ރޯދަމަހު ހާރު ކެއުމަށް ފަސޭހައިން ތައްޔާރުކޮށްލެވޭ މި މީރު ރިހައަކީވެސް ކަމުދާނެ ރިހައެއް ކަމަށް އުންމީދު ކުރަމެވެ.
ބޭނުންވާ ތަކެތި:
– 4 ބިސް
– 1 ފިޔާ (ކުދިކޮށް ކޮށާފައި)
– 1 ޓޮމާޓޯ (ކުދިކޮށް ކޮށާފައި)
– 1 ސައި ސަމުސާ މުގުރި ދިރި
– 1 ސައި ސަމުސާ މުގުރި މިރުސް
– 1/2ސައިސަމުސާ ރީނދޫ
– 1 މުރަނގަފަތް ކޯޅި
– ރަހަލާވަރަށް ލޮނު
ތައްޔާރުކުރާނެ ގޮތް:
– ބިސްތައް ތެޅުމަށްފަހު ބޯތަށްޓަކަށް އަޅާލާށެވެ.
– ރަހަލާވަރަށް ލޮނު އެޅުމަށްފަހު ރަނގަޅަށް ގިރާލާށެވެ.
– އެއަށްފަހު މުށެއްގެ މުރަނގަފަތް، ތައްޓަށް އަޅައިލުމަށްފަހު ބިސްގަނޑު އަޅާވަރަށް ތަވަޔަށް އަޅާލާށެވެ.
– ބިސްގަނޑު ފިހެވުމުން ރީއްޗަށް އޮޅާލުމަށްފަހު ތިންބަޔަށް ބުރިކޮށްލާށެވެ.
– ކޮށާފައިހުރި ފިޔާ، ޓޮމާޓޯ ރަހަލާވަރަށް ލޮނު އަދި ތެޔޮ ފޮދު ތެއްޔަކަށް އެޅުމަށްފަހު މަޑުގިނީގައި ފިޔާގަނޑު މޯޅިކޮށްލާށެވެ.
– އެއަށްފަހު ދިރި، ރީނދޫ ،މިރުސް އަދި ފެން އަޅައިލުމަށްފަހު 5-6 މިނިޓް ވަންދެން މަޑުގިނީގައި ކައްކާލާށެވެ.
– ރަނގަޅަށް ރިހަގަނޑު ކެކުމުން ކޮށާފައިހުރި ބިސްގަނޑުތައް އަދި ބާކީހުރި މުރަނގަފަތއްކޮޅު ތެއްޔަށް އަޅައި އެއްކޮށްލުމަށްފަހު 2-3 މިނިޓް ކައްކާލާށެވެ.
– މިހާރު އެހެރީ ބިސްގަނޑު ރިހަ ތައްޔާރު ކުރެވިފައެވެ.
ތިރީގައި މި ހިމަނާލަނީވެސް ބިސްގަނޑު ރިހަ ތައްޔާރުކޮށްލެވިދާނެ ގޮތެވެ.
ލިޔުންތެރިޔާގެ ފުރަމަލަ
- ތަފާތު މައުޟޫތަކަށް އާއިޝަތު ފައިނާޒް (އައިޗަތު) ލިޔާނެއެވެ. އެގޮތުން ބަހާއި އަދަބިއްޔާތު، އިޖްތިމާޢީ ރޮނގުންނާއި އިތުރު ދާއިރާތަކުންވެސް ލިޔާނެއެވެ.
މި ލިޔުންތެރިޔާގެ ބައެއް އެހެން ލިޔުންތައް
- 5 އޭޕްރިލް 2024ރަހަފަތްޗީޒީ އެގް ޓޯސްޓް – މުނިއަވަސް ރަހަފަތް
- 31 މާރޗް 2024ރަހަފަތްބިސްގަނޑު ރިހަ – މުނިއަވަސް ރަހަފަތް
- 11 މާރޗް 2024ރަހަފަތްޗޮކްލެޓް އައިސްކްރީމް ކޭކް – މުނިއަވަސް ރަހަފަތް
- 23 މާރޗް 2023ރިޕޯޓްއަފޭން ރަށު މީހުން ރޯދަޔަށް ގޭށަށް އަކިރިލުން
