ބެލުންތެރިން ތިބީ އިންތިޒާރުގައި
މަގުބޫލު ތުރުކީ ސީރީޒެއް ކަމަށްވާ “އަރަފްތާ” ގެ ފުރަތަމަ ސީޒަންގެ ފަހު އެޕިސޯޑު މިރޭ ދެއްކުމަށް ހަމަޖެހިފައިވެއެވެ. މި އެޕިސޯޑަކީ ބެލުންތެރިން އެއްގޮތަކަށްވެސް އުންމީދު ނުކުރާ ފަދަ ބޮޑެތި ބަދަލުތަކާއި ސަޕްރައިޒްތަކެއް ފެނިގެންދާނެ އެޕިސޯޑެއް ކަމަށް ޕްރޮޑަކްޝަން ޓީމުން ވަނީ ހާމަކޮށްފައެވެ.
މިއަދު، 17 އެޕްރީލް 2026 ވާ ހުކުރު ދުވަހުގެ ރޭ ތުރުކީ ގަޑިން 7:00 ގައި (ރާއްޖެ ގަޑިން ރޭގަނޑު 9:00 ގައި) ދެއްކުމަށް ހަމަޖެހިފައިވާ މި އެޕިސޯޑަކީ ސީޒަން އެކެއްގެ ނިމުމެވެ. މެމްބަރޝިޕް އެޕިސޯޑުތަކުގެ ގޮތުގައި މިއީ 100 ވަނަ އެޕިސޯޑު ކަމުގައި ވިޔަސް، ޔޫޓިއުބްގައި މި ސީރީޒް ބަލާ ފަރާތްތަކަށް މި ބައި ފެނިގެންދާނީ 50 ވަނަ އެޕިސޯޑުގެ ގޮތުގައެވެ. ހަމައެއާއެކު މި އެޕިސޯޑަކީ ވާހަކައިގެ 187 ވަނަ ދުވަހުގެ ނިމުން ވެސް މެއެވެ.
މި އެޕިސޯޑާ ގުޅޭގޮތުން އާންމުކޮށްފައިވާ ޕްރޮމޯތަކުން ފެންނަ ގޮތުގައި، ވާހަކައިގެ މިސްރާބަށް ހީނުކުރާ ފަދަ ބޮޑެތި ބަދަލުތަކެއް އަންނާނެއެވެ. ބެލުންތެރިންގެ މެދުގައި މިހާރު އެންމެ ބޮޑަށް އުފެދިފައިވާ ސުވާލަކީ، ސީރީޒްގެ މުހިންމު ކެރެކްޓަރެއް ކަމަށްވާ އާތޭޝް ނުވަތަ ތާހިރު މި އެޕިސޯޑުގައި މަރުވެގެންދާނީތޯ ނުވަތަ މިއީ ދެވަނަ ސީޒަނަކަށް މަގުފަހިކޮށްދޭ އާ ފެށުމެއްތޯ ކުރެވޭ ސުވާލެވެ.
View this post on Instagram
އޯޑިއަންސްގެ މެދުގައި ބޮޑު މަގުބޫލުކަމެއް ހޯދާފައިވާ “އަރަފްތާ” ގެ މި ފަހު އެޕިސޯޑުގައި، އެތައް ދުވަހެއް ވަންދެން ހައްލު ނުވެ ހުރި ސުވާލުތަކަށް ޖަވާބު ލިބިގެންދާނެ ކަމަށް ބެލެވެއެވެ. ސޯޝަލް މީޑިއާގައި ދައުރުވަމުންދާ ވީޑިއޯތަކުން ފެންނަ ގޮތުގައި، މި އެޕިސޯޑަކީ ޖަޒުބާތީ ގޮތުންނާއި، ހާދިސާތަކުގެ ގޮތުން ވަރަށް ވަރުގަދަ، އަދި ސީޒަން ދޭކަށް ބެލުންތެރިން ކެތްމަދު ކުރުވާނެ ފަދަ އެޕިސޯޑަކަށް ވާނެއެވެ.
View this post on Instagram
މި ސީރީޒްގެ ފޭނުން މިހާރު ތިބީ މިރޭ ރާއްޖެ ގަޑިން 9 ޖަހާއިރު ޔޫޓިއުބް މެދުވެރިކޮށް ސީޒަން 1 ގެ މި ފޯރިގަދަ ނިމުން ބަލާލުމަށް ކެތްމަދުވެފައެވެ.
