މިދިޔަ ނޮވެމްބަރު މަހުގެ 21 ވަނަ ދުވަހު އޮލިމްޕަހުގައި ރިލީޒްކުރި ދިވެހި ފިލްމު ”ލިލީ“ މި މަހު 21ގައި އަނެއްކާވެސް އޮލިމްޕަހަށް ގެންނަން ހަމަޖެހިފައިވާއިރު، ފިލްމުގެ ޕްރޮޑިއުސަރުގެ ފޭސްބްކް މެދުވެރިކޮށް މި ފިލްމުގެ އައު މަންޒަރުތަކަކާއެކު ތަފާތު މެސެޖެއް ހިއްސާކޮށްފިއެވެ.
ކްރިއޭޓިވް ނެޓްވޯކުން އާއްމުކޮށްފައިވާ މި ފިލްމުގެ އައު ޓްރެއިލާ ހިއްސާކުރަމުން ޕްރޮޑިއުސަރ އަރީހް ބުނެފައިވަނީ ޑައިރެކްޓަރުގެ ކަޓް ހިމެނޭ އައު މަންޒަރުތަކަކާއެކު ފިލްމު އަލުން އޮލިމްޕަހަށް ގެންނަން އުޅޭކަމަށެވެ.
އާއްމުކޮށްފައިވާ އައު ޓްރެއިލާއިން ރާއްްޖޭގެ އެންމެ މަޝްހޫރު އެކްޓަރ ޔޫސުފު ޝަފީޢު (ޔޫއްޕެ) ވެސް ފެނިގެންދެއެވެ.
”ހެޔޮނުވާނެ ކަލޭމެން ކައިރީ ތިބެން! އެހާވެސް ނުބައި ބައެއް ތީ!“ ޔޫއްޕެ ފެނިގެންދާ މަންޒަރުގައި ޔޫއްޕެ ބުނެލާ ޖުމްލައިން އިވެނީ މިހެން ކަމަށް ޤަބޫލުކުރެވެއެވެ.
”ބައެއް ވާހަކަތައް ނުނިމޭ… އެނބުރި އަންނަނީ ވަރުގަދަކޮށް!“ ފިލްމުގެ އައު ޓްރެއިލާ ހިއްސާކުރިއިރު ލިޔެލާފައިވެއެވެ.
’ޑައިރެކްޓަރ ކަޓް‘ އަކީ ޑައިރެކްޓަރުގެ އަސްލު ނިޔަތް ދައްކުވައިދޭ ފިލްމުގެ ވާޝަނެކެވެ. އަދި މިއީ ސިނަމާ ވާޝަނަށް ވުރެ ފަހުން ނެރޭ ވާޝަނެކެވެ. އާއްމުކޮށްފައިވާ ޓްރެއިލާއާ އެކު ލިޔެލާފައިވާ ލިޔުންކޮޅުން ވެސް މި ފަހަރު އޮލިމްޕަހަށް ގެންނަ ”ލިލީ“ގައި ބައެއް އައު މަންޒަރުތައް ހުންނާނެ ކަމަށް ދަލީލުލިބެއެވެ.
ލިލީގެ މަންޒަރެއްގައި ފިލްމުގެ ލީޑް އައިޝާ
މިމަހު 21 ގައި އަލުން އޮލިމްޕަސް ސިނަމާގައި ފިލްމު އަޅުވަން ތައްޔާރުވަމުން ދާއިރު މިހާރު ދަނީ ޓިކެޓުވެސް ވިއްކަމުންނެވެ. ޓިކެޓު ވިއްކަނީ ވެބްސައިޓު މެދުވެރިކޮށެވެ. އަދި ހޮޓްލައިން 7505079 ގެ ވައިބާ މެދުވެރިކޮށެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 25 ޑިސެމްބަރ 2025ޚަބަރުއެމްއެފްއޭގެ ބޯޑު އެކުލަވައިލުމަށް އިލެކްޝަން ކޮމިޓީ އެކުލަވާލައިފި
- 22 ޑިސެމްބަރ 2025ޚަބަރު“އަލިފާން” އަދި “އަލްވަދާޢު” އަނެއްކާވެސް ސިނަމާއަށް!
- 21 ޑިސެމްބަރ 2025ޚަބަރު”މެރި ޒިންދަގީ ހޭ ތޫ“ އަށް ބޮޑު ރާޅެއް އަންނަން އުޅޭ ކަމުގެ އިޝާރާތެއް!
- 21 ޑިސެމްބަރ 2025ބިރުވެރިޝަމްހޫރިޝް – އެނބުރި އައުން
