ޗުއްޓީ ދުވަސްވަރާއި ހަފުތާ ބަންދަކީ ގިނަ ބަޔަކު ގޭގައި ތިބެގެން ތަފާތު ފިލްމުތަކާއި ސީރީޒްތައް ބަލައިލުމަށް ވަގުތު ހުސްކުރާ ދުވަސްތަކެކެވެ. އެގޮތުން، މި ދުވަސްވަރު އޯޓީޓީ (އޮންލައިން ސްޓްރީމިންގ) ޕްލެޓްފޯމްތަކުން ބަލައިލަން އެންމެ ކަމުދާނެ އަދި ބެލުންތެރިންގެ މެދުގައި ބޮޑު މަގުބޫލުކަމެއް ހޯދާފައިވާ 4 އުފެއްދުމެއްގެ މައުލޫމާތު މިވަނީ ހިމަނާލެވިފައެވެ.
1. ކިލަރ ސޫޕް
ނެޓްފްލިކްސް އިން ސްޓްރީމް ކުރަމުން އަންނަ މި ސީރީޒަކީ ކްރައިމް އަދި ޑާކް ކޮމެޑީއަށް ލޯބިކުރާ ފަރާތްތަކަށް ވަރަށް ކަމުދާނެ ސީރީޒެކެވެ. މީގެ ވާހަކަ ބިނާވެފައިވަނީ ކައްކަން މާ މޮޅު ނޫން ނަމަވެސް އަމިއްލަ ރެސްޓޯރެންޓެއް ހިންގުމުގެ ހުވަފެން ދެކޭ އަންހެނަކު، އޭނާގެ ފިރިމީހާގެ ބަދަލުގައި ލޯބިވެރިޔާ ބަދަލުކުރުމަށް ރާވާ ނުރައްކާތެރި ރޭވުންތަކެއްގެ މައްޗަށެވެ. މި ރޭވުމުގެ ސަބަބުން ކުށްތަކުގެ ބޮޑު ސިލްސިލާއެއްގެ ތެރެއަށް އެމީހުން ވެއްޓިގެންދާ ގޮތް މަޖާ އަދި ސަސްޕެންސް ގޮތަކަށް މި ސީރީޒުން ފެނިގެންދެއެވެ.
– އައިއެމްޑީބީ ރޭޓިންގ: 7.1/10
2. ޗުޕް: ރިވެންޖް އޮފް ދި އާޓިސްޓް
ޒީ5 އިން ބަލައިލެވޭ މި ފިލްމަކީ މުމްބާއީގައި ފިލްމުތަކަށް އިންސާފުވެރިނޫން ގޮތުގައި ފާޑުކިޔާ (ރިވިއު ލިޔާ) ކްރިޓިކުން ހޯދައި މަރަމުންދާ ނުރައްކާތެރި ސީރިއަލް ކިލާއެއް ހޯދުމަށް ފުލުހުން ކުރާ މަސައްކަތް ދައްކުވައިދޭ ސައިކޮލޮޖިކަލް ތްރިލަރެކެވެ. މިއީ ތަފާތު މައުޟޫއަކަށް ތައްޔާރުކޮށްފައިވާ ވަރަށް ޝައުގުވެރި ފިލްމެކެވެ.
– އައިއެމްޑީބީ ރޭޓިންގ: 7.6/10
3. ޖަނާވަރު
ޒީ5 (އިން ސްޓްރީމް ކުރާ “ޖަނާވަރު” އަކީ ކުޑަ އަވަށެއްގައި ހިނގާ ބިރުވެރި އަދި ރަހުމުކުޑަ މަރުގެ މައްސަލައެއް ތަހުގީގުކުރާ ހީވާގި ފުލުސް އޮފިސަރެއްގެ ވާހަކައެވެ. ގާތިލު ހޯދުމުގެ ތެރޭގައި އެ އަވަށުގެ މީހުންގެ މެދުގައި އޮންނަ އިޖުތިމާއީ ތަފާތުކުރުންތަކާއި، އަވަށުގެ ސިއްރުތައް ހޯދައި ކުށްވެރިޔާއާ ހަމައަށް ވާސިލުވާން އޭނާ ކުރާ މަސައްކަތް މި ފިލްމުން ވަރަށް ފުރިހަމައަށް ފެނިގެންދާނެއެވެ.
– އައިއެމްޑީބީ ރޭޓިންގ: 7.4/10
4. ޕޯޝަމް ޕާ
ހަގީގީ ހާދިސާތަކެއްގެ މައްޗަށް ބިނާކޮށް ޒީ5 އިން ގެނެސްދީފައިވާ މި ފިލްމަކީ ސައިކޮލޮޖިކަލް ތްރިލަރ ފިލްމެކެވެ. މި ފިލްމުގައި ދައްކުވައިދެނީ ދެ އަންހެން ކޮއްކޮއިންނާއި ދައްތައަކު، އެމީހުންގެ މަންމަގެ ފަރާތުން ލިބުނު ހިތްދަތި އަނިޔާތަކާއި، އެ މަންމަ އެ ދެކުދިން ސީރިއަލް ކިލާއިންނަށް (މީހުން މަރާ ބަޔަކަށް) ބަދަލުކޮށްލި ބިރުވެރި ގޮތުގެ ވާހަކައެވެ.
– އައިއެމްޑީބީ ރޭޓިންގ: 6.3/10
މި ފިލްމުތަކާއި ސީރީޒަކީ ބެލުންތެރިން ފޫހިފިލުވައިލުމުގެ އިތުރުން، ޝައުގުވެރި އަދި ސަސްޕެންސުން ފުރިގެންވާ ވަގުތުކޮޅެއް ހޭދަކޮށްލަން އެންމެ އެކަށޭނަ އުފެއްދުންތަކެވެ.
