ދިވެހިރާއްޖޭގެ ގައުމީ ދިފާއީ ބާރު އެމްއެންޑީއެފް އިން ވެންޓިލޭޓަރެއް އުފައްދައިފިއެވެ.

އެމްއެންޑީއެފް އިން ވެންޓިލޭޓަރެއް އުފެއްދި ކަން ކަށަވަރު ކޮށްދެއްވަމުން ޑިފެންސް މިނިސްޓަރު އަލް އުސްތާޛާ މާރިޔާ އަހްމަދު ދީދީ މީސް މީޑިއާގައި ކުރި ޕޯސްޓެއްގައި ވިދާޅުވެފައި ވަނީ އެމްއެންޑީއެފް އިން ވެންޓިލޭޓަރެއް އުފައްދައިފި ކަމަށާއި، އެ ވެންޓިލޭޓަރު މަސައްކަތް ކުރާ ކަމަށެވެ.

ވެންޓިލޭޓަރަކީ ލިބުން ދަތި އަދި އެހާމެ އަގުބޮޑު އެއްޗަކަށް ވެފައި، ކޮވިޑް-19 ގެ ބިރުވެރިކަން އިންތިހާއަށް ކުރިމަތިވެފައިވާ މިދުވަސްވަރުގައި ހާލު ބޮޑު ބަލި މީހުންނަށް ފަރުވާ ދިނުމަށް ވެންޓިލޭޓަރަކީ ވަރަށް މުހިންމު އެއްޗެއް ކަމުން، ދިވެހި ސިފައިންގެ މި އުފެއްދުމުގެ ސަބަބުން ރާއްޖެ އަށް ވަރަށް ބޮޑު ލުޔެއް ލިބިގެންދާނެއެވެ.

ދިވެހި ސިފައިން އުފެއްދި ވެންޓިލޭޓަރު

Ads by MUNIAVAS