ސިއްޙީ ހާލުކޮޅު ހުރިގޮތުން ހައުސިންގ މިނިސްޓަރ އާމިނަތު އާޠިފާ ޝަކޫރު އިސްތިއުފާދެއްވުމަށް ހުށަހަޅުއްވައިފިއެވެ.

މިނިސްޓަރ އާލާސްކަންފުޅެއްގައި އުޅުއްވާތާ ދުވަސްކޮޅެއް ވެފައިވާކަމަށް މަޢުލޫމާތު ލިބެއެވެ. އާމިނަތު އާޠިފާ ޝަކޫރު މިނިސްޓަރުކަމުގައި މި ސަރުކާރުގައި އިންނަވަނީ އެމްއާރްއެމްގެ ފަރާތުން ރައީސް މަޢުމޫނުގެ ސްލޮޓެއްގައެވެ.

މަޢުލޫމާތު ލިބިފައިވާގޮތުގައި މިނިސްޓަރ އިސްތިއުފާ ދެއްވުމަށް ހުށަހެޅުއްވުމަށްފަހުވެސް އޮފީހަށް ނިކުމެ ވަޑައިގެންފައިވެއެވެ. މިކަމާގުޅޭގޮތުން ސަރުކާރުން ނުވަތަ ރައީސް އޮފީހުންވެސް އަދި ވަކި އެއްޗެއް ހާމަކުރައްވާފައެއް ނުވެއެވެ.