⏱️ ތައްޔާރުކުރުމަށް ހޭދަވާ ވަގުތު: 10 މިނެޓް
⏱️ ފިހަން ހޭދަވާ ވަގުތު: 25 މިނެޓް
⏱️ ޖުމްލަ ހޭދަވާ ވަގުތު: 35 މިނެޓް
🍲 ތައްޔާރުކުރެވޭ މިންވަރު: 9 މީހުންނަށް
ބޭނުންވާ ތަކެތި:
🍳 ½ ޖޯޑު ބަޓަރު
🍳 2 ½ ޖޯޑު ފުށް (އޯލް ޕާޕަސް ފްލާ)
🍳 4 ސައިސަމުސާ ބޭކިންގް ޕައުޑަރު
🍳 1 ސައިސަމުސާ ހަކުރު
🍳 1 ސައިސަމުސާ ހިމާލަޔަން ޕިންކް ސޯލްޓް
🍳 1/8 ސައިސަމުސާ ހޮޓް ޕެޕްރިކާ
🍳 ½ ޖޯޑު ޗިކަން ހޭމް (ކުދިކޮށް ކޮށާފައި)
🍳 1 ޖޯޑު ގާނާފައި ހުރި ޗެޑަރ ޗީޒް
🍳 1 ¾ ޖޯޑު ބަޓަރމިލްކް
🍳 ހޮޓް ހަނީ (މާމުއި)
👩🍳 ތައްޔާރުކުރާނެ ގޮތް:
1 – އަވަން 230 ޑިގްރީ ސެލްސިއަސް (450 ޑިގްރީ ފަރަންހައިޓް) އަށް ހޫނުކުރަން ޖައްސާށެވެ.
2 – 8 އިންޗީގެ އަކަ ބިއްލޫރި ނުވަތަ ސެރަމިކް ޓްރޭއަކަށް ބަޓަރުކޮޅު އެޅުމަށްފަހު، މައިކްރޯވޭވްގައި 1 މިނެޓް ވަންދެން ބަހައްޓާށެވެ. ބަޓަރުކޮޅު ގިރާލުމަށްފަހު، މުޅިން ވިރެންދެން 20 ސިކުންތުގެ ވަގުތުކޮޅުތަކަށް އަލުން މައިކްރޯވޭވް ކުރާށެވެ.
3 – ބޮޑު ތަށްޓެއްގައި ފުށް، ބޭކިންގް ޕައުޑަރު، ހަކުރު، ލޮނު އަދި ޕެޕްރިކާ އެއްކުރާށެވެ. އޭގެ ތެރެއަށް ކޮށާފައި ހުރި މަހާއި ޗީޒް އެޅުމަށްފަހު ފުށާ އެއްވަރުވަންދެން ގަށާލާށެވެ. ފުށުގެ މެދުން ޖާގައެއް ހަދާލުމަށްފަހު ބަޓަރމިލްކް އަޅާލައި، ހަމައެކަނި އެއްވާވަރަށް ގަށާލާށެވެ.
4 – ތައްޔާރުކުރި ފުށްގަނޑު، ބަޓަރު ވިރުވާފައި ހުރި ޓްރޭގެ ތެރެއަށް އޮއްސާލާށެވެ. ފުށްގަނޑު ހުންނާނީ އޮލަކޮށެވެ. މަޑުމަޑުން ޓްރޭގެ އަރިމަތިތަކަށް ފުށްގަނޑު ފަތުރާލާށެވެ.
5 – ކުޑަ ވަޅިއެއް ބޭނުންކޮށްގެން ފުށްގަނޑު 9 ނުވަތަ 12 އަކަބަޔަށް ކޮށާލާށެވެ.
6 – ކުރިން ހޫނުކުރި އަވަނުގައި 22 އާއި 24 މިނެޓާ ދެމެދުގެ ވަގުތަކަށް ފިހެލާށެވެ. މަތީބަޔާއި އަރިމަތިތައް މުށިކުލަ އަރަންދެން ފިހަންވާނެއެވެ.
7 – ފިހެ ނިމުމުން 5 މިނެޓް ވަންދެން ހިހޫކުރަން ބެހެއްޓުމަށްފަހު، ކެއުމުގެ ކުރިން މަތީގައި މާމުއި ހާކާލާށެވެ.
