ދިވެހި ސިނަމާގައި ބޮޑު މަގުބޫލުކަމެއް ހޯދަމުން އަންނަ ޑާކްރެއިން އެންޓަޓެއިންމަންޓުން އުފައްދާފައިވާ ދެ ފިލްމު ކަމަށްވާ “ޖަންނަތު” އަދި “މަގޭ ބިޓުގެ ވެޑިން” އާ ގުޅުވައިގެން، އެވޯން އާ ގުޅިގެން ކުރިއަށްގެންދިޔަ ލަކީޑްރޯގެ ނަސީބުވެރި ފަރާތްތައް ހޮވުމުގެ ގުރުއަތުލުން އަންނަ އޮކްޓޯބަރު މަހުގެ އެއްވަނަ ދުވަހު ބޭއްވުމަށް ނިންމައިފިއެވެ.
ޑާކްރެއިން އެންޓަޓެއިންމެންޓުން ހާމަކޮށްފައިވާ ގޮތުގައި، މި ދެ ފިލްމުގެ ލަކީޑްރޯގެ ނަސީބުވެރިން ހޮވުމަށް ހަމަޖެހިފައިވަނީ ލައިވް އިވެންޓެއްގެ ތެރެއިންނެވެ. މި ގުރުއަތުލުން އޮންނާނީ އަންނަ ބުރާސްފަތި ދުވަސް ކަމުގައިވާ އޮކްޓޯބަރު 1 ވަނަ ދުވަހުގެ ހަވީރު 5:00 ގައެވެ.
މި އިވެންޓް ކުރިއަށްދާނީ ޑާކްރެއިން އެންޓަޓެއިންމަންޓުގެ ރަސްމީ ފޭސްބުކް ޕޭޖް މެދުވެރިކޮށް ލައިވްކޮށެވެ. އެހެންކަމުން މި ލަކީޑްރޯގައި ބައިވެރިވި ހުރިހާ ފަރާތްތަކަށް ލައިވް ބަލައިލުމުގެ ފުރުސަތު ވަނީ ހުޅުވާލެވިފައެވެ.
މި ހަރަކާތަކީ ފިލްމު ބެލުންތެރިންނަށް އަގުހުރި އިނާމުތަކެއް ދިނުމުގެ މަގުސަދުގައި ޑާކްރެއިން އެންޓަޓެއިންމަންޓާއި އޭވަން ގުޅިގެން ކުރިއަށްގެންދާ ހާއްސަ ޕްރޮމޯޝަނެކެވެ. މި ގުރުއަތުލުމުގައި ބައިވެރިވި އެންމެހައި ފަރާތްތަކަށް އެ ފަރާތުން ވަނީ ކާމިޔާބީއަށް އެދިފައެވެ.
