މަޝްހޫރު ލަވަކިއުންތެރިޔާ އިބްރާހިމް ރަޝީދު (ހާބުރި)ގެ ސިއްހީ ހާލަތު ގޯސްވެ އައިޖީއެމް ހޮސްޕިޓަލުގައި ފަރުވާދެމުން އަންނަ ކަމަށް މައުލޫމާތު ލިބިއްޖެއެވެ.
މައުލޫމާތު ލިބިފައިވާ ގޮތުގައި، އިބްރާހިމް ރަޝީދު ބަލިވެ އުޅޭތާ ދުވަސްތަކެއް ވެފައިވާއިރު، އޭނާގެ ހާލަތު ގޯސްވެ އެޑްމިޓްކުރީ ފުއްޕާމޭގައި ފެން ހެދުމުގެ ސަބަބުންނެވެ.
އިބްރާހީމް ރަޝީދުއަށް މާތް ﷲގެ ހެޔޮރަހްމަތުން އަވަސް ޝިފާއެއް މިންވަރު ކުރައްވާށި. އާމީން 🤲
އުމުރުން ނަވަހަތްތަރީގައި އުޅުނަސް މިއަދުވެސް ހާބުރި ރަޝީދަށް މާބޮޑު ބަދަލެއްް ނާދެއެވެ. ހަމަ ގައިމުވެސް އޭނާގެ ވަރުގަދަ އަދި ތަފާތު އަޑު މިހާރުވެސް ހަމަ ވަރަށް ސަޅިއެވެ. މިހާރުގެ މަޝްހޫރު ބޭންޑެއް ކަމަށްވާ ޑިންބާ މިއުޒިކާއެކު މީގެ އަށެއްކަ އަހަރު ކުރިން ހާބުރި ކިޔާފައިވާ ރެގޭ ސްޓައިލްގެ ދެތިން ލަވަައަކުންވެސް އެކަން ނުހަނު ބޮޑަށް އެނގި ސާފުވެއެވެ.
ރާއްޖޭގެ މިއުޒިކީ ޖައްވުގައި އެންމެ އަލިގަދަކޮށް، ވަރުގަދައަށް ވިދައިލި މުނިފޫހިފިލުވައިދޭ އެކުވެރިޔާ، ހާބުރި ރަޝީދު މަޝްހޫރުވީ އޭނާގެ އަމިއްލަ މަސައްކަތުންނެވެ. އަމިއްލަ ސްޓައިލްގައި ލަވަ ހުށައަޅައިގެންނެވެ. އޭނާގެ ގިނަ ލަވަތައް ހަދާފައިވަނީ އަމިއްލައަށެވެ.
