އިތުރު 4 މީހަކު ކޮވިޑް-19 އަށް ފައްސިވެފައިވާކަމަށް ހެލްތު ޕޮޓެކްޝަން އެޖެންސީން ހާމަކޮށްފައިވެއެވެ.

ހެލްތު ޕްރޮޓެކްޝަން އެޖެންސީން ދާދި ދެންމެއަކު ކުރި ޓްވީޓެއްގައި ބުނެފައިވަނީ ކޮވިޑް-19 އަށް އިންޑިއާގެ 2 މީހަކާއި، ސްރީލަންކާގެ މީހަކާއި އަދި ދިވެއްސެއް ފައްސިވެފައިވާކަމަށެވެ. ނަމަވެސް މި މީހުން ފައްސިވެފައިވަނީ ކޮންތަނަކުން ކަމެއް އެ ޓްވީޓުގައި ހާމަކޮށްފައިނުވެއެވެ.

ކޮވިޑް-19 އަށް މިހާތަނަށް ރާއްޖެއިން 141 މީހުން ފައްސިވެފައިވާއިރު، އޭގެތެރޭގައި ހިމެނެނީ 69 ދިވެހިންނާއި، 72 ބިދޭސީންނެވެ. ކޮވިޑް-19 އަށް ފައްސިވި މީހުންގެ ތެރެއިން މިހާތަނަށް 16 މީހަކު ރަނގަޅުވެފައިވާއިރު، ކަރަންޓީނުގައި 1342 މީހުން ތިބިއިރު، އައިސޮލޭޝަން ގައި 153 މީހުން އެބަތިބި ކަމަށް ހެލްތު ޕްރޮޓެކްޝަން އޭޖެންސީން މަޢުލޫމާތު ދީފައިވެއެވެ

Ads by MUNIAVAS