މާލޭގައި ދިރިއުޅެމުންދާ ގިނަބަޔަކު ކަސްރަތުކުރުމަށް ބޭނުންކުރަމުންދާ ކުޅިވަރު އެކުވެނީގައި އޮންނަ ދުވާ ޓްރެކް 24 އަހަރަށް ފަހު، އާކުރުމުގެ މަސައްކަތް މިއަދު ފަށައިފިއެވެ.
މިކަން ހާމަ ކުރައްވައި، މިނިސްޓަރ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓް އަޙުމަދު މަޙުލޫފް ކުރެއްވި ޓްވީޓެއްގައި ވިދާޅުވީ 1996 ވަނަ އަހަރު އަލަށް ހެދި އެކުވެނި ޓްރެކް 24 އަހަރު ފަހުން އާ ޓްރެކަކަށް ބަދަލުކުރުމުގެ މަސައްކަތް މިއަދު ފަށާފައިވާ ކަމުގައެވެ.
“ކޯޕަރޭޓް ސޯޝަލް ރެސްޕޮންސިބިލިޓީ” ގެ ދަށުން އެ މަސައްކަތް ކޮށްދެއްވާ އާރުކޭއެލް ކުންފުންޏަށް ޝުކުރު އަދާކުރައްވާ ކަމަށް މިނިސްޓަރުގެ ޓްވީޓުގައި ވިދާޅުވެފައިވެއެވެ. އަދި، އެކަމުގެ ސަބަބުން އެކުވެނި ޓްރެކް ބޭނުންކުރާ ފަރާތްތަކަށް ގިނަ ފަސޭހަތަކެއް ލިބިގެންދާނެ ކަމަށް މިނިސްޓަރު މަޙުލޫފް ވަނީ ފާހަގަކުރައްވާފައެވެ.
1996 vana aharu hedhi Ekuveni dhuvaa track 24 aharahfahu aa dhuvaa track akah badhalukurumuge masahkaiy miadhuvanee feshifa. Mimasahkaiy CSR ge dhashun kohdhevvaathee RKL ah shukuru adhaakuran. Track beynunkuraa faraaiythakah mikamun gina faseyhathakeh libigendhaane. pic.twitter.com/TEhzVdM9an
— Ahmed Mahloof (@AhmedMahloof) June 22, 2020
އެކުވެނީގައި އާ ޓްރެކެއް އެޅުމަށް ހަމަޖެހިފައިވަނީ، މިހާރު އޮތް ޓްރެކް އެއްކޮށް ނަގާފައި، އެތަން އެއް ފޫޓަށް ކޮނެ، އަލުން ފަސްއަޅާ އެއްވަރު ކުރުމަށް ފަހުގައި ކަމަށް ޔޫތު މިނިސްޓްރީން ވިދާޅުވިއެވެ. އަދި، އެ މަސައްކަތް 25 ދުވަހުގެ ތެރޭގައި އެއްކޮށް ނިންމާލެވޭނެ ކަމުގައި އެ މިނިސްޓްރީން ވިދާޅުވިއެވެ.
