މިއަހަރުގެ މާދަރީ ބަހުގެ ދުވަހަށް ޚާއްޞަކޮށްގެން ދިވެހިބަހުގެ އެކެޑަމީން ދިވެހި ބަހުރުވަތަކަށް ޚާއްސަ ފަސް ޓެގެއް ތަޢާރަފް ކޮށްފައިވާއިރު، އޭގެ ތެރެއިން ލ. އަތޮޅު ބަހުރުވައަށް ޚާއްޞަކޮށްފައި #ރަށުބަހަ ހޭޝްޓެގާއި އެކުގައި މަޝްހޫރު ފިލްމީ ތަރި ޔޫސުފް ޝަފީޢު (ޔޫއްޕެ)، “ފޮނަދޫ ބަހުރުވައިން” ވާހަކަދައްކާ ވީޑިއޯކޮޅެއް މުނިއަވަސް އިން ވާނީ ޓްވިޓަރުގައި އާއްމުކޮށްފައެވެ.
ޔޫއްޕެގެ ވީޑިއޯގައި ފޮނަދޫ ބަހުރުވައިން ބުނަނީ: “އަހަރިން ބައިވެރިވާން. އިބޭންނަށްވެސް ބައިވެރިވެވީދާޅަ” (އަހަރެން ބައިވެރިވާނަން، ތިބޭފުޅުންނަށްވެސް ބައިވެރިވެވިދާނެ) މިހެންނެވެ. މިއީ ލ. ފޮނަދޫ ބަރާސިލު އަވަށު ރައްޔިތުން، އެ އަވަށުގައި ޕްރީސްކޫލެއް އިމާރާތްކުރުމުގެ މަސައްކަތް ކުރަމުންދިޔަ ދުވަސްވަރު، އެކަމަށް ރައްޔިތުންގެ ތަރުހީބު އިތުރު ކުރުމުގެ ގޮތުން ތައްޔާރުކުރެވުނު އިޝްތިހާރެއްގެ ޝޫޓިން އެއްގެ ތަންކޮޅެކެވެ.
@DhivehiEkedamee #މާދަރީބަހުގެދުވަސް2019 #ވެހިބަސް #ރަށުބަހަ @ashraf830 @MACH_MV @yumna_maumoon މިޔޯ ޔޫއްޕެ، ހިލޭސާބަހަށް އަފޭންނަށް ކޮށްދިން ކަމެއް
ލ. ފޮނަދޫ ބަހުރުވަޔުން ޔޫއްޕެ މިބޮނަނޫ: އަހަރިން ބައިވެރިވާން. އިނބޭންވެސް ބައިވެރިވާން ވާޅަ @eupe007 pic.twitter.com/fClTcDS5zn— MuniAvas – Your Place of Infotainment (@muni_avas) February 12, 2019
އިޖްތިމާޢީ ބޭނުމަކަށް ތައްޔާރުކުރާ އިޝްތިހާރެއްކަމުން މި އިޝްތިހާރު، ޔޫއްޕެ ކުޅެދިނީ އެއްވެސް އަގަކާއި ނުލައި ހިލޭ ސާބަހަށެވެ. ޕްރޮފެޝަނަލް ތަރިއަކާއިއެކުގައި މަސައްކަތް ކޮށްފައިނުވާ، ފިލްމާއި ވީޑިއޯ އުފެއްދުމުގެ ޝައުގުގައި މަސައްކަތްކުރާ ބަޔަކާއި އެކުގައެވެ.
އަހަރުތަކެއް ފަހުން، މި ވީޑިއޯ އާއްމުކޮށްފައި މިވަނީ މާދަރީބަހުގެ ދުވަސް ފާހަގަކުރުމަށް ކަނޑައަޅާފައިވާ ހޭޝްޓެގަކާއިއެކުގައި ޔޫއްޕެ ލ. އަތޮޅު ފޮނަދޫ ބަހުރުވައިން ވާހަކަދައްކާ ވީޑިއޯކޮޅެއް އާއްމުކޮށްލުމުގެ ނިޔަތުގައެވެ. މި ވީޑިއޯކޮޅަށް ރަނގަޅު ތަރުހީބެއް ލިބެމުން އަންނަކަން ފާހަގަކޮށްލެވެއެވެ.
