މޯލްޑިވްސް ސޮސައިޓީ ފޮރ ޕަރފޯމިންގް އާޓްސް (އެމް.އެސް.ޕީއޭ) އިން ބާއްވަމުން އަންނަ ފިލްމު އެވޯޑްގެ ދެވަނަ އެވޯޑަށް ފިލްމު ހުށައެޅުމުގެ މުއްދަތު އިތުރުކޮށްފިއެވެ. މިހާރު މި މުއްދަތު އިތުރުކޮށްފައިވަނީ މި މަހު 25ގެ ނިޔަލަށެވެ.
މިމަހުގެ 10ގެ ކުރިން ފިލްމު އެވޯޑަށް ހުށައަޅަން ބޭނުންވާ ފިލްމުތައް ހުށައެޅުމަށް ދިން މުއްދަތު އިތުރުކުރީ ބައެއް ޕްރޮޑަކްޝަންތަކުން ފުރިހަމަކުރަން ޖެހޭ ކަންކަން ފުރިހަމަކުރުމަށް އިތުރަށް ވަގުތު ދިނުމުގެ ގޮތުންނެވެ.
އެމްއެސްޕީއޭ ފިލްމު އެވޯޑް 2ގައި 28 ކެޓަގަރީ ހިމެނޭ އިރު، ބައިވެރިކުރެވޭނީ 2024 ވަނަ އަހަރުގެ ޖެނުއަރީ 1 އިން ޑިސެމްބަރުގެ ނިޔަލަށް ރިލީޒްކޮށްފައިވާ ފިލްމުތަކެވެ. ބައިވެރިވުމަށް ހުށަހަޅާ ފޯމުގައިވާ ހުރިހާ މަޢުލޫމާތެއް ފުރިހަމަ ނުކުރާ ފޯމުތައް ބަލައިނުގަންނާނެ ކަމަށް އެމްއެސްޕީއޭ އިން ބުނެއެވެ.
އިތުރު މަޢުލޫމާތު ހޯދެއްވުމަށް: 7673379 / 7727264 ނަމްބަރަށް ގުޅުއްވައިގެން މަޢުލޫމާތު ލިބޭނެއެވެ.
