ފަސޭހަ ޗޮކްލެޓް ކަދުރު ރޯލް މިއީ ބަލައިލަން ރީތި، ތައްޔާރުކޮށްލަން ވަރަށް ފަސޭހަ، ކައްކަން ނުޖެހޭ ފޮނިކެއުމެކެވެ.

ބޭނުންވާނެ ތަކެތި:

2 ތަށި އޮށްނެތް ކަދުރު
 ½ ތަށި މުގުރި ބިސްކޯދު
 ½ ތަށި ހިކި ކާށި ހުނި
 2 ސައިސަމުސާ ކޮކޯ ޕައުޑަރު (ބޭނުންނަމަ)
 2 ސައިސަމުސާ ބަޓަރު
 ¼ ތަށި ކޮށާފައި ހުރި ކަނަމަދު ނުވަތަ ކަޖޫނަޓް

ހޭދަވާނެ ވަގުތު: 20-25 މިނެޓު

އަދަދު: 6-8 މީހުންނަށް

ތައްޔާރުކުރާނެ ގޮތް:

– މަޑު ގިނީގައި ތަވައަކަށް ބަޓަރުކޮޅު އަޅައި ދިޔާކޮށްލާށެވެ.
– ކަދުރުތައް އަޅައި، މަޑުވެ ތަތްލަވާ ވަރަށް ޗިސްކޮށްލާށެވެ.
– މުގުރި ބިސްކޯދާއި، ކޮކޯ ޕައުޑަރު އަދި ނަޓްސްކޮޅު އަޅައި އެއްކޮށްލާށެވެ.
– ހުރިހާ އެއްޗެއް ރަނގަޅަށް އެއްވުމުން އުނދުުންމަތިން ބާލާށެވެ.
– ކުޑަކޮށް ހިހޫވުމުން، ދިގުކޮށް (ރޯލެއްގެ ބައްޓަމަށް) ގެނެސް، އޭގެ ބޭރުގައި ކާށި ހުނި އުނގުޅާށެވެ.
– 30 މިނެޓު ވަންދެން ފިނިކުރަން ބެހެއްޓުމަށްފަހު، ބޮޅުބޮޅަށް ކޮށައިގެން ސުފުރާމައްޗަށް ނެރޭށެވެ.

ފައިދާ:

ރޯދައަށް ހުރެފައި ވަގުތުން ހަކަތަ ލިއްބައިދޭ.
ފައިބަރުން މުއްސަނދިވުން.
މާގިނައިން ހަކުރު ބޭނުންނުކޮށް، ގުދުރަތީ ފޮނިކަން ލިބިދޭ.