ބޮލުގެ އިސްތަށިގަނޑު ހުރީ ހުދުވެފައެވެ. ތުނބުޅިއެއްކޮށް ނުރަވެފައެވެ. ނަމަވެސް، އަދިވެސް ހަމަ އެ ޒުވާންކަމެވެ. ވަކިން ޚާއްޞަކޮށް، އެ އަޑުގައި އަދިވެސް ހަމަ އެ ޒުވާން ކަމާއި ހިތްގައިމުކަމެވެ. ހުށައެޅުމުގެ އެ ޚާއްޞަ ގޮތާއި ހުނަރުވެރިކަމެވެ. ދިވެހީންނާއި ކިތަންމެ ދުރުގައި ހުއްޓަސް، މިއަދުވެސް ޢަބްދުލް ހަންނާނު މުސާދީދީ ހުރީ ދިވެހިންނާ އެކީގައެވެ. ދިވެހިންނަށް ޢީދުގެ ތަހުނިޔާއާއި މުބާރިކްބާދު ކިޔަމުން އަންނަނީ ‘ހިނިތުންވަމުން’ނެވެ. ދިވެހީންގެ ހިތާއި، ލެޔާއި ގުޅިފައިވާ އެންމެ މަޝްހޫރު ޢީދު ލަވަ ކަމަށްވާ “ޢީދު އައީ ހިނިތުންވަމުން” އާއި އެކުގައެވެ.
ދިވެހި މިއުޒިކީ ޖައްވުގައި އެންމެ އަލިގަދަކޮށް އަދިވެސް ފިޔަޖަހަމުން އަންނަ އެންމެ ހުނަރުވެރި މިއުޒީޝަން ޢަބްދުލް ހަންނާނު މޫސާދީދީ، އަވަށްޓެރި ސްރީލަންކާގައި ހުރެ އިއްޔެގެ ވަގުތެއްގައި މިވަނީ އެންމެ ހިތްގައިމު ޢީދު ލަވަ “ޢީދު އައީ ހިނިތުންވަމުން” ދިވެހީންނަށް ހަދިޔާކޮށްފައެވެ. ހަންނާނުގެ ފޭސްބްކް މެދުވެރިކޮށް އޭނާގެ ފޭނުންނަށް، ދިވެހީންނަށް މި ލަވަ ހަދިޔާކުރަމުން ޢީދުގެ ތަހުނިޔާ ކިޔާފައިވަނީ އަމިއްލައަށް މިއުޒިކް ކުޅެމުންނެވެ.
އީދުގެ އުފާވެރިކަން ދިވެހިންނަށް އެންމެ ބޮޑަށް އިހްސާސް ކޮށްދޭ “އީދު އައީ ހިނިތުންވަމުން، މާމަލުގައި ނަލަ ކުލަ ޖައްސަމުން….” މި ލަވައިގެ ޅެމުގެ ޅެންވެރިއަކީ ޢަބްދުﷲ ޞާދިޤް (ސޯދުބެގެ) އެވެ. މީގެ އަހަރުތަކެއް ކުރީން މި ލަވަ ކިޔާފައިވަނީވެސް މަޝްހޫރު ލަވަކިޔުންތެރިޔާ އަބްދުއްހަންނާނު އެވެ. ޓީވީންނާއި ރޭޑިއޯއިން އީދު ދުވަހު ފޮނުވާ އެންމެ އާންމު ލަވަ މިއަދު ވެސް މިވަނީ ހަންނާނުގެ އަޑުން އިއްވާލާފައެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 3 މެއި 2024ޚަބަރު“ބަވަތި” ވީޑިއޯކްލަބުން މިހާރު ބަލައިލެވޭނެ
- 30 އޭޕްރިލް 2024ރިޕޯޓްވޯލްނަޓް ކާންވީ ކީއްވެ؟
- 30 އޭޕްރިލް 2024ޚަބަރުއެމްއެފްއޭގެ ޗެއަރޕާރސަންގެ މަގާމަށް ކުރިމަތިލުމަށް ހުޅުވާލައިފި
- 21 އޭޕްރިލް 2024ޚަބަރުޝޫޓިން ފެށުމަށް ފަހު 45 ވަރަކަށް ދުވަހުގެ ތެރޭގައި މަސައްކަތް ނިންމާލެވޭނެ – ނަހޫ
