ލ. އަތޮޅުގެ ތިން ސަރަހައްދެއް މިނިސްޓްރީ އޮފް އެންވަޔަރަންމަންޓް، ކްލައިމެޓް ޗޭންޖް އެންޑް ޓެކްނޯލޮޖީގެ ޓެކްނޯލޮޖީން ހިމާޔަތްކޮށްފި އެވެ. އެގޮތުން ހިމާޔަތްކޮށްފައިވާ ސަރަހައްދުތަކަކީ:-

ލ. ގާދޫ ރަށުގެ ވެލާ އަރާ ސަރަހައްދާއި ޗަސްބިމާއި ވަށައިގެންވާ ފަރާއި ފަޅު އަދި މޫދުވިނަ ސަރަހައްދު

މި ސަރަހައްދު ހިމާޔަތް ކުރެވިފައިވަނީ ދިވެހިރާއްޖޭގެ ތިމާވެށި ރައްކާތެރިކޮށް ދެމެހެއްޓުމާބެހޭ ޤާނޫނު (4/93)ގެ ދަށުން 23 ޑިސެމްބަރު 2021 ގައި

ހިމާޔަތް ކުރެވޭ ގިންތި – 6

ސްޕީޝީސް/ހެބިޓެޓް މެނޭޖްމަންޓް އޭރިއާ

ޙިމާޔަތް ކޮށްފައިވާ ސަރަހައްދުގެ ބޮޑުމިން

614 ހެކްޓަރު

ޙިމާޔަތް ކުރުން މުހިންމީ ކީއްވެ؟

1- ދެކުނު ފަރާތާއި ހުޅަނގު ފަރާތުގެ ގޮނޑުދޮށަކީ ދިވެހިރާއްޖޭގައި ޙިމާޔަތްކޮށްފައިވާ އަދި ދުނިޔޭގެ ފެންވަރުގައި ނެތިދިޔުމުގެ ބިރު ހީވެފައިވާ ދެ ބާވަތްކަމުގައިވާ ކަހަނބު އަދި ވެލާ ބިސްއަޅާ، ވިހާ އާލާވާކަމަށް ޒަމާނުންސުރެ ފާހަގަ ކުރެވިފައިވާ ސަރަހައްދެއް.

2- ރަށުގެ ވަށައިގެންވާ މޫދު ވިނައާއި ފަރުގެ ސަރަހައްދަކީ ވެލާ ކަހަނބުގެ ކާނާ ފޯރުކޮށްދޭ އަދި ފަރުމަހުގެ ދިރުންތައް އާލާވުމަށް ބޭނުންކުރާ މާހައުލެއް. އަދި ދުނިޔެ ހޫނުވުން ކުޑަކޮށްދިނުމަށް ކާބަން ރައްކާކޮށްދޭ މޫދުވިނައިގެ 6 ބާވަތަކާއި ފަރުމަހުގެ 91 ބާވަތް މި ސަރަހައްދުން ފެނިފައިވާކަމަށް ރެކޯޑުކުރެވިފައިވޭ.

3- މި ރަށުގެ އިރުމަތީ ފަރާތުގައިވާ ޗަސްބިން ސަރަހައްދުގައި ވާ މީރު ފެންކުޅިއަކީ ރަށުގެ ފެން ފަށަލަ ތާޒާކޮށްދޭ އަދި ރަށުގައި ފެންބޮޑުވުމުގެ ފުރުޞަތު ކުޑަކޮށްދިނުމަށް މުހިއްމު ދައުރެއް އަދާކުރާ ސަރަހައްދެއް. އަދި މި ސަރަހައްދުން މޫސުމީ ދޫންޏާއި، ހިމާޔަތްކޮށްފައިވާ ދޫނީގެ މާހައުލުތައް ދަމަހައްޓަން އެހީވެދޭ.

ލ. ގާދޫ ހިތަދޫ ކަނޑު ސަރަހައްދު

މި ސަރަހައްދު ހިމާޔަތް ކުރެވިފައިވަނީ ދިވެހިރާއްޖޭގެ ތިމާވެށި ރައްކާތެރިކޮށް ދެމެހެއްޓުމާބެހޭ ޤާނޫނު (4/93)ގެ ދަށުން 23 ޑިސެމްބަރު 2021 ގައި

ހިމާޔަތް ކުރެވޭ ގިންތި – 6

ސްޕީޝީސް/ހެބިޓެޓް މެނޭޖްމަންޓް އޭރިއާ

ޙިމާޔަތް ކޮށްފައިވާ ސަރަހައްދުގެ ބޮޑުމިން

777 ހެކްޓަރު

ޙިމާޔަތް ކުރުން މުހިންމީ ކީއްވެ؟

މި ސަރަހައްދަކީ ދިރޭތަކެތީގެ ނަސްލުތަކުން މުއްސަނދި ފަރުމަހުގެ ބާވަތްތައް ބިސް ދޫކޮށް ވިހާ އާލާވާކަމަށް ރިކޯޑް ކޮށްފައިވާ ސަރަހައްދެއް.

މި ސަރަހައްދުން ފެންނަ މުހިއްމު ދިރުންތަކުގެ ތެރޭގައި ދިވެހި ރާއްޖޭގައި ޙިމާޔަތް ކޮށްފައިވާ ވެލާ އާއި ކަހަނބު އަދި އެންމަޑިއާއި ފަރުމަހުގެ ބާވަތްތައް ހިމެނޭ. މީގެ އިތުރުން ތަފާތު ބާވަތްތަކުގެ މިޔަރާއި މަޑި ފެންނަކަމަށްވެސް ރެކޯޑް ކުރެވިފައިވޭ.

ލ. ބޮޑު ފިނޮޅު އަދި ވަޑިނޮޅު ކަނޑުއޮޅި ސަރަހައްދު

މި ސަރަހައްދު ހިމާޔަތް ކުރެވިފައިވަނީ ދިވެހިރާއްޖޭގެ ތިމާވެށި ރައްކާތެރިކޮށް ދެމެހެއްޓުމާބެހޭ ޤާނޫނު (4/93)ގެ ދަށުން 23 ޑިސެމްބަރު 2021 ގައި

ހިމާޔަތް ކުރެވޭ ގިންތި – 7

ދެމެހެއްޓެނިވި ގޮތެއްގައި ބޭނުންކުރެވޭ ހިމާޔަތްކޮށްފައިވާ ސަރަހައްދު

ޙިމާޔަތް ކޮށްފައިވާ ސަރަހައްދުގެ ބޮޑުމިން

706 ހެކްޓަރު

ޙިމާޔަތް ކުރުން މުހިންމީ ކީއްވެ؟

މި ސަރަހައްދަކީ ފަރުމަހުގެ ބާވަތްތައް ވިހާ އާލާވުމަށް ބޭނުންކުރާ ސަރަހައްދެކެވެ.

ދިވެހިރާއްޖޭގައި ޙިމާޔަތްކޮށްފައިވާ ދިރުންތަކުގެ ތެރެއިން އެންމަޑި، ކަހަނބު، ވެލާ އަދި އެކި ބާވަތްތަކުގެ މިޔަރު މި ސަރަހައްދުން ފެންނަ ކަމަށް ރެކޯޑް ކޮށްފައިވެއެވެ.

ބޮޑު ފިނޮޅަކީ އައިންމަތީ ދޫނި ނިދުމަށާއި ވިހާ އާލާވުމަށް ބޭނުންކުރާ ސަރަހައްދެކެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: