އަބީޝަން ޖީވިންތް އާއި އަނަސްވާރާ ރާޖަން މުހިންމު ރޯލުތަކުން ފެނިގެންދާ “ވިތު ލަވް” އިންޑިއާގެ ބޮކްސް އޮފީހުގައި ޖުމްލަ 33.25 ކްރޯޑް ރުޕީސްގެ އާމްދަނީއެއް ހޯދުމަށްފަހު ސިނަމާތަކުން ނަގައިފިއެވެ. ތަފްސީލު ތިރީގައި އެވަނީއެވެ.
މިދިޔަ ހަފްތާ ބަންދުގައި މި ފިލްމު ޑިޖިޓަލް ޕްލެޓްފޯމްތަކުގައި ދައްކަން ފެށުމާއެކު، ސިނަމާތަކުގައި މި ފިލްމު ދެއްކުން މިހާރު ވަނީ ނިންމާލާފައެވެ. އަބީޝަން ޖީވިންތު އާއި އަނަސްވާރާ ރާޖަން ލީޑް ރޯލުން ފެނިގެންދާ މި ތަމަޅަ ފިލްމަށް ފުރަތަމަ ހަފްތާގައި ވެސް ވަނީ ބޮޑު ތަރުހީބެއް ލިބިފައެވެ. އެގޮތުން ފުރަތަމަ ހަފްތާގައި 14.75 ކްރޯޑް ރުޕީސް ލިބުނުއިރު، ދެވަނަ ހަފްތާގައި 11.50 ކްރޯޑް ރުޕީސް އަދި ތިންވަނަ ހަފްތާގައި 5.75 ކްރޯޑް ރުޕީސް ވަނީ ލިބިފައެވެ.
ހަތަރުވަނަ ހަފްތާގައި 1.25 ކްރޯޑް ރުޕީސްގެ އާމްދަނީއެއް ހޯދުމަށްފަހު، މި ފިލްމު ސިނަމާތަކުން ނެގީ ޖުމްލަ 33.25 ކްރޯޑް ރުޕީސްގެ އާމްދަނީއަކާއެކުގައެވެ. މިއީ އާ ތަރިއަކު ލީޑް ރޯލުން ފެނިގެންދިޔަ ފިލްމަކަށް ބަލާއިރު ވަރަށް ކާމިޔާބު އަދަދެކެވެ. ބެލުންތެރިންގެ މެދުގައި މި ފިލްމަށް ލިބުނު ބޮޑު ތަރުހީބަކީ މިހާ ދުވަސްވަންދެން ސިނަމާތަކުގައި ފިލްމު ދެއްކުމުގެ މައިގަނޑު ސަބަބެވެ.
އޯ.ޓީ.ޓީ ޕްލެޓްފޯމްތަކުގައި ފިލްމު ދެއްކުން ދެ ހަފްތާއެއްހާ ދުވަހަށް ފަސްކުރިނަމަ، މި ފިލްމަށް 40 ކްރޯޑް ރުޕީސްގެ އާމްދަނީއެއް ލިބުމުގެ ފުރުސަތު އޮތެވެ. އެހެންނަމަވެސް، “ވިތު ލަވް” އަކީ މިހާރުވެސް ތަމަޅަ ފިލްމީ ދާއިރާގައި ފާހަގަކޮށްލެވޭ ފަދަ ކާމިޔާބު ފިލްމެކެވެ.
“ވިތު ލަވް” އަށް ހަފްތާތަކުން ލިބުނު އާމްދަނީ:
ފުރަތަމަ ހަފްތާ: 14.75 ކްރޯޑް ރުޕީސް
ދެވަނަ ހަފްތާ: 11.50 ކްރޯޑް ރުޕީސް
ތިންވަނަ ހަފްތާ: 5.75 ކްރޯޑް ރުޕީސް
ހަތަރުވަނަ ހަފްތާ: 1.25 ކްރޯޑް ރުޕީސް
ޖުމްލަ: 33.25 ކްރޯޑް ރުޕީސް
މި ފިލްމަކީ އަބީޝަން ޖީވިންތު ލީޑް ރޯލަކުން ފެނިގެންދިޔަ ފުރަތަމަ ފިލްމެވެ. އޭނާއަކީ އެކްޓަރެއްގެ އިތުރުން ކާމިޔާބު ޑައިރެކްޓަރެއްވެސް މެއެވެ. އެގޮތުން އޭނާ އެންމެ ފުރަތަމަ ޑައިރެކްޓްކުރި “ޓޫރިސްޓް ފެމިލީ” އަކީ 2025 ވަނަ އަހަރުގެ އެންމެ މޮޅު ފިލްމުތަކުގެ ތެރޭގައި ހިމެނުނު ފިލްމެކެވެ. އެ ފިލްމުގައިވެސް އަބީޝަން އެކްޓްކޮށްފައިވީ ނަމަވެސް، އެއީ ފުރިހަމަ ލީޑް ރޯލެއް ނޫނެވެ.
