އިންޑިއާގެ ކެރެލާ ސްޓޭޓްގެ ޑައިރެކްޓަރެއް ކަމަށްވާ ބޭނަޒީރު މުޚްތާރު ދިވެހި އެކްޓަރުންތަކެއް ބޭނުންކޮށްގެން ފިލްމެއް ހަދަން ނިންމާފައިވާކަމަށް އަމަން އަލީ (ޓޮމް) ބުނެފިއެވެ.
ފިލްމީ ތަރި ޓޮމް މުނިއަވަސް އަށް ބުނީ އިންޑިޔާގައި ކޮންމެވެސް ވަރަކަށް ފިލްމު ހެދުމުގައި ހަރަކާތްތެރިވާ ޑައިރެކްޓަރެއް ކަަމަށްވާ ބޭނަޒީރަކީ މިވަގުތު ރާއްޖޭގައި ދިރިއުޅެމުން އަންނަ މީހެއް ކަމަށާއި ދިވެހި ފިލްމު އިންޑަސްޓްރީގައި ފާހަގަކޮށްލެވޭ ފަންނާނުންތަކެއް ބޭނުންކޮށްގެން ފިލްމެއް ހެދުމަށް އޭނާ ނިންމާފައިވާ ކަމަށެވެ.
”މިއީ ދިވެހި އެކްޓަރުން ލައިގެން ހަދާ ދިވެހި ފިލްމެއް. ނަމަވެސް ފިލްމު އިންޑިޔާގެ ބަހަކުން ޑަބްކޮށްގެން އިންޑިޔާގަވެސް ދައްކާނެ.“ ފިލްމާ ބެހޭގޮތުން ޓޮމް ބުންޏެވެ.
މިވަގުތު ނަން ހާމަކޮށްފައި ނުވިޔަސް މި ފިލްމުގައި ހަރަކާތްތެރިވާނެ ދިވެހި ބައެއް ފަންނާނުންގެ ނަންތައް އަމަން ހިއްސާކުރިއެވެ. އެގޮތުން ޔޫސުފް ޝަފީއު (ޔޫއްޕެ)، ޝީލާ ނަޖީބް، އައިމިނަތު ރިޝްފާ، އަމަން އަލީ (ޓޮމް) ގެ އިތުރުން އަލީ އާޒިމް (ދޮން އައްޔަ) ފަދަ ތަރިން ހިމެނެއެވެ. އޭގެ އިތުރުން މަރިޔަމް ޝަހުޒާގެ އާއި ލަހުފާ ފަދަ ފަންނާނުން ވެސް މި ފިލްމުން ފެނިގެންދާނެއެވެ.
މިއަދު ހަވީރު ސަލްސާ ރޯޔަލްގައި ފިލްމުގެ އެކްޓަރުންނާއެކު ސޮއި ކުރުމުގެ ރަސްމިއްޔާތެއް ބާއްވަން ނިންމާފައިވާ ކަމަށާއި އެ ރަސްމިއްޔާތުގެ ތެރެއިން ފިލްމުގެ ނަން ވެސް ހާމަކުރާނެ ކަމަށް ޓޮމް ބުންޏެވެ.
މި ފިލްމުގެ މަންޒަރުތައް ނަގަން ނިންމާފައިވަނީ، މިވަގުތު ބޭނަޒީރާއި އޭނާގެ އާއިލާ ދިރިއުޅެމުން އަންނަ އައްޑޫ ސިޓީގައެވެ.
މީގެ ކުރިން ތަމަޅަ ފިލްމެއްގެ ޑައިރެކްޝަންގައި ބޭނަޒީރު މަސައްކަތްކޮށްފައި ވެއެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 25 ޑިސެމްބަރ 2025ޚަބަރުއެމްއެފްއޭގެ ބޯޑު އެކުލަވައިލުމަށް އިލެކްޝަން ކޮމިޓީ އެކުލަވާލައިފި
- 22 ޑިސެމްބަރ 2025ޚަބަރު“އަލިފާން” އަދި “އަލްވަދާޢު” އަނެއްކާވެސް ސިނަމާއަށް!
- 21 ޑިސެމްބަރ 2025ޚަބަރު”މެރި ޒިންދަގީ ހޭ ތޫ“ އަށް ބޮޑު ރާޅެއް އަންނަން އުޅޭ ކަމުގެ އިޝާރާތެއް!
- 21 ޑިސެމްބަރ 2025ބިރުވެރިޝަމްހޫރިޝް – އެނބުރި އައުން
