މޯލްޑިވިއަންގެ ފްލައިޓެއްގެ ލޭންޑިން ގިއަރަށް މައްސަލައެއް ދިމާވެ ފްލައިޓް ރަންވޭގައި ނުޖެއްސި ގަޑިއެއްހާއިރު ހޭދަކުރުމަށްފަހު ރައްކާތެރިކަމާއެކު ގަން ވައިގެބަނދަރުގައި ޖައްސައިފިއެވެ.

ޤައުމީ އެއާލައިން މޯލްޑިވިއަންގެ ޑޭޝް އަށެއްގެ ކިޔުޓޫ118 ފްލައިޓުގެ ލޭންޑިން ގިޔަރަށް ދިމާވި މެކޭނިކަލް މައްސަލައެއްގެ ސަބަބުން ރަންވޭގައި ނުޖެއްސި ނުކުރެވި އެއް ގަޑިއިރާއި 20 މިނެޓު ހޭދަކުރަން ޖެހުނުކަމަށް މޯލްޑިވިއަން އިން މަޢުލޫމާތު ދެއެވެ.

އާއްމު އުސޫލުގެ ދަށުން، މަތިންދާބޯޓަށް ދިމާވި މައްސަލައިގެ ބާވަތުން ސ. ގަމު ބައިނަލް އަޤްވާމީ ވައިގެ ބަނދަރު ތައްޔާރީ ހާލަތަށް ގެންދިޔައެވެ. މަތިންދާބޯޓްގެ ލޭންޑިން ގިއަރަށް ދިމާވި މައްސަލަ ހައްލުވެ ރައްކާތެރިކަމާއެކު ޖައްސާފައިވާކަމަށް ކަމާބެހޭ އިދާރާތަކުން ބުނެއެވެ.

މޯލްޑިވިއަން ގެ ފްލައިޓް ދުއްވަން މިއަދު އިނީ ކެޕްޓަން ޢަބްދުލް ބާސިތު އިބްރާހިމް އެވެ. ބާސިތަކީ ލ. ފޮނަދޫ ޒުވާނެކެވެ. ބާސިތުގެ އިތުރުން ދެން އިނީ ރިމާހް އެވެ.

މިއަދު 12:21 ގައި ގަމުގައި ޖައްސަން ޝެޑިއުލްކޮށްފައިވާ ކިޔުޓޫ118 އަށް ދިމާވި އެމަޖެންސީގައި ޙާލަތުން އަރައިގަނެވި އެ ފްލައިޓް ޖެއްސީ 1:37 ގައެވެ.

ފްލައިޓުގައި އޭރު ދަތުރުކުރަމުން ދިޔައީ 44 މީހުންނާއި އެއް ކުޑަކުއްޖެކެވެ. ފްލައިޓުން ދަތުރުކުރި އެއްވެސް މީހަކަށް ގެއްލުމެއް ނުލިބެއެވެ.

ލިޔުންތެރިޔާގެ ފުރަމަލަ

ޢަލީ އަޖްވާން
ޢަލީ އަޖްވާން
އަޖްވާން އެންމެ ޝަޢުޤުވެރިވަނީ ފިލްމީ އަދި މިއުޒިކީ ޚަބަރާއި މަޢުލޫމާތު ގެނެސްދިނުމަށެވެ.

ގުޅުންހުރި ލިޔުން: