މި ކެއުމަކީ ކާޖުން މަސާލާގައި ތައްޔާރުކުރެވިފައިވާ ސެލްމަން މަހާއި، ޖޮލޮފް ރައިސް އަދި ތާޒާ ސެލަޑް ހިމެނޭ ވަރަށް ފުރިހަމަ ރެސިޕީއެކެވެ.
ތައްޔާރުކުރުމަށް ހޭދަވާނެ ވަގުތު: 15 މިނެޓު
ކެއްކުމަށް ހޭދަވާނެ ވަގުތު: 30 މިނެޓު
2 މީހުންނަށް
ބޭނުންވާ ތަކެތި:
ކާޖުން ސެލްމަން ތައްޔާރުކުރުމަށް:
2 ސެލްމަން ފިލޭ
1 ބޮޑު ސަމުސާ އޮލިވް އޮއިލް
1 ސައިސަމުސާ ސްމޯކްޑް ޕެޕްރިކާ
1/2 ސައިސަމުސާ ކައިއެން ޕެޕަރ
2 ލޮނުމެދު (ހިމުންކޮށް ގާނާފައި)
1/2 ސައިސަމުސާ ލޮނު
1/2 ސައިސަމުސާ މުގުރި އަސޭމިރުސް
2 ލުނބޯ ފޮތި (ޒީނަތްތެރިކުރުމަށް)
ޖޮލޮފް ރައިސް ތައްޔާރުކުރުމަށް:
1 ޖޯޑު ދިގު ހަނޑޫ (ލޯންްގް ގްރެއިން ރައިސް)
1/2 ޖޯޑު ޓޮމާޓޯ ސޯސް
1 ކުޑަ ފިޔާ (ކޮށާފައި)
1 ރަތް ކެޕްސިކަމް
2 ލޮނުމެދު
1 ބޮޑު ސަމުސާ އޮލިވް އޮއިލް
1/2 ސައިސަމުސާ ތައިމް
ލޮނު (ރަހަލާވަރަށް)
2 ޖޯޑު ކުކުޅު ސޫޕް (ކުކުޅު ސްޓޮކް)
ތާޒާ ސެލަޑަށް:
1 ޖޯޑު ލެޓިއުސް ފަތް
6 ކިއުކަމްބާ ފޮތި
6 ޗެރީ ޓޮމާޓޯ (ފަޅިކޮށްފައި)
ރަތް ފިޔާ (ހިމުންކޮށް ފޮތިކޮށްފައި)
ލުނބޯ ފަޅިއެއް (ސާވްކުރާއިރު ބޭނުންކުރުމަށް)
👩🍳 ތައްޔާރުކުރާނެ ގޮތް:
1 – އެންމެ ފުރަތަމަ ހަނޑޫ ރަނގަޅަށް ދޮވެލާށެވެ. އެއަށްފަހު ކެޕްސިކަމް، ލޮނުމެދު އަދި ފިޔާގެ އެއްބައި މިކްސަރުން ރަނގަޅަށް މުގުރާލާށެވެ.
2 – ތަވައަކަށް އޮލިވް އޮއިލް އެޅުމަށްފަހު މެދު ގިނީގައި ހޫނުކުރާށެވެ. ބާކީ ހުރި ފިޔާކޮޅު އަޅައި 2-3 މިނެޓު ވަންދެން މީރުކޮށްލުމަށްފަހު، ކުރިން މުގުރި މިރުސް މިކްސްޗަރާއި ޓޮމާޓޯ ސޯސް އެއްކޮށްލާށެވެ. މި މިކްސްޗަރު އޮލަވެ، މީރުވަސް ދުވަންދެން 8-10 މިނެޓު ކައްކާލާށެވެ.
3 – ދެން ތައިމް، ލޮނު އަދި ކުކުޅު ސޫޕް (ސްޓޮކް) އެއްކޮށްލާށެވެ. އެއަށްފަހު ހަނޑޫ އަޅައި، މަތިޖަހައިގެން މަޑު ގިނީގައި 20-25 މިނެޓު ވަންދެން ހަނޑޫ މަޑުވަންދެން ކައްކާށެވެ.
4 – ބަތް ކެކެމުންދާއިރު، ސެލްމަން މަސްކޮޅު ހިއްކާލުމަށްފަހު އޭގައި އޮލިވް އޮއިލް، ޕެޕްރިކާ، ކައިއެން ޕެޕަރ، ލޮނުމެދު، ލޮނު އަދި އަސޭމިރުސް ރަނގަޅަށް ހާކާލާށެވެ.
5 – ގްރިލް ތަވައެއް ނުވަތަ ފްރައިޕޭނެއް މެދު ގިނީގައި ހޫނުކުރުމަށްފަހު، މަހުގެ ދެފަރާތް ރަނގަޅަށް ފިހެލާށެވެ. މަހުގެ ބޯމިނަށް ބަލައި ކޮންމެ ފަރާތެއް 4-5 މިނެޓު ވަންދެން ފިހެލުމުން ރަނގަޅަށް ކެކޭނެއެވެ.
6 – ކެއުން ތައްޔާރުވުމުން، ތަށީގެ އެއްފަރާތެއްގައި ޖޮލޮފް ރައިސް އަދި އަނެއް ފަރާތުގައި ސެލްމަން މަސް ބާއްވާށެވެ. އޭގެ ކައިރީގައި ތާޒާ ސެލަޑް އަތުރާލައި، ލުނބޯ ފޮއްޗަކުން ޒީނަތްތެރިކުރުމަށްފަހު ހޫނުކޮށް ސާވްކުރާށެވެ.
އިތުރު އިރުޝާދެއް:
– މަހުގެ ރަހަ އިތުރަށް ފުރިހަމަކުރުމަށް ކުޑަ ބަޓަރުކޮޅެއް ބޭނުންކުރެވިދާނެއެވެ.
– ކުޅިކޮށް ބޭނުންނަމަ ޖޮލޮފް ރައިސް ކައްކާއިރު ގިތެޔޮ މިރުސް ބޭނުންކުރެވިދާނެއެވެ.
– ސެލްމަންގެ ބަދަލުގައި ގްރިލްކޮށްފައިވާ ކުކުޅު ނުވަތަ ޕްރޯން ވެސް ބޭނުންކުރެވިދާނެއެވެ.
