ޑާކް ރެއިން އެންޓަޓައިންމަންޓުން ޝޫޓް ކުރަމުން އަންނަ ކޮމެޑީ ފިލްމު “މާމުއި” ގެ އާ ލަވައެއް އެހުންތެރިންނަށް ރިލީޒްކޮށްފި އެވެ.
ސައުންޑްކުލައުޑަށް ދޫކޮށްލާފައިވާ ލަވައަކީ “ރޭ ރޭ” އެވެ. މިއީ ކުރީގެ ވަރަށް މަޝްހޫރު ލަވައެއް ކަމަށްވާ “ރޭރޭ މިހެން ޚިޔާލުކޮށްލަން އާދަވޭ” ލަވައިގެ އާ ވާޝެނެކެވެ. ލަވައިގެ މެލޮޑީ އަކީ ކުރީގެ މަޝްހޫރު ލަވަކިޔުންތެރިޔާ އަބްދުއްރައޫފުގެ މެލޮޑީއެކެވެ. މިފަހަރުގެ ލަވަ ކިޔާފައިވަނީ އަސްރާ އެވެ. ލަވައިގެ މިއުޒިކު ހަދާފައިވަނީ ފަތޯ އެވެ.
ކުރީގެ މަޝްހޫރު ލަވަކިޔުންތެރިޔާ އަބްދުއްރައޫފު މެލޮޑީ ހަދާފައިވާ މި ލަވައިގެ ޅެން ވެސް ހަދާފައި ވަނީ އޭނާ އެވެ. ކުރީގެ ލަވަ ކިޔާފައި ވަނީ މަހުމޫދާ ޝަކީބެވެ.
“މާމުއި” އަކީ ބޮޑު ކާސްޓެއް ފެނިގެންދާނެ ފިލްމެކެވެ. މި ފިލްމަކީވެސް އަލީ (ޗިއްޕެ) ޝިފާއު ޑައިރެކްޓް ކުރާ ފިލްމެކެވެ. ފިލްމުގެ ޝޫޓިން މިހާރު ވަނީ ގާތްގަނޑަށް ނިމުމަކަށް އައިސްފައެވެ.
“މާމުއި” ރިލީޒް ކުރުމަށް ނިންމާފައިވަނީ އަންނަ އަހަރުގެ އެޕްރީލް 1 ގައެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 17 މެއި 2024ޚަބަރު“ލަސްވިޔަސް” މާލޭ މޭޔޭރަށް ބަރާބަރު!
- 7 މެއި 2024ޚަބަރުމޯލްޑިވްސް ފިލްމު އެސޯސިއޭޝަންގެ ޗެއަރއަށް މުއާ
- 3 މެއި 2024ޚަބަރު“ބަވަތި” ވީޑިއޯކްލަބުން މިހާރު ބަލައިލެވޭނެ
- 30 އޭޕްރިލް 2024ރިޕޯޓްވޯލްނަޓް ކާންވީ ކީއްވެ؟