މި އަހަރުގެ ޖޫން މަހުން ފެށިގެން އިންޑިޔާގެ މަހަރާޝްތުރާގެ 10 އަވަށެއްގައި ހިލޭ ކީމޯތެރަޕީ ދޭންފަށާނެ ކަމަށް މަހާރާޝްތުރާ ސްޓޭޓްގެ ސިއްޙަތާބެހޭ ވަޒީރު ބުނެފިއެވެ. ޚިދުމަތުގެ ފުރުތަމަ ފިޔަވަހީގައި މި ޚިދުމަތް ދޭން ނިންމާފައިވަނީ ނާގުޕޫރު، ގަޅްޗިރޯލީ، ޕޫނޭ، އަމްރަވާތީ، ޖަލްގާއޯން، ނާސިކް، ވަރްދާ، ސަތާރާ، ބަންދަރާ އަދި އަކޯލާ ގައެވެ.
މި ހޮސްޕިޓަލް ތަކުގެ ޑޮކްޓަރުންނާއި ނަރުހުން ތިން ހަފުތާގެ ތަމްރީނު ޕްރޮގްރާމެއް ފުރިހަމަކުރުމަށް މުންބާއީގައި ހުންނަ ޓާޓާ ހޮސްޕިޓަލަށް އަންނަ މަހު ފޮނުވުމަށްވެސް ވަނީ ނިންމާފައެވެ.
“ޓާޓާ ހޮސްޕިޓަލަށް ފަރުވާ ހޯދަން ދާން މިޖެހެނީ. ކޮންމެ ހަފުތާއަކު އެމީހުން މުންބާއީ އަށް ދާންޖެހޭ. ކެންސަރު ބަލީގެ މީހުން މުންބާއީ އަށް ދަތުރުކުރުމަށް ކުރިމަތިވާ ދަތިތައް ފިލުވައިލުމަށް، ސިއްޙަތާ ބެހޭ ޑިޕާޓްމެންޓުން މަސައްކަތް ކުރާނީ ސަރަޙައްދީ ފެންވަރެއްގައި ހިލޭ މި ޚިދުމަތް ދެވޭނެ އިންތިޒާމު ހަމަޖައްސަން.” ސަރަހައްދީ ސިއްޙަތާބެހޭ ވަޒީރު ދީޕަކް ސާވަންތު ބުންޏެވެ.
