ބޮލީވުޑްގެ މެގަސްޓަރ އަމީތާބު ބައްޗަން ކޯވިޑް-19 އަށް ފައްސިވެ ހޮސްޕިޓަލްގައި އެނދުމަތިކޮށްފިއެވެ. އަމީތާބު އެނދުމަތިކޮށްފައިވަނީ މުމްބާއީގެ ނާނަވަތީ ހޮސްޕިޓަލްގައެވެ.
ކޮވިޑް-19 އަށް އަމީތާބު ފައްސިވިކަން އަންގާފައިވަނީ އަމިއްލަ ޓްވިޓަރ އެކައުންޓް މެދުވެރިކޮށެވެ. އަމީތާބު ކުރި ޓްވީޓްގައި ބުނެފައިވަނީ އޭނާ ކޮވިޑަށް ފައްސިވުމުން ހޮސްޕިޓަލަށް ބަދަލުކޮށްފައިވާކަމަށެވެ. އަދި އާއިލާ މީހުންނާއި މުވައްޒަފުންގެ ސާމްޕަލް ނަގާފައިވާކަމަށާއި ނަތީޖާގެ އިންތިޒާރުގައި ތިބިކަމަށެވެ.
T 3590 -I have tested CoviD positive .. shifted to Hospital .. hospital informing authorities .. family and staff undergone tests , results awaited ..
All that have been in close proximity to me in the last 10 days are requested to please get themselves tested !— Amitabh Bachchan (@SrBachchan) July 11, 2020
ވޭތިވެދިޔަ 10 ދުވަސްތެރޭ އަމީތާބާއި ކައިރިން ބައްދަލުވި އެންމެން ޓެސްޓްކުރުމަށް ވެސް އެދިފައި ވެއެވެ. ޑޮކްޓަރުންނާއި ހަވާލީ އިންޑިއާގެ ބައެއް މީޑިއާތަކުން ބުނާ ގޮތުން ބަލީގެ އަލާމަތްތައް ފެނިގެން އަމިއްލައަށް ގޭގައި އެކަހެރިވެގެން ހުރި އަމީތާބު ހޮސްޕިޓަލަށް ބަދަލުކުރީ މިއަދުގެ ހަވީރުގެ ވަގުތެއްގައެވެ.
