެވެ. މެޑޯނާގެ ދޮށީ ދަރިފުޅު އުފަންވެފައިވަނީ 1996 ވަނަ އަހަރުއެވެ. އަކީމް މޮރިސްއަކީ ވެސް ހަމަ އެ އަހަރު އުފަންވި ޒުވާނެކެވެ. މިހާރު މި ދެމީހުންގެ އުމުރަކީ 30 އަހަރެވެ.
މީގެ އިތުރުން، އަކީމް މޮރިސްއަކީ ހަމައެކަނި މެޑޯނާގެ ލޯބިވެރިޔާ އެއް ނޫނެވެ. އޭނާއަކީ މެޑޯނާގެ ހަގު ދެ އަންހެން ދަރިންގެ ކޯޗެއްގެ ގޮތުގައި ވެސް މަސައްކަތް ކުރަމުންދާ މީހެކެވެ. މެޑޯނާގެ އާއިލީ ކަންކަމުގައި އަކީމް ބައިވެރިވާ މިންވަރު މިކަމުން ހާމަވެގެންދެއެވެ.
މެޑޯނާ އަކީ މީގެ ކުރިން ވެސް އޭނާއަށްވުރެ އުމުރުގެ ގޮތުން މާ ހަގު ޒުވާނުންނާ ގުޅުން ބާއްވާފައިވާ ފަންނާނެކެވެ. ނަމަވެސް، އޭނާގެ ދަރިފުޅާ އެއް އުމުރެއްގެ ޒުވާނަކާ ގުޅުން ބޭއްވުމުން ސޯޝަލް މީޑިއާގައި ގިނަ ބަޔަކު ދަނީ އެކި ގޮތްގޮތަށް ފާޑުކިޔަމުންނެވެ.
