2021 ވަނަ އަހަރު ޓިކްޓޮކްގައި އާންމުވި ކުރު ވީޑިއޯއަކުން ފެނިގެންދިޔައީ، ކައިވެނި ރޫޅުނުތާ އެތައް އަހަރެއް ފަހުންވެސް، އަންހެނަކު އޭނާގެ ކުރީގެ ބަފައިބެއަށް ނުހަނު ލޯތްބާއެކު އަޅާލަމުންދިޔަ މަންޒަރެވެ.

އުމުރުން 98 އަހަރުގެ އެ މުސްކުޅި ބަފައިބެއަކީ ދިރިއުޅުމުގެ ކަންކަމުގައި އެހެން މީހެއްގެ އެހީތެރިކަމަށް ނުހަނު ބޭނުންވެފައިވާ މީހެކެވެ. އެ އަންހެންމީހާ އޭނާ ފެންވަރުވައި، ހެދުން ބަދަލުކޮށްދީ، ނިދަން އޮށޯތުމަށް އެހީތެރިވެދެނީ ކުރިއެކޭވެސް އެއްފަދަ އޯގާތެރިކަމާއެކުގައެވެ.

28 ސިކުންތުގެ މި ވީޑިއޯ ކްލިޕް ހިއްސާކުރީ އެ އަންހެންމީހާގެ ދަރިފުޅު، މެރިއަން ޓުރްސިއޯސް ކޮރެއާއެވެ. އޭނާ ކިޔައިދިން ގޮތުގައި އޭނާގެ މައިންބަފައިން ވަކިވެ، ބައްޕަ އެހެން މީހަކާ ކައިވެނިކޮށްގެން އުޅުނު ކަމުގައިވިޔަސް، މަންމަ އޭނާގެ މުސްކުޅި ކާފައަށް ކުރަމުންދިޔަ ހިދުމަތަކަށް އެއްވެސް ބަދަލެއް ނާދެއެވެ.

ދުނިޔޭގެ އެކި ކަންކޮޅުތަކުން މިލިއަނުން މީހުން ބެލި މި ވީޑިއޯ މަގުބޫލުވީ އޭގައި އެކުލެވޭ ތަަފާތު ހާދިސާއަކަށްވުރެ ބޮޑަށް، އޭނާގެ ކިބައިން ފެނިގެންދިޔަ މާތް އިންސާނީ ސިފައެއްގެ ސަބަބުންނެވެ.

ކައިވެނި ނިމުނަސް، އޭނާގެ ހިތުގައިވާ އޯގާތެރިކަމަކަށް ބަދަލެއް ނައެވެ.