ރާއްޖެއިން އިތުރު 2 މީހަކު ކޮވިޑް-19 އަށް ފައްސިވެ، ރާއްޖެއިން ބަލި ޖެހިފައިވާ މީހުންގެ އަދަދު 280 އަށް އަރައިފިއެވެ.

އެކަން ހާމަކޮށްފައި ވަނީ މިރޭ ދަރުބާރުގޭގައި ކުރިިއަށްދާ ނޫސްވެރިންގެ ބައްދަލުވުމުގައި ޑރ. އަލީ ލަތީފްއެވެ.

ކޮވިޑް-19 ޖެހިގެން ފަރުވާދެމުންދާ މީހުންގެ ތެރެއިން ހާލުބޮޑު މީހަކު މިރޭވެސް އައިސީޔޫއަށް ބަދަލުކޮށްފައި ވާކަމަށާއިއޭނާއަކީ އުމުރުން 70 އަހަރުގެ މީހެއްކަމަށްވެސް މިރޭގެ ނޫސްވެރިންގެ ބައްދަލުވުމުގައި ވަނީ ހާމަކޮށްފައެވެ.

ރާއްޖެއިން ފުރަތަމަ ފަހަރަށް ކޮވިޑް-19 ޖެހިފައިވާ މީހަކު މިއަދު ވަނީ ނިޔާވެސް ވެފައެވެ.