މައިކަލް ޖެކްސަންގެ ހަޔާތުގެ މައްޗަށް ބިނާކޮށް ހެދި ފިލްމު “މައިކަލް” ރެކޯޑް އަދަދުތަކާ އެކު ސިނަމާތަކުގައި ދައްކަން ފަށައިފިއެވެ.
އެޕްރީލް 26 ވަނަ ދުވަހު ނެރުނު އިންޑަސްޓްރީ އެސްޓިމޭޓްތައް ދައްކާ ގޮތުން، މި ފިލްމަށް އެމެރިކާގެ ބޮކްސް އޮފީހުގައި 97 މިލިއަން ޑޮލަރު ލިބި، މިއުޒިކަލް ބައޮޕިކެއްގެ އެންމެ ބޮޑު އޯޕެނިންގެ ރެކޯޑް ވަނީ ހަދައިފައެވެ. މުޅި ދުނިޔޭގައި މި ފިލްމު ގާތްގަނޑަކަށް 217.4 މިލިއަން ޑޮލަރާ އެކު ލޯންޗުކޮށް، ބައިނަލްއަޤުވާމީ ފެންވަރުގައި ވެސް ވަރުގަދަ ފެށުމެއް ވަނީ ހޯދައިފައެވެ.
“ކިންގް އޮފް ޕޮޕް”ގެ ލަޤަބު ލިބިފައިވާ މައިކަލް ޖެކްސަންގެ ވާހަކަ ދުނިޔޭގެ ސިނަމާތަކުގައި ދައްކަން ފެށުމާ އެކު، ދުނިޔޭގެ އެކި ކަންކޮޅުތަކުގައި ތިބި ފޭނުން ދަނީ މައިކަލް ޖެކްސަންގެ ލެގަސީގެ ވަރުގަދަކަން ދައްކައިދެމުންނެވެ. މި ފިލްމުގައި މައިކަލް ޖެކްސަންގެ ރޯލު އަދާކޮށްފައި ވަނީ މައިކްލް ޖެކްސަންއަށް ބޮޑުބޭބެކިޔާ ކުއްޖެއްކަމަށްވާ ޖާފަރު ޖެކްސަން އެވެ.
