ބެލުންތެރިންގެ ބޮޑު މަޤުބޫލުކަމެއް ހޯދާފައިވާ އިންޑިއާގެ ވެބް ސީރީޒް “ޗުމްބަކް” ގެ ދެވަނަ ސީޒަން އަންނަ އޮކްޓޫބަރު މަހުގެ 1 ވަނަ ދުވަހު ނެޓްފްލިކްސްއިން ސްޓްރީމްކުރުމަށް ތައްޔާރުވެއްޖެއެވެ.

މި ސީރީޒްގެ ދެވަނަ ސީޒަން ކުރިއަށްދާނީ ފުރަތަމަ ބައި ނިމުނު ހިސާބުން ފެށިގެންނެވެ. މި ސީރީޒްގައި ދައްކުވައިދެނީ މުމްބާއީގެ އެއް ސަރަހައްދެއްގައި ހުންނަ “ރޯ ހައުސް ކޮލޮނީ” އެއްގައި ދިރިއުޅޭ 5 އާއިލާއެއްގެ ދިރިއުޅުމުގެ ވާހަކަތަކެވެ.

މަޝްހޫރު ތަރިން ކަމަށްވާ ނީނާ ގުޕްތާ، ހެލީ ޝާހް އަދި އަރްޖުން ބިޖްލާނީ ފަދަ ފަންނާނުން މުހިންމު ރޯލުތަކުން ފެނިގެންދާ މި ސީރީޒްގެ އާ ސީޒަންގައި ކެރެކްޓާތަކަށް އާ ގޮންޖެހުންތަކާއި އަވަށްޓެރިންގެ މެދުގައި ހިނގާ މަޖާ އަދި އަސަރުގަދަ ކަންތައްތަކެއް ފެނިގެންދާނެއެވެ.

“ޗުމްބަކް” ގެ ދެވަނަ ސީޒަންގައި ޚާއްސަ ގޮތެއްގައި އަލިއަޅުވާލާފައިވަނީ އާއިލާތަކުގެ އެތެރޭގައި ޖެހޭ މައްސަލަތަކުގެ މައްޗަށެވެ. އެގޮތުން ޕްރިޔަންކާގެ ދަރިފުޅު ވަރިވާން ކޯޓަށް މައްސަލަ ހުށަހެޅުމާއި، މިކީ އަދި ޓްވިންކަލްގެ ކައިވެނީގައި ޖެހިފައިވާ މައްސަލަތަކުގެ ވާހަކަ މުޅި އަވަށްޓެރިންގެ މެދުގައި ދެކެވޭ ގޮތް ފަދަ ގިނަ ހާދިސާތަކެއް މި ސީޒަންގައި ހިމެނެއެވެ.

އާތިޝް ކަޕާޑިއާ ލިޔެ ޑައިރެކްޓްކޮށް، ޖޭޑީ މަޖޭތިއާ ޕްރޮޑިއުސްކޮށްފައިވާ މި ސީރީޒަކީ ވަރަށް ގާތްކޮށް އުޅޭ މުޖުތަމައެއްގައި އެކެއްގެ މައްސަލައަކީ މުޅި އެންމެންގެ ކަމަކަށް ވެގެންދާ ގޮތް މަޖާ އަދި ހަޤީޤަތާ އެއްގޮތް ގޮތަކަށް ދައްކުވައިދޭ ސީރީޒެކެވެ.

މި ފަހަރުގެ ސީޒަންގައި ބެލުންތެރިން ހެއްވާލާނެ އިތުރު މަންޒަރުތަކާއި، އާންމު ދިރިއުޅުމާ ގުޅޭ މަޖާ ހަލަބޮލިކަން އިތުރަށް ފެނިގެންދާނެ ކަމަށް މި ސީރީޒްގެ ކާސްޓުން ވަނީ ޔަޤީންކަން ދީފައެވެ.