ރައްޔިތުން މަޖިލީހުގެ ރައީސް އަދި ފޮނަދޫ ދާއިރާގެ ޢިއްޒަތްތެރި މެންބަރުގެ ޅެން ފޮތް “ބަނަފުސާ”ގައި ހިމެނޭ ބައެއް ޅެންތަކަށް އިބްރާހީމް ޒައިދް ޢަލީ (ކުޑަ) އިއްބެގެ ‘ޓޮނިކް ލައިވް ސްޓޫޑިއޯ’އިން ތައްޔާރުކޮށްފައިވާ ލަވަ އަލްބަމް “އަރާއިރު” ސައުންޑްކްލައުޑަށް ދޫކޮށްލައިފިއެވެ. މި އަލްބަމްގައި ހިމެނޭ ހުރިހައި ލަވަތަކަކީވެސް އަމިއްލަ ރާގުގެ ހިތްގައިމު ލަވަތަކެއްކަން ފާހަގަކޮށްލެވެއެވެ.

ޢަބްދުއްރަޙީމްގެ ޅެންވެރިކަން ހިމެނޭ މި ލަވަތަކަށް އަމިއްލަ ރާގަށް މިއުޒިކް ތައްޔާރުކޮށްފައިވަނީ ކުޑަ އިއްބެއެވެ. ލަވަތައް ކިޔާފައިވަނީ ކުޑަ އިއްބެގެ އިތުރުން މުޙައްމަދު ޢަބްދުލްގަނީ (ތޭރަ) އަދި ޖޫނީ އެވެ. އިތުރު ބައެއް ލަވަކިޔުންތެރިންގެ އަޑުވެސް މި އަލްބަމުން އިވިގެންދެއެވެ.

މި އަލްބަމުގެ ލަވަތަކުގެ މިއުޒިކާއި ރާގަކީ އަހައިލަން ފަސޭހަ، ދިވެހީންގެ ކަންފަތްތަކާއި ރައްޓެހި އަޑުތަކެއްކަން ފާހަގަކޮށްލެވެއެވެ. މި ލަވަތަކުން ފާހަގަކޮށްލެވޭ ލަވަތަކުގެ ތެރޭގައި އެންމެ ބޮޑަށް އަޅައިގަންނަ އެއް ލަވައަކީ ދިވެހިންގެ މެދުގައި މަޤްބޫލު ލަނގިރިއަށް ބޭނުންކުރާ ފީލްގެ ލަވައެއް ކަމަށްވާ “ދާނެޔޭ މިއަދު އިނގޭ” ލަވައެވެ. މިއީ “ބަނަފުސާ” ޅެންފޮތުގައި ހިމެނޭ ޚާއްޞަ ޅެންތަކުގެ ތެރެއިން “ދުނިޔޭގެ ސުންނަތް” ޅެމުން ތައްޔާރުކޮށްފައިވާ ލަވައެކެވެ. މި ލަވައިގެ ޅެމުގައި އެ ކިޔައިދޭ ވާހަކަތައް ވިސްނުންތެރިކަމާއެކު އަޑުއަހައިލުމުން ގިނަގުނަ ފިލާވަޅުތަކެއް ލިބިގެންދާނެއެވެ.

މި ލިންކުން ލަވަތައް އަޑުއަހައިލެވޭނެއެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު

ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

މި ލިޔުންތެރިޔާގެ ބައެއް އެހެން ލިޔުންތައް

• 31 މެއި 2025މަޢުލޫމާތުއަމިއްލަ ގަޔަށް ހިނިއަރުވައިގެން ކާޅު މިކުރަނީ ކޮންކަމެއްކަން އެނގޭތަ؟
• 29 މެއި 2025ޚަބަރު“އަރާއިރު” ސައުންޑްކްލައުޑަށް!
• 29 މެއި 2025ޚަބަރުޢަބްދުއްރަޙީމް ޢަބްދުﷲ ގެ “ބަނަފުސާ އަދި އަރާއިރު” ނެރެފި
• 27 މެއި 2025ޚަބަރުބޮޑުުބެރު މުބާރާތް 2025 ގެ ފައިނަލަށް “ރިދަމް” އަދި “ސާދަތިރީސްއަށެއް”