ލިޔުމުގައިވެސް އަދި ކިޔުމުގައިވެސް ކުށް ބަހެއް ބޭނުންކުރެވިދާނެ އެވެ. ނަމަވެސް ތަކުރާރުކޮށް ކުށް ބަސްތައް ބޭނުންކޮށްގެން ވާހަކަ ދެއްކުމާއި، ލިޔެކިޔުމުގައި ބޭނުންކުރުމަކީ މައްސަލައެކެވެ. ކުޑަކުޑަ ކަމެކޭ ހީވިޔަސް އެއީ ބޮޑު ކަމެކެވެ. ތަކުރާރުކޮށް އެ ބަސް ނުވަތަ ލަފުޒު ބޭނުންކުރަމުންގޮސް ލަފުޒުގެ އަސްލު އޮޅިދާނެ އެވެ.

ވާހަކަދައްކުމާއި ލިޔެކިޔުމުގައި މަދުންނަމަވެސް ބޭނުންކުރަމުން އަންނަ، އަޑު އަހައިލަން ފިސާރި އުނދަގޫ ދެ ލަފުޒެއް ކަމަށްވާ ’ލިޔެފަކާ‘ އަދި ’ބުނެފަކާ‘ މިއީ އެފަދަ ލަފުޒު ތަކުގެ ތެރެއިން ދެ ލަފުޒެކެވެ. މިއީ ކިހިނެއް، ކޮންގޮތަކަށް، ކީއްވެގެން ބޭނުންކުރާ ”ފަކާ“ އެއް ހެއްޔެވެ؟ ވާހަކަ ދެއްކުމުގައިވެސް، ލިޔުމުގައިވެސް މިއީ، ރަނގަޅުގޮތެއް ނޫނެނެވެ.

ސަބަބަކީ، ’ލިޔެފައި‘ މި ބަސް ނަފީގެ ގޮތުގައި ބޭނުންކުރާއިރު އޮންނާނީ، ލިޔެފަކާ ނޯންނާނެއެއް ނޫނެވެ. އޮންނަން ޖެހޭނީ ’ލިޔެފައެއް ނޯންނާނެ’، ’ލިޔެފައެއް ނުވޭ’، ’ލިޔެފައެއް ނެތް‘ މިހެންނެވެ.

’ބުނެފައި‘ މި ބަސްވެސް އެގޮތަށް ބޭނުންކުރާއިރު އޮންނާނީ، ބުނެފަކާ ނޯންނާނެ، މިހެންނެއް ނޫނެވެ. އޮންނާން ޖެހޭނީ، ’ބުނެފައެއް ނޯންނާނެ’، ’ބުނެފައެއް ނުވޭ’، ’ބުނެފައެއް ނެތް‘ މިފަދަ ގޮތަކަށެވެ.

މިފަދަ ބައެއް އެހެން ކުށް ބަސްތައް ބޭނުންކުރުން މިވަނީ މިހާރަކަށް އައިސް ވަރަށް ޢާއްމު ކަމަކަށް ވެފައެވެ. އިތުރު އެހެން މިސާލަކަށް ބަލާލާނަމަ އަންނަނިވި އިބާރާތްތަކަކީވެސް ފާހަގަކޮށްލެވޭ ޢިބާރާތް ތަކެކެވެ.

މަޢުލޫމާތު ނެގީ: ބަހުގެ ހަމަ ފޮތް – ދިވެހިބަހާއި ތާރީޚަށް ޚިދުމަތްކުރާ ޤައުމީ މަރުކަޒު (24 އޯގަސްޓް 1993)

ލިޔުންތެރިޔާގެ ފުރަމަލަ

އަޙްމަދު ރަޝީދު

ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

މި ލިޔުންތެރިޔާގެ ބައެއް އެހެން ލިޔުންތައް

• 25 ޑިސެމްބަރ 2025ޚަބަރުއެމްއެފްއޭގެ ބޯޑު އެކުލަވައިލުމަށް އިލެކްޝަން ކޮމިޓީ އެކުލަވާލައިފި
• 22 ޑިސެމްބަރ 2025ޚަބަރު“އަލިފާން” އަދި “އަލްވަދާޢު” އަނެއްކާވެސް ސިނަމާއަށް!
• 21 ޑިސެމްބަރ 2025ޚަބަރު”މެރި ޒިންދަގީ ހޭ ތޫ“ އަށް ބޮޑު ރާޅެއް އަންނަން އުޅޭ ކަމުގެ އިޝާރާތެއް!
• 21 ޑިސެމްބަރ 2025ބިރުވެރިޝަމްހޫރިޝް – އެނބުރި އައުން